تقطيعه الباترول

[سوبر مكشات]

السلام عليكم:

موتر أحد الشباب باترول اذا وصل الضغط لرقم 3 بدا يقطع الموتر ويرمي ولا يتعدى 110 خاصه اذا دعس البنص كله واذ خفف الدعسة يمشي معه بس بتقطيعه؟؟
وش المشكلة؟؟
هل هي كلبليتر
كهرب
ديلكو
اسلاك وبواجي
دنمو
؟؟؟؟؟؟؟؟؟؟؟

ومشكلة تقطيعه الباترول فيه مواضيع كثيرة بمكشات لكن ما فيه حل واضح
كلن يقدح من راسه ابي لي حل مجرب

ومشكورين...

[الرحال2010]

التقطيعة لها سبين والعلم عند الله:
1/التانكي وصخان يعني يبغالك تنظيف لدائرة البنزين كلها مو حاجة وحاجة لا
2/ الكهرباء توجد مشكلة فيها من كوير واسلاك بواجي ديلكو شيك عليها
لاكن انا ارجح السبب الاول وبالذات اذا كان الموديل قديم

[ابوعبدالله172]

اخي كم موديل الباترول وهل هو بخاخ او كبليتر وضح حتى نتمكن من الاجابه

[ls1.5700]

عطنا موديل الموتر وهل هو فتك او لا

[محمد الرميثي]

اخوي ترى الباترول له 60 سنه

وضح لنا الموديل بخاخ كبليتر

[لاجيب الا جيب]

يبدو لي والله العالم ان المحرك كربريتر لانه ذكر احد الاسباب اللي هو يتوقعها..ابدأ التشييك من الكويل + العظمة + البلاتين..العظمة اذا خربت تخلي البلاتين عندك يلذع بيسوي نفس حركة التقطيع وسبب خرابه ان جاته كهرب زياده ولذع وسبب هذا الشي هو العظمة عندك تحتاج لتغيير اضافة تغير البلاتين...

[SGL]

يبدو لي والله العالم ان المحرك كربريتر لانه ذكر احد الاسباب اللي هو يتوقعها..ابدأ التشييك من الكويل + العظمة + البلاتين..العظمة اذا خربت تخلي البلاتين عندك يلذع بيسوي نفس حركة التقطيع وسبب خرابه ان جاته كهرب زياده ولذع وسبب هذا الشي هو العظمة عندك تحتاج لتغيير اضافة تغير البلاتين...

:good2::good2:
مثل ماقالك العظمة إذا التقطيع مستمر والبليتين يلذع بسرعة وغير معها البوبينه
وتأكد من وزنية الديلكو

[سوبر مكشات]

الموتر كلبليتر موديل 95

اذا بدا يقطع يدخن اسود

[sulaiman.fj40]

افحص الشفاط يمكن كاتم /
افحص البليتين يمكن لاذع ويحتاج تغيير مع البويبينه
افحص البواجي واسلاكها
افحص الكويل

[ابوعبدالله172]

افحص فلتر الهواء احتمال مسكر وما يسمح بدخول الهواء الكافي للمحرك واحتمال مثل قال بعض الاخوه الشفاط كاتم

[سوبر مكشات]

الله يعطيكم العافية..

اخليه يدخله ورشه ويفيدكم بالي صار

[يالبى الهلا]

الشغلة كهربااااا ابدابالاسهل افحص كمبيوتر.

[أحمد محمد1429]

السلام عليكم أخي الحبيب مشكلة التقطيع عندك من فلتر البنزين ياليت أول ماتبدي هو قبل ماتحوس فيه سيارتك وخساير

[سوبر مكشات]

السلام عليكم:

المشكلة يا اخوان صارت من خابور الديلكو ( القطعة الي تجي فوق البلاتين وتنقل الكهرب للبواجي)
نفس هالخابور أو المسمار منكسر ولا ينقل الكهرب صح للبواجي والقطعه سعرها 40 ريال وغيرت معها البلاتين والبواجي وضبط...

[MSAN]

المشكلة في الديلكو.. أو يمكن يبي له وزن فقط


بالتوفيق