ياللي تنادي وينكم ياأهل الابيات...ياللي لكم في مجلس الشعر هامه((ردي على أبن ذياب))

[الهاجري ج]

بسم الله الرحمن الرحيم


السلام عليكم ورحمة الله وبركاته


أخونا الشاعر عبدالرحمن بن ذياب كتب قصيده موجهه للشعار ويشتكي من غيبة خويه فقمت بالرد الأخوي عليها ويعلم الله أني أحبه في الله


أرجو أن تنال على أستحسان ورضى الشاعر عبدالرحمن ابن ذياب وعلى رضاكم جميعاً وأتمنى أن أكون قد وفقت في الرد وأن يكون عني وعن جميع الشعار



ياللي تنادي وينكم ياأهل الأبيات=ياللي لكم في مجلس الشعر هامه


أبشر بعزك والدعاوا سهالات=حنا على شانك نطش العمامه
آآآمر علينا والأوامر ملبات=بأمر الولي جوك يغادر عسامه
حنا على شانك رجال المهمات=نبذل لك الغالي ونرخي خطامه
إن كانها بالمال سقنا الريالات=وإن كانها بالسيف فينا صرامه
أمرك منفذ بأمر رب السماوات=آآآآمر ...تدلل ..يازبون الكرامه
وغيبة خويك يمكن أنها بسبات=عذره معه وإن جاك أسأل علامه
يمكن يجيك بعذر يملا ملفات=والا يجيك بوجه كله ندامه
يمكنه مسافر بعيد المسافات= والا مريض الحال فيها سقامه
قد قيل قبلي في قديم المقالات=ألمس لخوك العذر قبل الملامه
والله يجمعكم بعز ومسرات=عمار ذات البين و لا هدامه
ويرزقكم الفردوس دار الملذات=دار الكرم والجود دار السلامه




أخوك جابر أبن ثفنان الهاجري

[قوافي ( أم نهار )]

عليكم السلام ورحمة الله وبركاته

صح لسانك قصيده طيبه من طيب حفظك الله

اشكرك على طرح القصيده الجميله الله يبارك بك

هذا رابط قصيدة الفاضل عبد الرحمن بن ذياب لمن أراد الاطلاع عليها :

http://www.mekshat.com/vb/showthread.php?t=655053

تحياتي وتقديري واحترامي

..قوافي..

[الهاجري ج]

أشكرك قوافي على هذا الاطراء والتعليق

[عبدالرحمن بن ذياب]

و عليكم السلام ورحمة الله وبركاته
أحبك الله الذي أحببتني فيه
كفو ثم كفو ثم كفو وصح الله لسانك ملايين
أكفيت وأوفيت وبردت على القلب بها القصيدة الوافيه
لاعدمتك ولاهنت