مشكلة ضيقت صدري !! فزعتكم

[فهودي004]

السلام عليكم

اخواني ..
انا عندي مشكله باللاندكروزر ربع (كبسولة) وهو اني بالبر بالارض الرملية او بالشعيب يطلع صوت طقه فقط اذا شبكت الدبل واذا فصلت الدبل تختفي ..
وجربت اضغط فرامل مع البزين وراحت الطقه
ياليت اذا احد مر بالمشكله هاذي يعلمنا
ماودي اغير شي او احد يلعب بالسيارة الا متأكد من المشكلة

وشكرا مقدماً

[فهودي004]

وين الشباب ؟؟

[ولد حربmaged]

صوت الطقه مع الدبل جنزير الدبل وجرب كذا مره لين تتأكد

[سموو الروح]

فيه بالربع الكبسوله كله
وعاديه بربع 14 كان ماشي 900 كيلو
فقط وفيه طقه مع شبك الدبل وعاديه جدا

[فهودي004]

صوت الطقه مع الدبل جنزير الدبل وجرب كذا مره لين تتأكد

حياك ياولد حرب موتري الدبل تروس وليس جنزير وشكرا على المشاركه

[فهودي004]

فيه بالربع الكبسوله كله
وعاديه بربع 14 كان ماشي 900 كيلو
فقط وفيه طقه مع شبك الدبل وعاديه جدا

حياك ياسمو الروح
الطقه الي اقصد بعد ما اشبك الدبل وامشي تبدا تجي وماكانت موجوده من قبل

[أبوصالح9]

متى اخر مرة شحمت العمدان؟؟؟؟؟؟؟؟

واحتمال الصليب

[فهودي004]

متى اخر مرة شحمت العمدان؟؟؟؟؟؟؟؟

واحتمال الصليب

مشحمهم والصلبان فحصتهم ومافيهم شي

[ابو معاذ5080]

اذا الطقطقه قويه هذي الكرونه دايم تنفرط مع الشد على الموتر بتطعيس

[فهودي004]

اذا الطقطقه قويه هذي الكرونه دايم تنفرط مع الشد على الموتر بتطعيس

الطقه ماتطلع الا اذا كانت الطريق محفر يعني غير ممهد اما اذا كانت مستويه مايطلع الصوت
ولاتطلع الا اذا كان الدبل مشتغل اذا فصلت الدبل مافيه اي شي

[فهودي004]

سبحان الله

[رحال7]

شوف كراسي الدبل وكراسي القير
وبعد شوف كراسي المكينه
احيانا لا تكون المشكله من الدبل ولكن مع تحميل الدبل على نظام الدفع تظهر مشكله أصلا موجوده بدون الدبل

هذه أمور بسيطه وربنا يسهل امرنا وأمرك بس ابعد عن ابو يمن والشركات الكبيره وابحث عن شخص فاهم وليس ورشه

[فهودي004]

شوف كراسي الدبل وكراسي القير
وبعد شوف كراسي المكينه
احيانا لا تكون المشكله من الدبل ولكن مع تحميل الدبل على نظام الدفع تظهر مشكله أصلا موجوده بدون الدبل

هذه أمور بسيطه وربنا يسهل امرنا وأمرك بس ابعد عن ابو يمن والشركات الكبيره وابحث عن شخص فاهم وليس ورشه

الله يعافيك كرسي القير والدبل واحد شيكت عليه سليم
مريت مهندس وقال احتمال يكون جرم الدفرنس الامامي والي اشوف انه ما تأكد

[ابوراكان تبوك]

الطقه ممكن تكون صوت عكوس وتزيد كل مالفيت يمين او يسار وهاذي المشكله شائعه في الجيوب
لكن جرم الدفرنس ماله أي علاقه لو فيه مشكله او شعر رراح الزيت كله
لكن متى آخر مره شحمت الركب

في دقه مشهوده أيضا تسمعها حول الصدر او تحت رجلك اعزك الله يسببه جلد البودي ما يطلعها الاسمكري و جلد مسامير التوازن (تقدر تفكها بنفسك ونزل عمود التوازن وجرب بدونه رايح يبين معك على طول اذا المشكله منه )
مسامير التوازن طلعت النخل في راسي قبلك ما اكتشفتها الا بعد فك عمود التوازن وحددت المشكله وركبت مسامير تجاري وبقت لين غيرتها بأصلي وارتحت منها
انت لاتغير أي شي الا تتأكد أنه فعلا محتاج تغيير ممكن المسامير محتاجه جلد فقط

فيه صوت يجي من السست لكن انت ماحددت موديل موترك

بإختصار الدقه من
1- جلد مسامير التوازن
2- جلد البودي
3- او الركب
4- مساعد مرتخي يبي شد
5- جلد المسست الأمامية
6- الشكمان يسبب دقه لكن اللي شرحته لك فالبدايه هن المشهورات وتكررت معي

يبقى سبب وحدي لكني استبعده


اتمنى اني أفدتك



مووووووووووفق

[فهودي004]

الطقه ممكن تكون صوت عكوس وتزيد كل مالفيت يمين او يسار وهاذي المشكله شائعه في الجيوب
لكن جرم الدفرنس ماله أي علاقه لو فيه مشكله او شعر رراح الزيت كله
لكن متى آخر مره شحمت الركب

في دقه مشهوده أيضا تسمعها حول الصدر او تحت رجلك اعزك الله يسببه جلد البودي ما يطلعها الاسمكري و جلد مسامير التوازن (تقدر تفكها بنفسك ونزل عمود التوازن وجرب بدونه رايح يبين معك على طول اذا المشكله منه )
مسامير التوازن طلعت النخل في راسي قبلك ما اكتشفتها الا بعد فك عمود التوازن وحددت المشكله وركبت مسامير تجاري وبقت لين غيرتها بأصلي وارتحت منها
انت لاتغير أي شي الا تتأكد أنه فعلا محتاج تغيير ممكن المسامير محتاجه جلد فقط

فيه صوت يجي من السست لكن انت ماحددت موديل موترك

بإختصار الدقه من
1- جلد مسامير التوازن
2- جلد البودي
3- او الركب
4- مساعد مرتخي يبي شد
5- جلد المسست الأمامية
6- الشكمان يسبب دقه لكن اللي شرحته لك فالبدايه هن المشهورات وتكررت معي

يبقى سبب وحدي لكني استبعده


اتمنى اني أفدتك



مووووووووووفق
شرح وافي كفيت ووفيت يالذيب الجيب 2009
رحت للصمعاني ببريدة مهندس جيد ماعقبه لكن عجز يدري وش الصوت قال نفك العكوس ونشوف اذا سليمات نفك الدفرنس والصراحه مايصلح لي التخمين اما التشحيم مواضب عليه والسياره محافظ عليه جدا

[ابوراكان تبوك]

شرح وافي كفيت ووفيت يالذيب الجيب 2009
رحت للصمعاني ببريدة مهندس جيد ماعقبه لكن عجز يدري وش الصوت قال نفك العكوس ونشوف اذا سليمات نفك الدفرنس والصراحه مايصلح لي التخمين اما التشحيم مواضب عليه والسياره محافظ عليه جدا

ان شاء الله انها من العكوس ومنها يشد ع الركب والرمانات مع ان مشكلتك قريبه جدا جدا للعكوس

ان بغيت رقم واحد ميكانيكي سعودي تستشيره قبل تفرط الدفرنس ارسل لي خاص
هذا الادمي كاتلوج كامل مافيه جيب به مشكله معقده الا وتلقى الحل عنده

[فهودي004]

ان شاء الله انها من العكوس ومنها يشد ع الركب والرمانات مع ان مشكلتك قريبه جدا جدا للعكوس

ان بغيت رقم واحد ميكانيكي سعودي تستشيره قبل تفرط الدفرنس ارسل لي خاص
هذا الادمي كاتلوج كامل مافيه جيب به مشكله معقده الا وتلقى الحل عنده

والله ياليت ترسل رقمه ماوصلت مشاركاتي 50

[ابوراكان تبوك]

شيك ع الخاص