قطع غيار اللاندكروزر الامريكي يركب على السعودي او الخليجي

[Wa7shne]

السلام عليكم ورحمة الله وبركاته

كما تعلمون يا اخون ان بعض قطع الغيار في اللاندكروزر ما تباع الا كامله
وانت مو محتاج القطعه كامله بس محتاج جزء منها وعلى سبيل المثال
( الركبه الي بالمقص الي فوق او الي تحت ما تباع الا مع المقص كامل )
( كراسي الدودة ما تباع الا مع الدودة كامله )
وهناك الكثير من القطع لا تباع الا كامله علشان يستفيد الوكيل وتستفيد الشركه
لكن شدني شي وانا اتصفح هالنت لقيت قطع الغيار اللاندكروزر الامريكي
تباع مجزئه يعني الركب تباع بدون المقصات وكراسي الدودة تباع بدون الدودة

لكن السؤال هل قطع غيار اللاندكروزر الامريكي تركب على سياراتنا الخليجية؟؟

نبي الاجابه من الي جربو او يعرفون احد جرب اللاندكروزر الامريكي

[يالبى الهلا]

نفس القطع ونفس الأرقام بالعكس الأمريكي أكثر أمانا ومواصفات غير موجودة بالفل السعودي
لاكن لايعمل الوكيل لها صيانة واذا طلبت برقم الشاصي يقولك مستورد مانامن لة القطع سبحان الله تقال لاندروكزر تصنيع محلي!!!!!!!
وهو مستورد بس مواصفات حسب الوكيل

[Wa7shne]

انا عندي كراسي الدوده خربت ورحت لبو جميل
قالي الكراسي تجي مع الدوده كامله وسعرها
تقريبا ٣٦٠٠ ريال لكن فيه تصنيع محلي فيبر قلاس
وهاذي قاسيه وتسبب رجه بالدركسون بالبر
ولقيت الكراسي بموقع امريكي تباع لوحدها
وسعرها تقريبا ٥٨ دولار تقريبا ٢٠٠ ريال
بس خايف اطلبها ولا تركب مع انها تركب
على اللاندكروزر الامريكي

وماني عارف اطلبها او لا لانها ارحم من ٣٦٠٠ ريال

[يالبى الهلا]

فية أشخاص يطلبها لك من أمريكا مقابل مبلغ رمزي يقالة وسيط ويقدر لك التكاليف من الباب للباب وكم الشحن وطريق الشحن جوا أو بحرااا
المفروض بمنتدى مكشات موجود وسيط للشراء من الإنترنت والشحن للمناطق المملكة

[1824]

تبشر اشوفلك اياها بس اهم شيء وزنها مو ثقيل وكم موديل موترك وين موقعك انت واطلبها لك ولا يزعلون اهل مكشات

[Wa7shne]

تبشر بالجنه
الله يعطيك العافية
بس قبل ما نطلبها ابي اي واحد يفيدني
هي تركب اكيد او ما تركب
نبي مجرب او مستخدم

[ابوعبدالله172]

اخي الغالي بالنسبه لكراسي الدوده اصلحها انا دايم عندالمخرطه الحبه بخمسين ريال الكل بماءة ريال ومن احسن مايكون

[Wa7shne]

يعطيك العافيه ابو عبدالله
اذا تقصد الي يسوونها بالمخرطه لونها ابيض
فيبر قلاس ركبتها بس هاذي قاسيه وتسبب نفضه في
الدركسون في البر خاصه في (المطناج) لان ما فيها
ربل مثل شد البلد والربل يعطي الدركسون مرونه اكثر

[snnar]

فية ربلة مقص فورد من الخارج حديد محشو بربل تحتاج توسيع مكان الربلة بالمخرطة ويكبسونها تعيش سنين انا مجربها


Sent from my iPhone

[رحال7]

تقبل الله منا ومنكم وجعلنا من عواده
أبشر بالعلم

القطع الامريكيه اللي أصيله من تويوتا هي نفس القطع عندنا واللاند الأمريكي نفس اللي عندنا بس انتبه تويوتا عملت تغييرات في بعض القطع من موديل لموديل





جلد الدوده صنعتها شركات قطع غيار متخصصه كبديل وهناك نوعين نوعين ،،مصنعه خصيصا لنفس الدوده



شوفهاhttp://img.tapatalk.com/d/14/10/05/3ujupa2a.jpg
http://img.tapatalk.com/d/14/10/05/haty3upy.jpg

[Wa7shne]

http://imagizer.imageshack.com/img901/9476/X3q7T8.jpg
http://imagizer.imageshack.com/img745/5023/dDHWbw.jpg
خايف اطلبهم ولا يركبون

[craino]

ارسل لي رقم شاص سيارتك وارسل لي رابط القطع الي انت ناوي تشتريها
وراح اشوف لك القطع من برنامج قطع غيار تويوتا واقولك هل هي نفس القطعه بنفس الرقم او لا
ارسل رقم الشاص خاص