استفسار تركيب ديلكو الكتروني للباترول

[sbider2002]

السلام عليكم ورحمة الله
كل عام والجميع بخير ، اخواني انا عندي سيارة نيسان باترول موديل 1991 وبصراحة السيارة مجهزها للبر والقنص ومتخسر عليها وابي اركب لها ديلكو الكتروني وابي فزعتكم ونصايحكم ايش القطع اللي احتاجها وبكم تكلفني ووين الورشه اللي تركبها سيارتي كلبريتر وانا في الشرقية لاني شايف السيارة حرارتها ترتفع وعزمها لك عليه وقريت ان الديلكو الالكترني ينفع تكفون من عنده نصيحة او خبره لايذخر علي وبيض الله وجيهكم ،

[لاجيب الا جيب]

وعليكم السلام ورحمة الله وبركاته..,

فيه ناس تركب الديلكو الالكتروني حق موديل 95 وطالع اللي جت مكاينهن بخاخ..ويسقط على طول واشتر معه الكويل حقه يجيك الكتروني صغير...وفيه ناس مركبين ديلكو حق مكاين 4500 موديل 98 بس والله العالم ان يحتاج لشغل ترهيم.. وحق موديل 95-97 ماعليه قصور وممتاز..

وفيه قطعة تركب على الديلكو اللي عندك ويصير اقوى وافضل من الديلكو الالكتروني تحصلها في احد المواضيع ..وسعرها غالي..اما الديلكو تحصله ب 1000 ريال وهو ميتسوبيشي ولكن للباترول .. موفق

[الحميضاني]

السلام عليكم ورحمه الله وبركاته
اخوي ركب ديلكو الكتروني حق 4500 كبريتر اما حق البخاخ يقولون يركب بس ما يشتغل او انه ما يضبط هذا اللي قريته بالمنتديات بس حق ال4500 كبريتر يركب وافضل وشكرااا

[sbider2002]

بيض الله وجيكم على ردكم وتفاعلكم ولاكن ويش اسم القطعة اللي تركب على الديلكو حق الوكالة وتعطيه قوة اضافيه ،ابي عزم السياره يتغير وابي حرارته تتغير كل شي بالسياره غيرته حتا راس الماكنه وطرمبه الماء ولاكن باقي موضوع القوة والسيارة اذا طفيتها ماتطفى على طول تقعد تتفتف واطفيها بالنمرة وبيض الله وجيهكم