مشكله باترول كبليتر %

[محمد الرميثي]

السلام عليكم



اخواني عندي باترول موديل 90
لازم كل بعد فترة ارفع البنص من عند الكبليتر واذا اخذ له فترة رجع ونزل البنص ويبدا يطفي واشغله بصعوبه ويشتغل واروح ارفع البنص لكن لازم ارفع البنص بزيادة عشان ما يطفي

ياليت احد يفيدني وشلووون احاول اخليه مثل وكالته لارفع بنص ولا رفعت ضغط ولا شي ابيه يكون صافي

وياليت اذا فيه ورشه خاصه بالنيسان باترول ببريدة تفيدونا ولكم الشكر

[لاجيب الا جيب]

المشكلة عندك والله العالم من الاهواز اللي طالعه من الكربريتر...قبل فتره بسيطة كنت مثل وضعك بالضبط..سكرت لي واحد وبعدها ضبط ..بصوره لك ان شاء الله

[محمد الرميثي]

الاهواز وش نظامها وعساها ماهي معقدة

ليش ما نقول الكبليتر يبيله تنظيف او اركب الابر الي يقولون وبعدين هو صرف البنزين فيه يبيله محطه متنقله يصرف صرف مو طبيعي

[ابوعبدالله172]

اخي الغالي بالنسبه لانخفاض البنص فيه خلف الكبليتر مسمارمخصص لرفع السرعه شد عليه وتضبط امورك ان شاءالله

[SGL]

دام فيه صرفيه يحتاج فك وتنظيف وتركيب الإبر المقصودة ألتيما-مازدا-صني الي هو أهم شي يضبط الكربريتر :good2: ويشبك لياته كلها بمكانها الصحيح بخصوص المهندس في بريدة أذكر إني قريت رد عضو يقول ورشة الخضير على ماأذكر وموقعهم بريدة

[لاجيب الا جيب]

اخوي محمد..معليش نسيت والله اصور لك الليات..بس متاكد من الليات والشغله بسيطه وماتاخذ منك ثواني ولا دراهم..واذا عندك صورة للكربريتر جهة الليات ممكن ابين لك اي لي اللي يسبب لك المشكله هذي.

[حمزةعبدالمطلب]

تاكد من القاعدة لاتكون محلوله اللي خلف الكلبريتر
تاكد من مسمار الدعسة اللي تحت
تاكد من مسمار البنزين لا يكون ماهو موجود الياي الاسبرنق
الوزنية من مسمار الدعسة اللي تحت وليس مسمار البنزين لذلك عندك صرفية بنزين
تاكد من هذه الامور ثم نوزن مع بعض الهواء والبنزين خطوة خطوة

[حمزةعبدالمطلب]

تاكد من القاعدة لاتكون محلوله اللي خلف الكلبريتر
تاكد من مسمار الدعسة اللي تحت
تاكد من مسمار البنزين لا يكون ماهو موجود الياي الاسبرنق
الوزنية من مسمار الدعسة اللي تحت وليس مسمار البنزين لذلك عندك صرفية بنزين
تاكد من هذه الامور ثم نوزن مع بعض الهواء والبنزين خطوة خطوة

[الا سير]

شوف هالرابط
http://www.mekshat.com/vb/showthread.php?t=585259

[محمد الرميثي]

مشكورين اليوم الموتر طلع صافي علشاني مشيت عليه طبلونه وصار صافي حيرني