عندي مشكلة في جيب موهافي 2013

[ابن واايل]

السلام عليكم ورحمة الله وبركاته
اعزائي اخواني الكرام
اشكركم على هاذا المنتدى الجميل المفيد
انا عضو جديد
وعندي مشكلة في السيارة
ارجووو التكرم
من لديه خبره تحليل المشكلة
السيارة من نو موهافي جيب
شركة كياء
الموديل 2013
6 سلندر
فجئة وانا اسوق العصر نازل من فوق كبري في الدوار
طفت انطفئت علي السيارة لحالها
وقفت على جنب جيت اشغل تدق سلف بس ماهي راظية تشتغل
تهتز هزات خفيفة كانها ابي تشتغل فقط
المهم فتحت الكبوت وجلست انتظر عند السيارة ربع ساعة ادور عقلي ماني عارف وش السالفة
المهم بعد ربع ساعة جيت اشغل اشتغلت اهتزت شوي واشتغلت على طول
بعد اسبوع سوت نفس المشكلة اخليها ربع نص ساعة وارجع اشغل تشتغل
عاد خبركم الوكالة مثل المنشار مايرحمون حتى لو كان سلك خربان يقولون لك غير مكينة
يبون يمشون بظاعتهم فقط
رغم انها ماشية الان 85 الف فقط
ارجو التكرم واخباري
وشكرا

[craino]

المشاكل الي تظهر احيان وتختفي صعبه
لكن ابدأ بالاسهل
غير كتاوت الطرمبة ابتداء
في العاده الكتاوت اذا احترت تفصل ولما تبرد تشتغل
غيره بنفسك ما يكلف وقد يكون الحل

[MSAN]

والسيارة طافية افحص وش المشكلة.. هل هو البنزين مايوصل للمكينة أو هي الشرارة ماتوصل للمكينة


اذا هي الشرارة ماتوصل فـ المشكلة في حساس الكرنك
واذا هو البنزين فـ المشكلة من إما الطرمبة (مضخة البنزين) أو الكتاوت تبعها


بالتوفيق

[باسل نجد]

خلك حول الطرمبة والكتاوت ، أفحصها وشف

[طلال مكشاتي]

سبحان الله وبحمده سبحان الله العظيم

[ابن واايل]

جزيت خيرا يا اخي العزيز
واشكرك على الرد
لكن خبرك السيارات الجديدة معقدة
يعني صعب اغير كتاوت بنفسي
وبعدين فين موقعه وكيف شكلة
امور صعبة تحتاج توظيح وشرح بالصور

[Bader-M]

وعليكم السلام
السيارة لسه تحت الضمان لا تتعبث بها
اذهب لهم و اخبرهم بمشكلتك راح يصلوحنا تحت الضمان


موفق

[1824]

على كلامك السيارة تحت الضمان ما تدفع ولا ريال يصلحون غصبن عن خشومهم واذا مارضو دق على وزارة التجارة ويعلمونهم انه الله حق بالتوفيق لك