فيوز يقطع في الشاص ويطفي العداد

[غازي السهلي]

السﻻم عليكم

عندي 2011 شاص ويقطع فيه هالفيوز وعداد الكيلو يفصل
ركبت جديد وقطع
ركبت 15 وقطع بعد
وش الحل ياجماعه

[غازي السهلي]

http://im50.gulfup.com/DwoOL3.jpg (http://www.gulfup.com/?S6ANEr)

السﻻم عليكم

عندي 2011 شاص ويقطع فيه هالفيوز وعداد الكيلو يفصل
ركبت جديد وقطع
ركبت 15 وقطع بعد
وش الحل ياجماعه

[الرفاعي0555]

شيك علي اسلاك العداد يمكن مجروحه اوحساس عداد السرعه

[ابوفهدالرويبي]

وعليكم السلام
ياطويل العمر الفيوز الى تقول عليه حق الساعه ونظام الصوتي الى هو السمعات شف يمكن فيها التماس وانتبه ﻻتلف سلك عريض على الفيوز وانت ماسويت الماس ﻻيشب عليك الموتر

[craino]

لا تغير فيوز اكبر من حق بلدها , لأنك بتزيد المشكله
ترى لو تحط فيوز 100 امبير راح يحترق فريح راسك من تغير فيوز اكبر
المشكله ان عندك التماس الى الارضي
يعني احد الاسلاك مجروج ومتصل ببودي السياره عشان كذا يهرب كهرب ويحرق لك الفيوز
حاول تتبع الاسلاك الخاصه بهذا الفيوز وراح تلاقي السلك مجروج ويحك في البودي

[م.سعيد]

اذا عندك شاحن افصله وشيل الولاعات..ممكن يكون فيه شورت..
اذا مركب اكسسوارات اضافية مثل شاشة او دي في دي ممكن يكون منها..سواء فيها شورت داخلي او تسحب تيار اعلى من اللي يتحمله الفيوز الاساسي..
غير كذا عندك سلك مجروح..

[ابوراكان تبوك]

انزل تحت الموتر من جهه السواق تلقى نهاية الجربكس قبل العمود فيش افحصه زين و افصله ورحب الفيوز شوفه يحترق او لا

المشكله عندك يا من افياش العداد ممكن احد حاول يفك الفصله والاسلاك باقي مجرحه او من حساس السرعه اللي عند الجربكس ممكن انقطع او انجرح في الصحاري بسبب احتكاك الاشجار

اذا انت فاك الفصله وحاط لها مفتاح تفقده

[صاروخ الغطغط]

التماس والله اعلم

[./عنيزاوي./]

اخوي غازي مرة علي هذه المشكله وكان حساس الريوس خربان ويسبب التماس ومكانه في القير خارجي موفق

[laurel_200L]

اخوي غازي مرة علي هذه المشكله وكان حساس الريوس خربان ويسبب التماس ومكانه في القير خارجي موفق:good2::good2::good2::good::good::good::good:: good:


كلامك صحيح ياخوي مثل حالتي عندي ساعة الريويس خربان وكل مرة يقطع علية فيوز رقم 10 مكتوب عليه 'gauge والمكيف يفصل يوم الفيوز يقطع وغيرت الساعة او حساس الريوس والمشكلة هية هية !!! لكن فصلت الكبس حق الحساس وحالك طيب :D:D

لكن لمبات الريوس عييت تشتغل لا جيت ارجع ريويس لازم اشغل الفليشر :D:D:D

جرب حظك افصل حساس الريويس من الكبس وركب الفيوز لو ما صار شيء يعني من الحسااااس بالتوفيق:good2: