طرح النوادر المغشوشه

[سيرحوت]

السلام عليكم ورحمة الله وبركاته
اخواني حبيت اطرح موضوع خاص بالفروخ النادره اللي انطرحت هالموسم واللي قبله وانا خبرتي اقل من خبرتكم لكن الطيور من وجهة نظري انها مطروحه برى الخليج او جات من مزارع تهجين لان هالطيور والله اعلم هجرتها ماتجي ع الجزيره العربيه . ثاني شئ كل الطيور كانت راكده ع الكف ولا فيها وحاشه وثالث شئ ريحة الطير ماهي ريحة وحش وأرضيات الطيور ماكان فيها اثار دم او خشونه من طبيعة الفرخ الوحش وهالشئ لاحظته عند ما عاينت فرخ بها الموسم . انا والله العظيم مو حاسد احد من اهل الطيور اللي انباعت لكن الغش حرام واللي عنده راي يعلمنا به والله يرزقنا وياكم بالحلال .

[عراك الرياض]

السلام عليكم ورحمة الله وبركاته
ملاحظتك ممتازة جدا لكن فيه فروخ نادرة تجي عبور في الخليج
حسب خبرتي المتواضعة جدا كان اول في السابق قبل 25 سنة
اذا طرح طير نادر نقول عليه هذا طير الموسم لكن الان اختلط
الحابل بالنابل وكلامك فيه نسبة 80 بالمية وهنا ترجع الى الصقار
المتمكن و يكتشف الطير الاصيل او التفريخ والان تجي طيور تفريخ
كانها اصيلة وهنا ترجع الى خبرة الصقار

[عبدالله.q8]

انا ملاحظها بهاذا الموسم مع أني مبتدئ لكن مو معقولة طير مطروح قبل ساعتين ويوقع على الايد

وفي صقارين يحذرون من طرح العراق اغلبه تفريخ

[AL-DOSSARY]

السلام عليكم ورحمة الله وبركاته

انا الكلام اللي سمعته وحسيته منطقي ان الطيور اللي تنعرض على انها طرح الخليج واقصد النادره فيها كلها طرح ايران تدخل الخليج وعقب يعلنون عنها على انها طرح السعوديه ولا الكويت هذا والله العالم

والله يرزق الجميع ويحمينا من الغش

[وزاري]

http://www.mekshat.com/pix/upload05/images253/mk225804_88889.jpg



الأمـــر الثاني


اللى حنا نعرفه ان الوحش ماتقرب حوله...ولاتحذف الحمام او القطا من عندك بل من عند المعاون من الجهه الثانيه لكي لايجفل

والسؤال الأخيــر هل هذا وحش يصيـــر عند خشم الموتـــر مابقا الا يدعسه


http://im76.gulfup.com/Noau4C.jpg (http://www.gulfup.com/?niNTGo)

http://im76.gulfup.com/HRqZvD.jpg (http://www.gulfup.com/?XkLZNr)

[الموهبي]

السلام عليكم ورحمه الله

بالنسبه للطير ألي بالصوره مطروح بالجنوب وألي طرحوه على مسؤليتي مايعرفون تفريخ ولا غيره لكن رزق وجاهم من الله والطير مهاجر لكن فرخ والفرخ غشيم
عسى الله يبارك لهم ويرزق جميع القنوص من فضله

وجه نظري والعذر والسموحه لو جاء خطاء
وتقبلو تحياتي

[المضلي]

اتركوا الحسد والدخول في ذمم الناس
من حصل شيء يستاهله وانت صف النيه وخيم في البر ببرده وحره وتعبه وان شاء الله تصيد النادر

[AL-DOSSARY]

اتركوا الحسد والدخول في ذمم الناس
من حصل شيء يستاهله وانت صف النيه وخيم في البر ببرده وحره وتعبه وان شاء الله تصيد النادر

كلامك مردود .. حنا محنا بطواريح عشان نخيم ونتحراها .. والسالفه مهي حسد الموضوع للنقاش لان الطيور المطروحه 99% نوادر .. واذا انت تشوفه طبيعي رأيك واحترمه :)

وللتوضيح ما قصدت شخص بعينه في كلامي لا طرح الجنوب ولا طرح الشمال ..

[abomajed]

تحية طيبة للاخوان لاشك انة في امور نجهلها عن الهجرة لكن الواضح جدا ماشاء الله كثرة هجرة الحر هالسنة مع بداية الوقت الله يزيدها ويرزق المسلمين ولا يمنع من بحث السبب مع البعد عن التشكيك في نوايا الناس...سمعت وللاسف ما عندي مصدر موثوق انة بعض المحميات في اوروبا و روسيا الشرقية قامت باطلاق عدد كبير من الحرار لتواصل دورة حياتها وتاخذ مسار الهجرة السنوية...
ولكم جزيل الشكر

[راكان1000]

السلام عليكم ورحمة الله وبركاته
الوحش اللى يطرح ويتزين للصوره ولا ينفش ريشه ولا يفتح ثمه ويطالع اللى يصوره من قريب ويقول صورنى وفى نفس اليوم اللى انطرح فيه تفريخ ميه بالميه ما انطرح ولا شاف الشبكه وكفوفه ملس وذنيا زهرتها كامله
الموضوع واضح ولا يحتاج صقار محترف اوغيره والطرح الاول الى انطرح نادر قعد له سنين يذكرونه العالم لاكن الحين فى نفس السنه وفى الخليج ينطرح اكثر من نادر يجماعه الطواريح اللى يسافرون لمنغوليا وكزاخستان وغيرها ويقعدون من شهرين الى ثلاثه والمحظوظ اللى يحصل واحد ولا هوب درجة اولى والباقيه طيور عاديه طيور صقاره وسلامتكم

[THE SNIPER H]

موضوع مهم يتعلق بذمه الشخص نفسه
والصقار الخبير يقدر يعرف الوحش من التفريخ حتي لو كان وكري
اما بالنسبه للاخوه اللي علقو انها من الجائز طيور هاربه من مزارع او محميات اطلقت طيور للهجره
فإنه في هذه الحاله سوف تجد حجول في ارجل الطير لتبين سنه انتاجه ومكان اطلاقه زي حباري التفريخ
كما ان هذه الحجول غير مقصوصه لانها تركب في رجل الطير من عمر اسبوع وينمو عظم ساقه فلا تخرج ابدا الا اذا قصيت الحجل
ففي جميع الاحوال لو الطير هرب من مزرعه او تم اطلاقه من محميه فسيتحتم ان تجد حجول في ساقه
كما ان ريحه الطير البيتي والتفريخ غير ريحه نفس الطير اللي لسه مطروح وايضا ريحه ريشه تختلف من البيتي والمزارع
ريحه الطير الوحش تيجي نفاذه و كريهه بعض الشيئ

[توكار]

اتركوا الحسد والدخول في ذمم الناس
من حصل شيء يستاهله وانت صف النيه وخيم في البر ببرده وحره وتعبه وان شاء الله تصيد النادر

لاحول ولاقوة الا بالله

انت دخلت في أمرين عظيمين

انت دخلت ذمتك في ذمم الناس بأنهم حساد ولايخافون الله وهذا بعيدة عن وجيهم وعن كل مسلم

الأمر الثاني انت مفتش قلوب الناس علشان عرفت مايدور مابقلوبهم

والسالفه كلها نقاش بنقاش وكلهم صقاقير معروفين على مستوي الخليج

[شلة قنوص]

انا مالي بالصقور لكن لي خوي يقول نفس كلامك
ويقول انه فيه غشش ..
والامارات فيها تفريخ بعد

[.تقوى الهجر.]

بالنسبه لأكثر دول العالم الحديثه بداءت بالمحافظة على الطيور وتكاثرها في الطبيعه وعرفو قيمه الوحش عامه وأعتقد هذا أهم أسباب كثرة هجره الطيور في السنين التاليه . .كل العالم يحافظ عليها وحنا نطرحها. وهذا رأي شخصي.

[بن عويف]

اسمحوا لي اشارك

اولا تحيه طيبه للجميع

واحترامي لكل الاراء

ثم انا بدلي بدلوي معكم وارجو انه يفيد ويوضح بعض الملابسات

هل الصيد منول لا قيل لهم فلان صاد ثلاثين قمريه او عشرين صفار كذبوه
والعام واللي قبل صيد الناس فيها وصل 80 و 120
وهذي ارقام لو قلتها للاولين كذبوها

السبب والله اعلم

ان اخوانا في العراق وسوريا الله يفك عوقهم كانوا يصيدونها
ويتابعون مواسمها ويترصدون لها

واﻻن الله يكشف ضرهم ماهم في حالها
لذلك كثر عندنا النزل والصيد

ومن ضمنها النوادر وغيرها من اﻻطيور المهاجره

وايضا الرهو ( الكرك ) اول من يصيد اثنين يعتبر حقق رقم
والان يصيدونها بالستينات

لذلك قد تكون هذي نوادر فعلا
وقد تكون غشش والشيطان ما مات وضعاف النغوس في ازتياد
واخونا يشكر ع نصيحته
حب ينبهنا والعاقل ياخذ النصيحه ويكون حذر

وسلامتكم

[توآفيق]

السسلام عليكم ورحمه الله وبركاته


تحيه طيبه للجميع

واسمحولي لي بالمشاركه ..

الكلام هالموسم ، تدوال كثير بهالموضوع و لا نعلم الصحيح و الخطآ ولكن .. ،

انا لاحظت خط عبور في منطقة في السعوديه كل طرحها من الطيور الطيبه ك ريشه طبعآ ولا احب ان اذكر المنطقه لاسباب عده ..

ولكن ، بنفس الزمان هذا الكل قام يطلع ويطرح بعكس زمان اول .. ودليل ع الكلام هذا لا طلعو معنا شيبان قالو عزاه نقنص ولا نشوف موتر الا بعد اسبوع وفي بعضهم يقول ما نشوف مواتر غيرنا !!

يعني السيارات تحرك الارض ويمشطونه تمشط ..

وفي عامل اشوفه اهو السبب الي هو الدور المجاوره الله يفك عوقهم فيها اطلاق نار بانواعه و اشكاله .. واتوقع ان هذا السبب انحنا خط هجرة الطيور ..


وهذي وجهة نظري والله يوفق الجميع ..

[شرمان99]

الصراحة موضوع ممتاز وتشكر ياصاحب الموضوع السبب وانا اخوك ان الاوضاع الحين بالدول الشماليه العراق وسوريا فيها حرب واهم اول يشبكونها قبل ماتاصل هنا وعشان كذا ماتجلس بديارهم من صوت الصواريخ والتفجيرات الله يحمانا وبعدين اكثر الطيور اللي طرحت ذي كلها سوريات والناس يشوفون الاشقر واللي راسة كاشف يقولون فارسي نادر مايميزون بينهن والفرق واضح بالدقتين او دقه بيضاء بظهر الطير والا الفارسي ظهره صافي مافيه دقوق ويجي وافي يعني مانطرح السنة ذي الا قليل الفارسيات اللي عليها الكلام وعذروني على الاطالة

[احمد محمود ا]

ترى انا الاقي ناس يقولون شاهين للبيع اشوف الطير الاقيه شرياص

[احمد محمود ا]

ترى انا الاقي ناس يقولون شاهين للبيع يطلع شرياص

[احمد محمود ا]

ترى انا الاقي ناس يقولون شاهين للبيع الاقيه شرياص

[شاهين العراق]

مشكور على الطرح والتفسير وتقبل مروري

[احمد الشريف .]

اشكر اخوي ع الموضوع

ولكن

لانعلم ولانسطيع ان نحدد او نقرر هل هي مغشوشه ام لا ..؟

فلندع الخلق للخالق

وتقبلو مروري

[ابوفريحح]

اسمحوا لي اشارك

اولا تحيه طيبه للجميع

واحترامي لكل الاراء

ثم انا بدلي بدلوي معكم وارجو انه يفيد ويوضح بعض الملابسات

هل الصيد منول لا قيل لهم فلان صاد ثلاثين قمريه او عشرين صفار كذبوه
والعام واللي قبل صيد الناس فيها وصل 80 و 120
وهذي ارقام لو قلتها للاولين كذبوها

السبب والله اعلم

ان اخوانا في العراق وسوريا الله يفك عوقهم كانوا يصيدونها
ويتابعون مواسمها ويترصدون لها

واﻻن الله يكشف ضرهم ماهم في حالها
لذلك كثر عندنا النزل والصيد

ومن ضمنها النوادر وغيرها من اﻻطيور المهاجره

وايضا الرهو ( الكرك ) اول من يصيد اثنين يعتبر حقق رقم
والان يصيدونها بالستينات

لذلك قد تكون هذي نوادر فعلا
وقد تكون غشش والشيطان ما مات وضعاف النغوس في ازتياد
واخونا يشكر ع نصيحته
حب ينبهنا والعاقل ياخذ النصيحه ويكون حذر

وسلامتكم



كلام سليييييييم

[قنا النفود]

صحيح كلامك ماعليه شك .وانا لما شفت المواظيع شفت العجي
من الطرح والشبك والنصب لاحول ولاقوه الابالله

[المضلي]

صحيح كلامك ماعليه شك .وانا لما شفت المواظيع شفت العجي
من الطرح والشبك والنصب لاحول ولاقوه الابالله

لا حول ولا قوة الا بالله
كم عمرك وهل انت صقار والا ......
الصقار عينه ماتخونه ويعرف الطير الوحش من التفريخ و المطروح منذ زمن