صوت في قير الباترول الديزل

[القرهود]

معي باترول 2002 ديزل فيه صوت مزعج في القير اذا ضغطت الكلتش راحت واذا دعست البنزين راحت وش تتوقعون منه قالو فحمه كلتش وقالو رمان قير وقالو تروس القير فما ادري وش العله فيه وهل هناك مشكلة لو امشي عليه

[MSAN]

واحد من اثنين:
1- فحمة كلتش - بسيطة
2- رمان قير - يبي لها شغل شوي


بس المشكلة انه ماتقدر تتأكد من المشكلة الين تنزل القير

لاتمشي عليه واجد عشان لاتكبر عندك المشكلة


بالتوفيق

[القرهود]

واحد من اثنين:
1- فحمة كلتش - بسيطة
2- رمان قير - يبي لها شغل شوي


بس المشكلة انه ماتقدر تتأكد من المشكلة الين تنزل القير

لاتمشي عليه واجد عشان لاتكبر عندك المشكلة





بالتوفيق


لكن وش الفرق بين الفحمه والرمان ?

[MSAN]

لكن وش الفرق بين الفحمه والرمان ?

هلا بك..

الفحمة هي قطعة صغيرة راكبة بين الكلتش والقير.. وظيفتها اذا ضغطت الكلتش تدف الكلتش وتفصل عمود السرعة(الي طالع من القير) عن المكينة وفيها رمان طبعا.. اذا الخراب منها أو من رمانها فـ الأمر بسيط لكن يحتاج تنزيل القير عشان تتغير

للتوضيح فقط:
انت لما تدوس الكلتش.. القوة تتحول من :
دواسة الكلتش إلى:
علبة الكلتش الي فوق الي بدورها تدفع السائل الهيدروليكي(زيت الكلتش) من خلال المواصير أو الليات إلى:
علبة الكلتش الي تحت.. طالع منها (خابور) أو (سيخ) يدفع:
الملعقة أو (الشوكة) الي راكبة في وسطها الـ(فحمة) و (رمان الفحمة) الي بدوره يدفع الكلتش نفسه ويفصل عامود السرعة.



رمان القير هو رمان داخل القير نفسه وهو الي يمسك عمود السرعة (الي طالع من القير).. اذا ان الخراب منه (لا سمح الله) لازم ينزل القير وينفرط كامل عشان يتصلح



بالتوفيق

[ابوعبدالله172]

اخي العزيز موترك طبيعي لاتقلق جميع البواترل الديزل فيها هذاالصوت وخاصه عند بداية التحريك وعند البروده

[القرهود]

جزاك الله خير اخوي MSAN وكثر الله من امثالك