صوت طقة بالمكينة

[جبل درعان]

السلام عليكم ورحمة الله وبركاته

رواد مكشات الأفاضل
عندي مشكلة
أولاَ : السيارة جمس يوكن مديل 2006 اللون هههه

المهم عندي صوت يطلع من وقت إلا وقت
مريت الميكانيكي يقول هذا صوت العصافير ( مافيه مشكلة ) من ضعف الطرمبة
ضغط الساعة مضبوط الصوت اكثر مايظهر إذا احتمت السيارة ونوب مع التشغيل لكن على خفيف
......................................

من عنده خبره أو مرة عليه مثل هذه المشكلة لا يبخل علينا
وإذا يعرف مكانيكي بالقصيم أتمنى لا يبخل علينا

وسلامتكم

[1824]

استعمل زيت بترومين A1 ولمن تجي تغير الزيت غيره وهو حار عشان يطلع الوسخ من المكينة ولا تنسى السيفون الاصلي من قطغ الغيار او الوكالة ب 14 ريال اذا مو اقل واهم شيء لا تزيدة عن حدة اذا ما خاب ظني مع السيفون 5 ونص او ثلاث ارباع الي متأكدة منه ما يوصل الست علب باي شكل من الاشكال ولا تتفقع الصوف بالتوفيق لك

[1824]

وغير بلف التبخير PCV

[جبل درعان]

الله يعطيكم العافية الضافية

أفهم منكم أني ما أغير الطرمبة لأاني قبل شوي مريت مكانيكي وقال لازم تغير الطرمبة

[الحربي 591]

اخوي انت ابدا بالاسهل غير الزيت اول شي وحطن نفس اللي مكتوب على الغطا
وهم شي عادي يقولون طرمبه

[ابو ي ا س ر]

نفس المشكلة عندي يوكن ٢٠٠٧ لفيت ع مواقع النت لقيت اكثر الناس بتشكي منها وبدون حل مقنع ورحت اكثر من ورشة ، صراحة ما لقيت شي يقنعني اللي يقول طرمبة زيت وواحد يقول جلدة فقط والثالث يقول بلوف وتكايات يبغالها تغيير الين بحثت في مواقع امريكية وطلعت بالمفيد منهم، الشغلة بسيطة وما يبغالها ورش ومهندسين ومصاريف الله يعلم بها، صلحت السيارة بنفسي وما كلفتني غير ٤٠ ريال فقط وباذن الله راح احطها مع الصور.

[عبقري91]

شوقتنا لموضوعك ننتضر منك الصور وطرح الموضوع


نرجع لخوينا راعي اليوكن. عندي. لها كم. ومطنشها من حساس الصرقعه بعد الفحص وطنشته. وسافرت عليها لين قلت بس ومشالله تبارك الله مافيها شي
وانت عب 95 احمر وبعد كم تفليله شف يتغير الصوت. او لا. لان الاخضر يصبب قلقله بالمكينه. وعب زيت. 30w5 بشتا. و30w10 بصيف ونشالله امور طيبه

[ابو ي ا س ر]

العدة اللي تحتاجها يد توماتيك + وصلة + حبة مقاس 8 و 10 + مفك عادي

وهاذي الصور في الرابط:


http://www.4shared.com/folder/fuq1TGa9/_online.html

للمعلومية هذا عشان صوت الطقطقة وليس الصرقعة.

اعتذر عن الصور والشرح اذا مو واضح لانه تصوير جوال.

ابو ياسر...

[جبل درعان]

نفس المشكلة عندي يوكن 2007 لفيت ع مواقع النت لقيت اكثر الناس بتشكي منها وبدون حل مقنع ورحت اكثر من ورشة ، صراحة ما لقيت شي يقنعني اللي يقول طرمبة زيت وواحد يقول جلدة فقط والثالث يقول بلوف وتكايات يبغالها تغيير الين بحثت في مواقع امريكية وطلعت بالمفيد منهم، الشغلة بسيطة وما يبغالها ورش ومهندسين ومصاريف الله يعلم بها، صلحت السيارة بنفسي وما كلفتني غير 40 ريال فقط وباذن الله راح احطها مع الصور.




الله يعطيك العافيه أبا ياسر
وفي أنتظار حلك لا تتأخر علينا

[جبل درعان]

العدة اللي تحتاجها يد توماتيك + وصلة + حبة مقاس 8 و 10 + مفك عادي

وهاذي الصور في الرابط:

http://www.4shared.com/folder/fuq1TGa9/_online.html

للمعلومية هذا عشان صوت الطقطقة وليس الصرقعة.

اعتذر عن الصور والشرح اذا مو واضح لانه تصوير جوال.

ابو ياسر...


لا والله ماهو واضح يالغالي

[ابو ي ا س ر]

حطيت الرابط حق 4shared .

http://www.4shared.com/folder/fuq1TGa9/_online.html

اوك نزلتها مدري صحيح كذا او لا
اعذروني اول مشاركة ...

[جبل درعان]

شوقتنا لموضوعك ننتضر منك الصور وطرح الموضوع


نرجع لخوينا راعي اليوكن. عندي. لها كم. ومطنشها من حساس الصرقعه بعد الفحص وطنشته. وسافرت عليها لين قلت بس ومشالله تبارك الله مافيها شي
وانت عب 95 احمر وبعد كم تفليله شف يتغير الصوت. او لا. لان الاخضر يصبب قلقله بالمكينه. وعب زيت. 30w5 بشتا. و30w10 بصيف ونشالله امور طيبه

والله التطنيش ماني بعيد عنك أني مطنشها أكثر من 4 شهور والسافر عليه بعيد وقريب
لكن خوفوني بعض الكتاب يقول شله بسطحة وبعده ونا صاير خواااف

نبي نجرب 95 أني أعبيه 91 من أكثر من 3 سنوات

[جبل درعان]

ما ادري حطيت الرابط حق 4shared ولكن ما بينزل ؟
ايش الحل

والله أني اغشم منك

لكن حااااول تشرحها لنا ..حلك مغري:)

[ابو ي ا س ر]

طيب بسم الله نبدا:
1- اولا تشوف الصوت من جهة اليمين او اليسار
2- تشتري بخاخ كربريتر يكون لها عصا بلاستيك يركب فيها وعلبة منظف للمكينة، انا ااخذتها من ساكو الوحدة بـ 19 ريال
اسمها CARB CLEAN والزيت MOTOR FLUSH (بخاخ اي سي ديلكو لا تاخذه ما ينفع لانه برغوة )
3- فك غطا البخاخات اللي فوق المكينة
4- فك الاسلاك اللي فوق وحولين غطا البلوف عشان ما تضايقك في الفك
5- افصل اسلاك البواجي وانتبه لا تلخبط فيها
6- فك القطعة اللي واصل فيها اسلاك البواجي تلقاها فوق غطا البلوف بالزبط
7- فك غطا البلوف
8- فك العصافير والساق (ماسورة صغيرة توصل الزيت للبلوف)
9- انتبه لازم ترتب العصافير زي ما فكيتها والساق برضه اي جهة تكون للاسفل والاعلى ترجعها زي ما كانت
10- خذ البخاخ ونظف العصافير بالترتيب والعواميد كمان تتنظف من الخارج والداخل وتتاكد بانها غير مقفلة من داخلها (ترش بالبخاخ الين يطلع من الجنب الثاني)
11- فك الوجه المطاطي من غطا البلوف عشان لا يخرب بالبنزين
12- نظف غطا البلوف بالبنزين واتركه ينشف
13- خذ البخاخ ورش التكايات داخل المكينة (بخ مكان العواميد اللي فكيتها من المكينة)
14- ارجع ركب العصافير مع العواميد بالترتيب زي مل فكيتها
16 - تاكد ان العصفور راكب فوق البلف قبل ما تشده يعني لا يكون مايل يمين او يسار
17 - اذا انتهيت حط شوية زيت فوق العصافير واحد واحد قبل لا تركب الغطا
18 - ركب القطع الباقية
19 - روح اقرب بنشري وعبي زيت التنظيف وخل السيارة شغالة لمدة 5 دقايق
20- اطفي السيارة وغير الزيت والفلتر وباذن الله يختفي الصوت

صراحة لي الآن اربعة ايام من تصليح السيارة والصوت مختفي وان شاء الله يكون ع طول.

وهاذي روابط يوتيوب ممكن تفيدك

http://youtu.be/CAdy6waWKb0

http://youtu.be/O0kgFb-nweI


ولا تنسوني من دعواتكم

[جبل درعان]

بارك الله فيك أبا ياسر


لكن شغلتك هذه تبي ميكانيكي

والطريقة إن شاء الله يستفيون منها الأخوان هنا