الحقوووني يااخوان راحت المكينة !!!!!!

[السبزواري]

السلام عليكم ورحمة الله وبركاته


يااخوان عندي سوناتا 2009 امريكية ستةسلندر 3.3 نفس مكينة الازاير بالزبط

اول ماشريتها فيها صوت بداية التشغيل طقطقه خفيفه وتختفي خلال ثواني بسيطة ومريت كم ميكانيكي وقالي هذا الصوت عادي بما ان السيارة 6 سلندر تحتاح فترة عشان يوصل الصوت الى المكينة كاملة المهم اهملت الموضع وقلت عادي واستخدمت السيارة ع هالحال سنة كاملة وبعدها صار الصوت يطلع ع طول مع دعسة البنزين يعني تشغل السيارة تحمى فيها صوت طقطه لكن مو واضح وبس تعطيها بنزين يوضح صوت الطقطه مريت ابها اكثر من ورشة واتفقوا ان الصوت من عمود الكرنك تحتاج فك المكينة وتوضيب المهم طولت عليكم السييارة الى انا سليمه تمشي لا حرارة. ولاشيء والممشى مايحتاج ادعس يا ولد فمدري شنو تنصحون هل ا غير المكينة والا اوضبها مع اني مااضمن شغل احد فيها بالذات فيها عمود كرنك يعني تنزيل المكينة كاملة واللي صادته المشكلة من قبل ياليت يفيدنا باللي سوه وشكراا

السيارة ممشاها حدود ال 300 الف

الزيت المستخدم موتر كرفت 5w20 مثل ماهو مكتوب على غطا الزيت


اخيرا واحد نصحني بتغير الزيت وغيرته الى20w50 نوعا ما خف بشكل بسيط لكن مازال موجود الصوت .

لمبة الزيت طافيه شكيت من الطرمبة لكن الاغلب يقول انها سليمه

فما تنظرون ايها القوم نرجو منكم الافادة والسلام ختام.

[craino]

الصوت بداية التشغيل له علاقه بنفص الزيت او نوعيته
شيك هل زيت السياره ينقص
ثانيا غير زيت 10-30 وليس 5-20
الاجواء عندنا حاره فما يصلح لها الزيت الخفيف

[التميمي1016]

احتمال يكون الصوت من البلوف اوتكايات البلوف او الجنزير مرتخي شوي ....
والعلم عند الله. ...

[متقاعد مبكر]

شكل السياره قد سبق وارتفعت حرارتها اتش مما تسبب مشكله داخل السلندر ( البستم) لازم فك مجرد راي

[ابوعبدالله172]

اخي الغالي المشكله عندك من الكرنك ولا انصحك من واقع خبرتي بالتوضيب لان هذا النوع من السيارات غيرناجح
فيها التوضيب

[1824]

اسمع كلامي واجلس على موتركرافت 5w20 واهم شيء دائماً لا تتاخر في تغير الزيت بالكثير 7 الاف للاستعمال العادي ودائما مع السيفون عشان ما يتجمع وسخ في مجاري الزيت واستعمل السيارة وبتكمل سنين ياله تطق المكينة انا موتري موديل 2004 وطلع فيه صوت واستعلته ثلاث سنوات بعدها وباقي يمشي عادي مافيه شيء فامش عليه وماعليك بالتوفيق لك

[فياض الربيع]

الطقطقه اثناء التشغيل موجوده في كل السيارات حتى لو انها جديده
خاصه اذا كانت السياره من زمان مااشتغلت لان الزيت يكون نازل كله تحت
ويحك الحديد في بعضه اثناء التشغيل لين يطلع الزيت لاجزاء المكينه كلها ويختفي الصوت يعني الصوت يطلع في جزء من الثانيه ويختفي اما اذا كان الصوت مستمر
لازم تفحص اكيد فيه مشكله

[ابوراكان تبوك]

وجهه نظري
لاتفك ولا مسمار بتدق مبلغ وقدره في التوظيب غير ان السياره ماشيه 300الف
السيارات الجديده عله من العلل

اذا اجمع 3 ميكانيكيين انه صوت عمود الكرنك لاتوظب انقز التشليح ودور لك مكينة ازيرا ماشيه قليل واشرط ظفيرتها تركب بدون ترهيمات

سبب مشاكل عمود الكرنك من الزيوت التجاريه لاني قريت كذا موضوع يجي واحد يشتكي يقول غيرت زيت نوع كذا وطلع صوت عمود الكرنك

[فهد الراشد]

عزيزي صارت معي في موترين، الاول فورد، والثاني جيب ناتيفا ميتسوبيشي،
تدري وش السبب؟
السبب البناشر اللي مايخافون الله ويجيبون سيفون مهو اصلي،
الفورد والجيب كلهن بسبب السيفون، وقمت غيرت سيفون اصلي من الوكالة وراح الصوت بس مع الوقت يطلع خاصة بالبرد، وكما ذكر حدا الاخوان التكايات يخربن،
ونصيحة لك وللاخوان لاتغيرون السيفون الا من الوكاله، تشريه وتغيره عن اي بنشري .
و

[ابوراكان تبوك]

صدقت يا فهد ولا يهونو الاخوان السيفون مهم جدا جدا جدا

من بعد موقف حصل سرت اخذه من الوكاله لسياراتي كلها وارخص من البنشري بعد ووالله لو يحلف البنشري يمين انه سيفوناته أصليه لن أصدقه ممكن هو صادق لان الموزع يكذب عليه

لانه زمان حصل لي موقف عام 2004 كان معي كامري 2002 ماشيه 27 ريحة الوكاله فيها :)
المهم كانت امورها تمام لين غيرت زيت وسيفون عند بنشري
اللي حصل بالخط لا تعديت سرعه 175 تولع لمبة الزيت بغيت انقز من الغماره للكبوت على سرعه السياره ابغى اعرف السبب
بعد بحث حول اسبوع طلع السيفون اللي مركبه ابو يمن حق كورلاء ورحت للبنشري وقلت لو يسير في السياره شيء بسبب غلطتك اطلعها من ظهرك

المهم لا احد يتهاون بالسيفون قيمته 15 ريال لكن ممكن يخسرك 10آلاف ريال

[سفآري ربع]

سلام عليكم جميعآ

يااخوان عندي طقطقه في بداية التشغيل ياخذ طقطقه دقيقه تقريبآ

وفي نفس الوقت وهو يطقطق الف الطاره يمين الطقطقه تسرع ونفس الشي اذا لفيت يسار

واكثرمن 5 مرات افتح الكبوت واشغل الموتر واروح انخش واتحسس مكان الطقطقه

واحس الطقطقه والقلق في علبة زيت الدركسون حطيت يدي عليها من خلف .

قبلها كنت مغير سيوروكاله....(سالت عنها الاغلب يقول رمان بكره )

واذا طلع صح رمان . هل يضر بالموتر ..؟

واعذروني ع الاطاله ياخوان

باترول ربع 2003

[سفآري ربع]

لنا الله يامسلمين

[1824]

سلام عليكم جميعآ

يااخوان عندي طقطقه في بداية التشغيل ياخذ طقطقه دقيقه تقريبآ

وفي نفس الوقت وهو يطقطق الف الطاره يمين الطقطقه تسرع ونفس الشي اذا لفيت يسار

واكثرمن 5 مرات افتح الكبوت واشغل الموتر واروح انخش واتحسس مكان الطقطقه

واحس الطقطقه والقلق في علبة زيت الدركسون حطيت يدي عليها من خلف .

قبلها كنت مغير سيوروكاله....(سالت عنها الاغلب يقول رمان بكره )

واذا طلع صح رمان . هل يضر بالموتر ..؟

واعذروني ع الاطاله ياخوان

باترول ربع 2003

اذا الصوت والسيارة باردة فقط غير الزيت الى خفيف ويروح الصوت بالتوفيق لك