حظيرة السلق

[هاوي سلق]

يجب ان تبنى الحظائر في مكان صحي محاط بالاشجار لتقي الكلاب شر حرارة الجو صيفا ولاتقاء الاتربة التي تؤثر على حاسة الشم ولتقليل التيارات الهوائية التي تسبب للكلاب النزلات المعوية والالتهابات الرئوية والمعدية والخطيرة ، تنقسم الى قسمين هما :
القسم الاول :
عبارة عن حجرة مستطيلة مقاس واحد متر في متر ونصف ولها باب مفتوح بعرض نصف متر وارتفاع واحد متر مع مراعات رفعه عن سطح الارض بقاعدة من حديد بأربع قوائم لمنع وصول الماء والحشرات الزاحفة اليها وهذه الغرفة لتحميه من موجات البرد القارص في فصل الشتاء .
القسم الثاني :
عبارة عن حظيرة بطول وعرض اربعة أمتار وارتفاع مترين على الاقل ولهذه الحظيرة باب بارتفاع مترين وعرض سبعين سم. ويبلط الحظيرة مع مراعاة تجهيز الحظيرة بالادوات الصحية لصرف المياه وعدم تراكمها والا احدثت اضرار بالغة وايضا يوضع به صنبور المياه بضغطٍ عالٍ وتسقف الحظيرة بسقف عازل حراري

[ابو السلق]

مشكور فية ناس نجيهم نلقى سلقانهم كنها طيور مسكرين عليها في شبك كنة زنزانة نص متر في ربع متر وش هذا وشكرا

[القـــناص]

والله انا اتوقع انه احسن

شي انك تخلي السلوقي طلق(( مفكوك لافي شبك ولا عرفه ))

لانك اذا بغيت تقنص تلقاه جاهر مجهز نفسه...

[قناص الساحل]

يعطيك العافية اخوي هاوي سلق
فكره حلووووه

[(القناص)]

تسلم على الموضوع الجميل

[الخيول96]

السلام عليكم اخوي مافي احلا من انك اتفكه في العزبه ايذري في المكان الي يبي في الشته ويتضلل في الصيف اذا خايف عليه اتسكر عليه في اليل عشان مايسري بشبك وفي اعتقادي انه بهطريقه يحافض على نفسه هو بنفسه واسلم له من الحيس الدام اما الحضاير التي تتكلم عنها الكلاب الحراسه اعزك الله

[القحطاني505]

ماادري وش اقول ياهاوي سلق لكن الله يعطيك العافيه

[هاوي سلق]

مشكورين على تشريفكم الموضوع
وانا طرحت الموضوع لان فيه بعض الناس يخلي السلق هدد بدون شبك
ويجي ويلقاه مسروق
انا اشوف ان الحظيرة افضل واامن

[اسير تربه]

السلام عليكم : اخوي هاوي سلق من الأفضل اذا بغيت اسلوقي يطلع سبوق انك تمله يعني تخليه يعدي وراء السياره 2كيلو اقل شي تقدر عليه مع البران عشان يكون عنده لياقه لهديته ورا الارنب

[يتيم بلا زايد]

مشكوووور ياهاوي السلق على موضوعك وانشالله الجمبيع يستفيد000

[هاوي سلق]

كلامك صحيح اخوي اسير تربه
وهلا فيك اخوي يتيم بلا زايد

[راعي منوه]

مشكور اخوي هاوي سلق على الموضوع الحلو
بس ياليت اذا كانت الغرفه كبيره يعني5*4
متر ولا 8*6تكون افضل للسلق
واذا مان عندك اكثرمن واحد تقدر
تقسم الغرفه بشبك من الداخل
بمقاس2*2
وبالنسبه للياقه انت لازم تكون
متواجد عند السلق تقريبا شبه يومي
وتطلعهم وتجريهم لمدة ساعه هروله
والله اعلم

[هاوي سلق]

مشكوووووووووووووور ياراعي منوه

[ذيــب قــطــر]

هلا والله يالغالي
ماقصرت اخوي هاوي سلق على الموضوع الاكثر من روووعه
الله يوفقك

[هاوي سلق]

الجميع انشاء الله

[ابـ معزي ـو]

اخوي هاوي سلق

انا معك لكن احس ان السلق اذا ما جاهن حقهن والا ماهن سلق
اذا ماركظت التسلب يوميا وطلعتبه كل يومين هذا انا ما اسميه سلوقي

تحياتي

[هاوي سلق]

صدقت ياابو معزي لكن وقت الراحة وين يروحون لابد ان في مكان ترتاح فيه وقت البرد والحر

[طير حوران 999]

سوال ياجماعة الخير
هل الشبك الكبير الي يجي 20 في 20 ويكون فيه شجر يكفي وزين للسلق ويعطيها لياقة
وهل هو ازين من الشبك الصغير
يعني يكفي عن اللياقة ويعطيها لياقة ولا زي الصغير
وشكرا

[هاوي سلق]

طبعا كل ماكان المكان اللي يفلي فيه السلق وسيع كل ماكان السلق افضل

[sasasasas]

مشكووووووووووور اخوي هاوي سلق والله يعطيك العافيه

[فهد222]

مشكوووووووووووووووور اخوي
على الموضوع

[طير حوران 999]

وش احسن حاجة للسلق الفك في حوش وسيع او الربط
وهل يغني الحوش عن الرياضة وكم يودي لياقة 20% او كم 90%

[هاوي سلق]

هلا فيك اخوي طير حوران
طبعا الحوش يعتبر بالنسبة للسلق مثل المشي بالنسبة للانسان

[طير حوران 999]

ممكن توضيح لوسمحت
كيف يعني يغني عن اللياقة

[هاوي سلق]

:no2:لا طبعا ما يغني عن اللياقة
لكن اذا كان السلق دايما يتحرك في محل كبير فهذا يؤدي الى :
1- تحريك الدورة الدوية بان الدم يسير في جميع اجزاء الجسم بشكل منتظم
2- تحريك اعضاءه عند المشي او اللعب
3- تساعده على زيادة النباهة او الانتباه للاشياء اللي حوله
4- تحميه من امراض الامساك لانك لو تلاحظ اذا كان السلق محكور بشبك صغير وبعد كذا طلع منه يجري شوي ثم بعد ذلك يبدأ يفضي واذا كان محكور بعض السلق يحاول انه مايدمن في مكانه الى ان يجيه راعيه ويطلعه وهذا بحد ذاته يسبب مرض الامساك
5- تحميه من التآكل او تساقط الشعر اللي تسببه الارض اللي هو جالس عليها
اتمنى اني اكون افدتك :good: :good:

[اقحطاني%]

اظني ان الفكه مهيب زينة للسلق لانها تخليه يسمن كثير والله العالم وبالتالي يصير صنيع ولا يركض مثل ماهو خفيف
وجهة نظر والله العالم

[صياد الوعل]

[تحيه طيبه

الف شكر على ها المعلومه ,, و لكن اعتقد ان البعض بامكانه توفير حظائر اكبر او ان تكون طليقه مع الحلال و البل ,, وفي المساء تكون الحظيره آمنه من هروبه او السرقه ,, لكون الكلاب بصفه عامه لها اوقات ترغب في عملية التزاوج و بالتالي لا يمكن التحكم في تصرفاتها ...

[رادار الخرايم]

ويبلط الحظيرة .......... انتبهوا من هالكلام واعذرني ياهاوي سلق وانا اخوك ولاتزعل لأن نكبة السلوقي هالملاحظه بالذات انت تدري ان البلاط يعدم السلوقي ويعفص ايديه ....... اما وين تحط السلوقي فالمهم يكون طلق على يده

[هاوي سلق]

كل له راي ووجهة نظر الله يسلمكم
والبلاط حط عليها فرشه على شان على قولتك لا يعفص ايديه