وش افضل انواع الساكتون الان

[Hihi_448]

بسم الله الرحمن الرحيم
السلام عليكم ورحمة الله وبركاتة


ادور لي ساكتون زينه وعمليه وقوتها ممتازه

وش تنصحوني فيه ومن وين افضل محل اخذ منه


وايش اهم الملاحضات الى انتبه لها في الساكتون قبل اخذها

[سعيد1990]

ما فيه أحد يقدر يفيدك بشي لاكن الشغله تعتمد عليك انت واحتياجك للساكتون يعني مثلا اذا صيدك طيور كبيره ننصحك بالديانا ماغنوم٣٥٠او الفايروخ ٨٠او ٨٥ وغيرها من البنادق القويه اما اذا صيدك طيور دخل او مثلها او تعليم فهذي تكفيك اي بندق صغيره واحرص ان تكون الماني سواء فايروخ او ديانا لجودتهما مع قناعتي الشخصيه ان كل ساكتون هوائي مهما كانت قوتها تقدر تقتل الطير مهما كان حجمه اذا كانت في مقتل مثل الرأس والرقبه.

[المتلولس]

جرب الفايروخ ال٧٥ ممتازة

[ابو عزوز 456]

قبل تقريبا 5 سنوات او اكثر اشتريت ساكتون اسبانيه وحسب تجربتي لها افضلها على الامانيه اولا خفيفه جدا فايبر وماتتعبك بالحمل مثل ثقل الالماني وثانيا عمليه جدا بس سمعت فيه انواع منه غاز مادري عنه اسأل الي جربوها

[ابو عزوز 456]

وبالنسبه للسعر الاسبانيه يعتبر سعره مناسب يعني تبدا من 600 الا 1500 على ما اعتقد

[قصيمي محترم]

كان عندي ديانا ٢٨ رائعة جدا وهالسنة اشتريت ديانا ٣٦ من صاب قوية جدا وأداءها رائع

[999ابوصالح]

وعليكم السلام ورحمة الله وبركاته
سؤالك وش افضل انواع الساكتون الآن ؟؟
إذا أمورك المادية طيبة أنا أشوف بنادق pcp air هي أفضل شي موجود الآن
ولا يوجد مقارنة بينها وبين الساكتون الكسر ولا 1%

[الهوى جنوبي]

اخي العزيز اولا حدد حاجتك من الساكتون هل هي لصيد الطيور الصغيره او الكبيره او لتعلم الرمايه؟
ومثل ما قال اخوي ابو صالح بنادق ال pcp هي الافضل الآن ولكن لا زال فيها مشاكل في اسطوانات التعبئه .
الله يوفق الجميع

[مفكر إسلامي]

على طاري .. يا أخوان ماحد جرب ساكتون شادوا 1000 ؟

الي جربها يعطينا تجربته ؟ اقول الي جربها فقط لان بعض الناس لما تمدح جاموا يحسب انك تقلل من صناعه الديانا والا الفايروخ .

[ابو محمد 40]

وعليكم السلامه والرحمه. على حسب الطيور اللي تبي ترميها اذا للدخل انصحك بالديانا صاب 27 ممتازه وعمليه اذا تبي صفار وقميري عندك نفس الشركه 34 واسعارها مستعمله ما بين 600 الى 900 والجديده 1200. واتمنى لك التوفيق

[ارثمس]

مؤيد لكلام اخوي ابو صالح

[Hihi_448]

يعطيكم العافيه شباب ماقصرتو علي الردود


ابيها لصيد الطيور الكبار والضبان


هل الديانا تستاهل مع انها ثقيله

الفايروح ماجربتها

[طلال مكشاتي]

وعليكم السلام ورحمته الله وبركاته
من وجهت نظري عندك ساكتون نوريكا اسبانيه 85 فيبر شريتها من صاب 1300

[سطام ابو سعود]

الماني وبس الفايروخ سوا 85 او75 او 50 لاتدور قيرهن