المساعد الشخصي الرقمي

مشاهدة النسخة كاملة : عطل الدبل لاندكروزر 97لاهنتو عطونا الحل للي عنده خبره


بوفارس الجهني
12/10/2014, 03:42 AM
السلام عليكم ورحمة الله اولا اتشرف بالتسجيل ومشاركت اخواني هذا الصرح الشامخ عسى الله يكتب الخير للقائمين عليه عندي مشكله ياوجوه الخير بالدبل السياره جيب 97خليجي قير اتماتك دبل الخفيف اتماتك والثقيل عصا طبعا الدبل الخفيف معلق واللمبه حقت الدبل طافيه شيكت على الحساسات وغيرت الماطور وفكيت الدبل شيكت عليه مافيه فايده ولو عشقت الدبل الثقيل بعد اللمبه ماتولع جربت كل الحلول طلعت فيه طعوس حاولت مارضي يفك الدبل الخفيف وش الحل معاه وهل اقدر اغيره لدبل زرار او اغيره لدبل تعشيق افيدونا جزاكم الله خير
ابوعبدالله172
12/10/2014, 06:09 AM
اخي الكريم النوع الخليجي مثل موترك دبله الخفيف دائما يعمل ويسمى الدفع الرباعي المستمر ولهذا لاتقلق وشكرا لك
بوفارس الجهني
12/10/2014, 02:18 PM
ياهلا ابو عبدالله صادق هو الدفع الرباعي المستمر لاكن الدبل الخفيف اللي اعرفه حتى لو مستمر لادخل بالرمله يشتغل وتولع لمبة الدبل واذا طلع من الغراز طفت داخل البلد تديور من عند اشاره يطلع صوت طقطقة العكوس والكفرات تطلع صوت مع اللفه بعد وتثقل السياره
بوفارس الجهني
12/10/2014, 02:27 PM
للمعلوميه فصلت العمود حق الدبل وحطيتها بالD وتحركت السياره مع انه كثير يقولون انه اذا فصلت الدبل بالجيوب الدفع الرباعي المستمر ماتتحرك وهذا الجيب مشا ف افيدونا يااأهل الخبره لاهنتم
ابوعبدالله172
12/10/2014, 02:37 PM
مادام انك فصلت العمود وتحرك الموتر الدبل اكيد عندك شابك . شيك على كهرب الدبل ودنمو الدبل الله يسرلك الامور
بوفارس الجهني
12/10/2014, 10:49 PM
‏شاهد "80S Land Cruiser CDL switch install" على YouTube - 80S Land Cruiser CDL switch install: http://youtu.be/mUnhn5KEJY4
بوفارس الجهني
12/10/2014, 10:52 PM
الله يجزاك خير كلها شيكت عليها وغيرت ماطور الدبل الكهرب وبعد مانفع
ابوعبدالله172
13/10/2014, 02:24 PM
حتاج منك تنزيل الدبل والكشف على اجزائه الداخليه
بوفارس الجهني
13/10/2014, 08:57 PM
فكيت الدبل وصلت له كهرب دايركت للماطور واشتغل طبيعي اخر حل انه الكهرب ماتوصل بس سؤال فيه موزع لكهربة الدبل تحت الدرج بالجهه اليمين شيكت عليها سابقا وقالو كويسه وواصله الكهربه هل يجي له موزع بالجهه الثانيه اليسار لأنه لما عشقت الدبل الثقيل وجربت السياره طلع صوت كأنه ماس كهربائي جهت السواق خلف كمبيوتر عند الدعاسات والمعلومه اللي اكتشفتها اليوم لمبات الدفلوك لما شغلتها ماتبقى شغالها تأشر هل هذا بعد عطل فيها المعذره طولنا عليك ياليت تفيدني رحم الله والديك المقطع اللي رسلته لو تلقي عليه نظره هل اقدر احول سيارتي دبل زرار لأنه حصلت فيش خلف ديكور المسجل نفس اللي بالمقطع اسفين على الأطاله
ابوعبدالله172
13/10/2014, 09:22 PM
اتوقع والله اعلم عندك خلل في الكتاوت الخاص بالدبل احتمال لو تعيد تركيب الدبل مشت الامور وان استمرت المشكله
شف لك كهربائي فاهم
بالنسبه لتأشيرة لمبة الدفلك معناه الدفلك لايعمل
بوفارس الجهني
13/10/2014, 11:27 PM
تم فك الدبل والتشييك عليه وسليم من الداخل وتجربته وصلنا للدينمو كهرب خارجيه واشتغل ورجعنا ركبناها المشكله باقي فيه اخر شي قررنا انه الكهرب ماهي واصله وبكره بنشيك مره ثانيه لاكن بعد تجريب الدبل الثقيل طلع صوت عند الدعاسات جهت السواق خلف الكمبيوتر او موزع كهربائي صوت طقطقه مع تحريك السياره بالدبل الثقيل ومع فك سوتش السياره يطلع نفس الصوت سابقا ماكان فيه ومشكله ثانيه لمبات الدوفلوك لما اشبكه تومض مثل الفلشر اسف على الأطاله ياريت تشوف المقطع اللي رسلته فوق اقدر اغير سيارتي لدبل زرار بدل مستمر او تفاضلي التسميه الأصح
بوفارس الجهني
13/10/2014, 11:30 PM
جزاك الله خير والله ماهنا كهربائيه بينبع يعتمد عليهم ومشكلة الدفلوك كهربائيه بعد والله العالم لاكن وين يكون الكتاوت جهت السواق
بوفارس الجهني
15/10/2014, 09:27 AM
اكتشفت اليوم انه لمبة ال aps ماهي شغاله وصوت الطقطقه من جهت الaps وحسب المقطع اللي رسلته قبل يومين انه الدبل والapsكهربة وحده والله العالم اليوم بشيك عليه ممكن العله فيه
بوفارس الجهني
18/10/2014, 03:05 PM
السلام عليكم مشكور يابو عبدالله على المعلومات التي اشرت لها بالفعل رجعت ركبت الدنمو حق الدبل ووزنوه مضبوط وشغلت الدبل الثقيل وشغلت الدفلوك واللمبه حقت الدبل ماولعت وبرضو الدوفلوك يأشر فبديت احرك السياره قدام وريوس لين اشتغلت اللمبه والدفلوك الأمامي اللمبه وقفت باقي الخلفي واكتشفنا بعد محاولات انه الكتاوت يحتر مع تشغيل الدبل ويطلع صوت طقطقه بعد العصر ان شاءالله بنشيك على الكتاوت افدتني بمشورتك عن الكتاوت ان شاءالله يكون المشكله فيها ونحلها
ابوراكان تبوك
30/10/2014, 01:20 PM
مشكلتك كهربائيه وليست ميكانيكيه

مثل ما افادك ابو عبدالله غير الكتاوت بنفس الرقم وان ماضبط مشكلتك 90% من حساس الدبل لانه فيه موضوع مشابهه لاحد الاخوان لم فك حساس الدبل وجربه برا كان شغال وفي الاخير اكتشف ان الحساس ضعيف ولايقوم بعمله
الوسم
30/10/2014, 04:36 PM
مشكلتك كهربائيه وليست ميكانيكيه

مثل ما افادك ابو عبدالله غير الكتاوت بنفس الرقم وان ماضبط مشكلتك 90% من حساس الدبل لانه فيه موضوع مشابهه لاحد الاخوان لم فك حساس الدبل وجربه برا كان شغال وفي الاخير اكتشف ان الحساس ضعيف ولايقوم بعمله

الله أعلم يا ابو راكان انك جبتها
وننتظر صاحب الموضوع وش يسوي
عسى ما ينساكم بس
بوفارس الجهني
31/10/2014, 11:39 AM
ماوالله انسى الناس الطيبه شرواكم والله ياخوان مابقي غير حل ابو راكان بطلب الحساس من الشركه وبركبه وان شاءالله تنحل المشكله للعلم والأفاده الدوفلوك لما نوصل له كهربه دايركت يشبك ويفصل زي الورد والكهربه ماهي واصله للفيش اللي جاي من الطبلون وفكينا حساسات الاي بي اس وطلعت مافيها شي واللمبه بالطبلون لقيتها محروقه وغيرتها الحين شغالها دايركت ربنا ييسر ان شاءالله ارد لكم خبر باللي يسير معاي الأحد ان الله احيانا
ابوراكان تبوك
31/10/2014, 02:00 PM
حساس الدبل غالي شوي وتخاف انك تغيره بدون نتيجه شوري عليك تروح محل تشليح وتشرح له المشكله ان طلع من الحساس تعطيهم قيمته وان ماطلع من الحساس عطه حق الفك والتركيب
مجرد وجهه نظر ولك الخيار
بوفارس الجهني
01/11/2014, 11:59 PM
جربنا حساس الدبل وركبنا واحد مستعمل ومانفع والكتاوت حق الدبل ركبت واحد من التشليح حق موديل 96 وبعد مانفع ممكن يكون فيه اختلاف بالرقم ماتأكدت منه لاكن حق اللكزس 96 اذا نفسه بجرب حصلت بالتشليح ان شاءالله يضبط حصلت واحد اسمه ابو ناصر بالرياض يمدحونه قالي اصلحلك كل العطال اللي بالسياره ب2000يحوله لي دبل عادي اعتقد يلغي بعض التروس شوركم ونصيحتكم لاهنتم
ابوراكان تبوك
02/11/2014, 02:00 AM
أنت متأكد ان موترك ماهو رباعي مستمر؟؟؟؟؟؟؟؟؟؟؟؟
من رد الميكانيكي واضح انه يقصد الرباعي المستمر وكله ترسين يلحموه في بعض عند المخرطه 2000 كثير مره يمديك تشتري فيها دبل كامل اذا موترك فكسار تقريبا رباعي مستمر ويفصلوه بحول 600 ريال

تأكد من اللي قلت لك عليه اذا فكسار 99% رباعي مستمر
لو انا مكانك اتأكد منه في اي محل ارفعه بستم او على اي شيء وادعس لين تعدى 80 واخلي احد يلاحظ الكفرات الاماميه هل تستمر في الدوران بعد هذه السرعه او لا
انا خبرتي قليله في المديلات 97 وتحت لاني ما استخدمتها بس احاول اساعدك
بوفارس الجهني
02/11/2014, 02:09 AM
الله يجزاك خير نعم رباعي مستمر ومكتوب عليه فل تايم الدبل الخفيف مالها زرار ولا عصا
بوفارس الجهني
02/11/2014, 02:15 AM
دبل كامل حصلت بالمدينه ب3500 لاكن خايف انه مايضبط الحل بوديه شركة تويوتا بكره ان شاءالله بيفحصون ب500 بيجلس ثلاث ايام
بوفارس الجهني
26/11/2014, 01:06 PM
سلام عليكم اشكر جميع الأخوه على أرائهم وتوجيهاتهم الحمدلله حصلنا العطل بالدبل وفصلنا الرباعي المستمر وحولناها دبل خفيف زرار وثقيل عصا الله يعطيكم العافيه ويكثر من امثالكم راعين واجب ونخوه ودمتم بألف خير وأي خدمه من ينبع البحر لاحد يتردد انا بالخدمه
الوسم
26/11/2014, 05:07 PM
الحمد لله على السلامة
والله يعطيك الخير ولا يجعله يخرب أبدا
بوفارس الجهني
27/11/2014, 10:59 AM
جزاك الله خير ورحم الله والديك
thaameer
07/02/2017, 01:53 AM
[QUOTE=بوفارس الجهني;10268379]السلام عليكم ورحمة الله اولا اتشرف بالتسجيل ومشاركت اخواني هذا الصرح الشامخ عسى الله يكتب الخير للقائمين عليه عندي مشكله ياوجوه الخير بالدبل السياره جيب 97خليجي قير اتماتك دبل الخفيف اتماتك والثقيل عصا طبعا الدبل الخفيف معلق واللمبه حقت الدبل طافيه شيكت على الحساسات وغيرت الماطور وفكيت الدبل شيكت عليه مافيه فايده ولو عشقت الدبل الثقيل بعد اللمبه ماتولع جربت كل الحلول طلعت فيه طعوس حاولت مارضي يفك الدبل الخفيف وش الحل معاه وهل اقدر اغيره لدبل زرار او
----------------------
السلام عليك ياخوي كيف الحال
انا عندي نفس مشكلتك
موتري 97 في اكس الكامل
الدفلوك ماهو شغال اشارته مثل الفلشر تشب وتطفي
والدبل دفع رباعي
وش الحل لاهنت