اطرح رأيك في هذا السؤال الذي لم اجد له اجابة

[مولع بالخليان]

السلام عليكم ورحمة الله
الكل يعرف ان بعض الحيوانات ومنها بعض الطيور اذا امسكتها بيدك ربما تنقرك بفمها
اذكر قبل فترة اصطدت طائر بحجم القنبرة ويشبه الطيور الجوارح في شكله وكان شرس للغاية فكان ينقر بمنقاره الحاد وكاد يدمي يدي
ولكن اذا نظرت الى الصقر:eek: مع كونه طائر قوي وجارح ما ان تمسكه بيدك يستسلم لانه لو فعل كما تفعل بعض الطيور في الدفاع عن نفسها حال الامساك بها لكانت كارثة:hot:
فيى ترى مالسر وراء استسلام الصقر اهو جبن؟ ام ماذا
وسلامتكم

[Hamad18]

عليك السلام ورحمة الله وبركاته
مادري ليش مافي مشاركه يامولع بالخليان يمكن سؤالك صعب شوي عليهم
خلني اْجاوبك يمكن تكون من الصدمه ومن كبرياء النفس عنده وش رايك ؟

[أنس الحزيمي]

السبب يالغالي ان الي يمسكون الطير ( الصقر ) ايدينهم نازله شوي مايوصلها الطير ولا انت جرب وانت ماسك الصقر حط اصبعك عند راسه وبيروح لحم :D

[خشكاري]

لأن الصقر إذا طرحوه يمسكونه بطريقه معينه .. يلمون طرف جنحانه مع ذيله ورجليه ويمسكونه .. وبكذا ماراح يقدر ياصل يدك ..

http://www.alowanah.com/kleeja/download.php?img=7560

وعلى فكرة الطير إللي تقول عليه اسمه العلمي الصرد .. على صغره لكنه أقشر بالعض

[محمد ابن عيد]

آلحجم يفـرق
الصغير تبحلبه ماتدري وين تمسكه و منقاره قـريب
يعني انواع المناقر
و الحجم الكبير تعـرف مع وين تمسكه العقاب اللي اكبر الطيور
لامسكته مع جناحه غدا دجاجه
تقدر تسيطـر عليه عكس الصغير مثل الصفارى الخ
الحجم يلعب دور

[اي-مكشات]

المثل يقول الحر إذا مسكته خدم

[أ ب و ح س ن]

اتوقع انه خطير بمنقاره لكن يمسكونه بطريقه معينه وأنا عندي تساؤل آخر مهم كيف يقبل الإستئناس مع انه بلغ نموه الكامل واللي نعرفه ان كل الطيور والحيوانات ما تأنس بالإنسان الا إذا أخذت وهي صغيره حتى الكلب أجلكم الله

[almajd]

لا كلامك عزيزي غير دقيق ، أنا مرة عضن عظتن طرت منها من قوتها بس كان وحش ما درب .

[ناصح]

السبب يالغالي ان الي يمسكون الطير ( الصقر ) ايدينهم نازله شوي مايوصلها الطير ولا انت جرب وانت ماسك الصقر حط اصبعك عند راسه وبيروح لحم :D

:good::good::good:...............

[تركي الحارثي]

الطائر الصغير اللي عضك هذا اسمه عندنا جنوب الطائف ( شيخ الطير ) وهو مفترس يفترس العصافير وخصوصاً الشحيمات اللي تسمونها الدخل