المساعد الشخصي الرقمي

مشاهدة النسخة كاملة : اين اجد تربة زراعية في الرياض الله يوفقكم


نايف 1
16/10/2014, 11:04 PM
السلام عليكم ورحمة الله وبركاته

كيف حالكم ياذيبان ؟


وين احصل تربة زراعية في الرياض ؟ وكم الاسعار التقريبية ؟


انتظر ردكم بارك الله فيكم
ابولولو
16/10/2014, 11:59 PM
عليكم السلام ياأسد

احتمال كبير تلقاه عن بعض راعين المباسط حقين الرمل

أو شف تجمع راعين القلبيات او العايدي ويجبؤن لك

أزين شي ثلثين طين وثلث رمل

اذكر أني اشتري مخلوط من العماريه ٣٥٠ ريال طين ورمل مخلوط

موفق خير
فرقاص
17/10/2014, 10:13 AM
وعليكم السلام
اذا للزراعة داخل المنزل تحصل اكياس تُباع لدى محلات المشاتل
مثل البيتموس احجام وميزتها تخفف عليك كثرة الري
وكذلك العضوي
للمزارع او حدائق دور حظائر الحلال
اتمنى افدتك
بدوي ممطور
17/10/2014, 10:20 AM
الله يوفق
وش الزراعه والمساحه كبيره والا لا
واحرص على التربه البكر واذا المسائله بسطيه اطرف وادي بالرياض خذ منه
والله اعلم
اخروداع
17/10/2014, 11:31 AM
انتبه من الكمبوست والبيتموس راح تتعفن الجذور وتموت شتلاتك او تضعف عليك بمثل ما قالو الشباب رمل وطين وانا اقترح ثلثين رمل وثلث طين والله الموفق
نايف 1
18/10/2014, 12:45 PM
بيض الله وجيهكم ...

المساحة متوسطة واحتاج قلاب سكس 1 او 2

كم اسعار قلاب السكس وكيف اعرف ان التربة بكر وممتازة ؟
مسك اسود
18/10/2014, 11:43 PM
وين مكانك..

اذا حول المزاحمية ادلكـ ...
نايف 1
19/10/2014, 07:19 AM
الرياض الله يحفظك
وكم الاسعار عندكم في المزاحمية

الله ييسر امرك
أبو جراح11
19/10/2014, 01:57 PM
تبي من شقراء تعال شيل ( تربة خصبة جدآ - طمي ) مجانآ ..
نايف 1
20/10/2014, 10:51 PM
بيض الله وجهك يا ابو جراح
انا اشهد انك كريم ابن كريم
يسر الله امرك وكتبلك السعادة في الدارين