مشكله في الدبل

[بن رخيص69]

السلام عليكم ورحمه الله وكل عام وانتم بخير


بإختصار عشقت الدبل في النفود ونا من زمان ماشغلته وعيال يفصل مع العلم ان اللمبه طفت لاكن الدبل شابك ريوست وقدمت وماش عيا يفك ،،،
فونتشر اربع سرندل قير عادي ،،،
،،،،،
سقته الين وقفته عند الباب ،،،،،


خبرتكم الله لايهينكم ،،،،

[ابوعبدالله172]

اخي الحبيب سبب تعليق الدبل مقاس الكفرات عندك مختلف عن بعض مع ملاحظة انه في حالة اختلاف الشركه الصانعه للكفرات يحصل اختلاف بالمقاس وان كان الرقم موحد لحل المشكله ارفع احدالكفرات وحاول تفضي الدبل وان شاء الله تضبط امورك

[بن رخيص69]

جزاك الله خير انا نسمت الكفرات وبعد اشوي بنفخهن واحاول افصله مع ان الكفرات طقم واحد ...

[الاشهب 507]

انت ذلحين كم مديل
وشغل الدبل الثقيل
مره ثانيه وقومه في الثاني
وامش عليه مسافة وعشقه
تعشيق عادي من الثاني إلى الخامس
وانت ماشيء وبعته هدبه بدون فرمله يعني
ارفع رجلك عن البنزين لين يهدي ورده من
الخامس الين الثاني يعني تهدي وتعطيه
4 ثم3 ثم 2 وبعده وقف وافصله
بس بشويش يعني ترده في الفاضي بعدين
ثانيتين اترده السنه وبعده بشوي تفصله
وانت قبل توقف كنت تمشي قدام صح
بعد مافصلته لاتمشي قدام امش ورى
واذا كنت تمشي ورى وهو مشبوك افلصه
وامش قدام هذي الطريقه الصحيح لفصله
إذا علق
ام إذا استخدمته. وجيت بتفصل مثلن
انت ماشي قدام وبعده وقفت تفصله بعد ماتفصله
ارجع روس 7 امتار تقريبن بعده توكل على الله
إذا كنت ماشي ورى ووقفت تفصله بعد
ماتفصله امش قدام عادي لا ترويس بعد ماتفصل
انت كنت ماشي على الوراء امش قدام اول
ولا بيعلق
الأشهب 507

[بن رخيص69]

انت ذلحين كم مديل
وشغل الدبل الثقيل
مره ثانيه وقومه في الثاني
وامش عليه مسافة وعشقه
تعشيق عادي من الثاني إلى الخامس
وانت ماشيء وبعته هدبه بدون فرمله يعني
ارفع رجلك عن البنزين لين يهدي ورده من
الخامس الين الثاني يعني تهدي وتعطيه
4 ثم3 ثم 2 وبعده وقف وافصله
بس بشويش يعني ترده في الفاضي بعدين
ثانيتين اترده السنه وبعده بشوي تفصله

وانت قبل توقف كنت تمشي قدام صح
بعد مافصلته لاتمشي قدام امش ورى
واذا كنت تمشي ورى وهو مشبوك افلصه
وامش قدام هذي الطريقه الصحيح لفصله
إذا علق
ام إذا استخدمته. وجيت بتفصل مثلن
انت ماشي قدام وبعده وقفت تفصله بعد ماتفصله
ارجع روس 7 امتار تقريبن بعده توكل على الله
إذا كنت ماشي ورى ووقفت تفصله بعد
ماتفصله امش قدام عادي لا ترويس بعد ماتفصل
انت كنت ماشي على الوراء امش قدام اول
ولا بيعلق
الأشهب 507



،،،،،ً،،،،،،،،،،،


كل شي سويته قدمت رجعت عيا يفصل مع ان لمبة الدبل طافيه لاكن الدبل شابك موديل الفونتشر 2010 الحين بديت اشم ريحت الكلتش ياولد دبروني العام مغير الكلتش 1500 ريال ،،،،،

[بن رخيص69]

للرفع ،، بديت لشم ريحت الكلتش

[بن رخيص69]

للرفع ،، بديت أشم ريحت الكلتش ،،،،،،،،، تكفون شو الدبره عاد بكرا بأذن الله بروح الورشه الشكوى لله

[ابوعبدالله172]

ارفع الكفر الامامى وحاول مرة اخرى

[ابوعبدالله172]

ارفع الكفر الامامي وحاول تفضي الدبل وانت واقف

[الاشهب 507]

مالك إلى الوكالة
وكالة اليحيى صيانتهم
مدحه لي كم واحد
وان شاء الله تتيسر
لكن الاغلب من حساس
الدبل إلى يفصل الدبل اثقيل
واتوقع ان موتر رباعي مستمر
مثل اغلب الفور تشنر
بس قبل لاتروح الوكاله
حاول تفصل الكهربه عن حساس
البل لمدت 5 دقايق او تفصل ابطاريه
ترجعه خلال 3 دقايق علشان متروح
برمجة الكمبيوتر
الأشهب 507

[عاشق الهدد051]

و عليكم السلام و رحمة الله و بركاته
اذا طفت اللمبة معناته ان الدبل فصل
الا ان كانت اللمبة محترقة او سلك الحساس مفصول

[بن رخيص69]

السلام عليكم رحت للورشه قال الدبل فاصل عندك لاكن فيه ثقل في الموتر اشوي والعصى معلق قالي جبه الصبح ب ٢٠٠ ريال انضفلك العصى يمكن داخله تراب الله يكرمكم عاد بوديه الاسبوع الجاي ماقصرتوا على العموم الفونتشر للبيع نظيف جدا وخاصه الدبل ههههههه لامن جد تروه للبيع سامه واحد امس ب ٥٠ وعييت في امان الله وحفظه