مطلوب كمبيوتر بثفندر2003 ولا عطنا رايك با الخراب

[ابو تركي 211]

السلام عليكم
انا عندي سياره بثفندر ماابطيت شاريه المهم مالكم با الطويله يا اخوان
راحت اغير بواجي من باب اني احافظ على الموترhttp://www.tshle7.net/images/smilies/biggrin.gifhttp://www.tshle7.net/images/smilies/biggrin.gif
مبسوط با الموتر
وليتي ماغيرتهنhttp://www.tshle7.net/images/smilies/confused.gif
من بكرى بدا بتفتف وديته للمكانيكي قال لي كويل
غيرته بجديد بعد كم يوم برضه خرب نفس التفتفه وغيرته بجديد
بعد كم يوم نفس الخراب بنفس الكويل
قالي المكانيكي الكمبيوترhttp://www.tshle7.net/images/smilies/eek.gif
عندك خربان لازم تغييره وادورمن ذيك الساعه مالقيت لي الان
حول الشهر ومالقيت باالقصيم فا تكفون
فزعتكم احد عنده حل ولا يخبر كمبيوتر
الموتر واقف والسياره الي معي ايجار

[craino]

عليكم السلام
المشكله مدام بدأت بعد تغير البواجي فهي غالبا من وصلة السلك الواصل الى الكويل نفس الفيش حق الكويل
يظهر ان العامل الي غير البواجي سحبه بقوه وصار فيه مشكله سواء قطع او ماص
ومدام غيرت الكويل اكثر من مره فلا مشكله فيه
الكمبيوتر يسوي كذا بس العاده تكون اكثرمن كويل حسب الخريطه الكهربائيه للسياره
حيث ان الكمبوتر يعطي خط ارضي لكي يكمل الدائره الكهربائيه وتطق الشراره من الكويل
انا اشوف تسوي اختبار بسيط بنفسك وهو كالتالي
جهاز ملتيمتر ومن ارخص الانواع تلاقيه ب 30 ريال اقل او اكثر
تحطه على dc volt اي التيار المستمر وتختار 20 فولت من العجله الدائريه في جهاز الملتيمتر
تفصل فيش الكويل العطلان وتحط السلف على العالي والسياره طافيه
توصل طرف الملتيمتر الى البطاريه السالب والطرف الاخر تجرب به مع فيش الكويل مره في كل واحد هم طبعا سلكين فقط
واحد راح يعطيك 12 فولت والثاني المفروض يعطيك صفر او اقل من نصف فولت
غير كذا عندك مشكله في الفيش او ماص وان اعتقد ان المشكله لا تبعد عن الفيش
كلامي هذا لا ينفي ان الكمبيوتر فيه مشكله لكن ابدأ بالاسهل والارخص
واعطينا الاخبار

[1824]

الكمبيوتر مافيه شيء شيك على الكهرباء والاسلاك والله اعلم

الكمبيوتر ما يخرب من نفسه تاكد بالتوفيق لك

[أبونجم]

السلام عليكم ورحمة الله وبركاته وكل عام وانتم بخير

أخي العزيز شيك على الأسلاك الواصلة للكويل صارت معي أمس .

[يالبى الهلا]

عندك حل واحد فقط اشحنها وعلى الوكالة فحص بالكود نمبر وبرمجة كاملة للكمبيوتر للأسف اللي عندنا مجموعة سباكين(حنشل) يعرفون كيف يسرقون ولا يعرفون كيف يصلحون

[ابو تركي 211]

شاكرلكم جميع ولا كرمكم بااالتجاوب والتفاعل معي
وعيدكم مبارك جميعا
مااعرف بتوصيل الاسلاك لكن احد يخبر كهرباءي
فاهم اروح له ويدبرن ولا ورشه ام انا اوصل مااعرف

[الحربي 591]

اخوي المشكله عندك ما تتعدى كويل بوجي سلك بوجي سلك كويل
واذا انت تعرفه اللي ذكرتها انا اشتر مفك وغير اللي خربان وفك جميع البواجي وركبها مره ثانيه.... يمكن ماهي راكبه زين

[كلاش2500]

اصلا خطأ انك تغير بواجى والموتر حار.....المفروض يكون بارد منها للسلامة ومنها ان الاسلاك تكون ساخنة واى شد لها يخرب السلك.....في طريقة سهلة جدا ....وهى انك تشغل الموتر ومايكون حولك انوار يعنى ظلام....وناظر باسلاك البواجى وركز اذا شفت وميض كهرب من اى سلك معناه السلك خربان وفيه تسريب كهرب......انا اشوف تغير اسلاك البواجى.....والكمبيوتر اذا خرب الموتر مايشتغل.....واللى اشتغل بموترك داج ماعنده سالفة والمفروض انه يدفعلك قيمة خسايرك......
بالتوفيق........

[محمد الرميثي]

الكويل تاكد من الكويلات كلهم

اذكر كان معي باث وسوا فيني كذا وطلع كويل كامل وغيرته وضبط

[ابو تركي 211]

ابشرك ولله الحمد عرفنا العله
لكن الغريب كلام المكانيكي
يقول لو كان كمبيوتر الخراب ماتشتغل السياره اصل
وانت مشكلة سيارتي انه تقطع
استغربت من المعلومه هل هي صحيحه او غلط



وباالنسبه للخراب طلع الفيش
الي يوصل لا الكويل هو الي فيه التماس
شاكر لكم تفاعلكم وجواكم الله عني كل خير
وسعدت واستفدت كثير باالمنتدى

[craino]

ماشاء الله
مبروك
خللك معنا في مكشات لا تروح بعيد

معلومة الميكانيكي خطأ
الكمبيوتر قد يجعل السياره ماتشتغل نهائيا وقد يظهر عطله بصور كثيره جدا ,
الاكيد انه قد يكون فيه مشكله وتظهر بصورة تفتفه او اي شكل اخر