تسخين الخزان بالشتاء

[راعي تاحوف]

السلام عليكم ورحمة الله وبركاته

البرد قرب وتجمد المواصير وتسخين البرقان وقت صلاة الفجر
الغريب محد طلع طريقه لتسخين تانكي الماء حق السياره
نبي طريقه نسخن الماء غير حقة السنيدي اللي تركب الشاخوف دبة الغاز على اللي وفيه النحاس الحلزوني ..
كنت ابركب القلب حق الصخانه بنفس الخزان لقيته تسحب وات عالي مايتحمله المحول تسحب فوق 2200 وات ..
طيب طريقه غيره ماعندكم ..
اصحاب الافكار نبي طريقه

[mohdabusaleh]

لي نحاس يتم لفه حول الشكمان وتشتغل السيارة عشر دقايق

فكره ما قد جربتها !!

[عود رمثه]

اخوي فيه غلاي الشاي الي على الولاه الي توضع وسط الكأس عشان يغلي التمويه ممكن لو يركب عليه حساس يفصل في درجه معقولة أتوقع ينجح

[هاوي البريموس]

موجوده عند المرباع شايفه قبل شهر سخان يركب علي فتحت الخزان وتشتغل علي ولاعة السياره

[أبو شيري]

موجود طريقه ما راح تلاقي أحلى منها

عب الأبريق وحطه على طرف النار وخله مو يسخن خله يولع

وكل ما احتاج احد ماء يحط شوي منه ويزيد بارد والحمد لله

تراك طالع كشته وحلاتها يكون فيه تعب وتغيير ولا يتوفر كل شي


وهالطريقه لا بد منها حتى لو اخترعت اختراعات لانك تحتاج وضوء وغسيل أغراض في أي وقت
والشتاء طول اليوم محتاج الماء الدافي يعني الابريق على جال النار باستمرار

[سداااااح]

اعتقد غلاية الشاهي على الولاعة هي الأنسب
وطول منت ماشي شغلها واعتقد كذا بيكون الماء يميل للمعتدل عند الاستخدام

[Mohammed5d]

عند المرباع واذ،ر الرمايه نفس فكرة قلب السخان تشتغل على الولاعه تسخن التانكي وتحطها مكان الغطا

[ابأ محمد]

ياشيخ لاتحطه بالخزان

حطه بطرف اللي والبزبوز وتوضي وغسل وعب معاملة ماء حار

قصدي المنصوره والشاخوف

[عبار درب]

كل صبحية في البر اول واحد يقوم يحط في قدر الكاتم ثلاثة ارباعة ماء و اقل من خمس دقايق على الغاز و اول ما تلف البلف يطفيه و يفرغ الضغط و مغرفة من الماء المغلي على ثلاثة ارباع بريق الغسول من ابسط ما يكون
هذي طريقتنا من سنين

[حربي مديوووون]

يعطيكم العافيه

[شازمان]

صدقت ياخ أبو شيري عين الصواب .
السخان والله ذاك السمر والقرض

[ابولولو]

أخوي طريقتنا من زمان

باقي النار بالليل يعني أذا جمرت وجاء عزت النوم جبنا الذرايه وحطيناه دأر مادأر على الجمر وحطينا البريق الكبير

على الجمر نصبح الصبح وهو حار منه للوضوء ومنه والقهوة دقائق تصير جاهزه

والحمد لله رب العالمين

[* ابو باسل *]

ابريق كبير وحطه جنب النار وبالتوفيق

[ابو ايمن]

موجود طريقه ما راح تلاقي أحلى منها

عب الأبريق وحطه على طرف النار وخله مو يسخن خله يولع

وكل ما احتاج احد ماء يحط شوي منه ويزيد بارد والحمد لله

تراك طالع كشته وحلاتها يكون فيه تعب وتغيير ولا يتوفر كل شي


وهالطريقه لا بد منها حتى لو اخترعت اختراعات لانك تحتاج وضوء وغسيل أغراض في أي وقت
والشتاء طول اليوم محتاج الماء الدافي يعني الابريق على جال النار باستمرار

أنا معك تماما أخي في كلامك ..

تحية للجميع

[راعي الرود]

أخوي طريقتنا من زمان

باقي النار بالليل يعني أذا جمرت وجاء عزت النوم جبنا الذرايه وحطيناه دأر مادأر على الجمر وحطينا البريق الكبير

على الجمر نصبح الصبح وهو حار منه للوضوء ومنه والقهوة دقائق تصير جاهزه

والحمد لله رب العالمين


:good2::good2:

هذي طريقتي ولا أحلى منها

[أبوسعد111]

إذا انت بتمسي بنفس المكان
إذا طفيت النار :f ودفنتها
أترك عليها بريق الماء حتى الفجر
بيكون الماء دافي :good2:

[متجول]

سخان الماء البري

يوجد عند رفيق الدرب ومحلات الرحلاته المتخصصه

الصورة
http://img710.imageshack.us/img710/5198/image001gy.jpg

السعر بين 80 و 85

تجربتي والله شريه ولكن ماستخدمته حتى هذا اليوم

شكرا
الخلاصه قوم تعاونو ماذلو

[راعي تاحوف]

الله يعطيكم العافيه على الردود والفائده
بخصوص الابريق على النار طريقه قديمه ونبي الجديد
بعض المرات اذا جيت اعبي البريق الفجر مايصب الخزان يصير متجمد مايطلع ماء

ولكن السخان اللي على الولاعه احس انه انسب شي اذا صارت على تماتيك اشبكه من الليل تشبك وتفصل على درجة حراره معينه
اذا احد عنده طريقه بعد يعطينا نستفيد من الجميع

[سفيرالنوض]

استغرب والله من بعض الشباب . متعودين ع حياة المنازل وحياة الحضاره ويبي يطلع للبر ماتجي ياااخوان بر
ورحله وكل شي تبغاه ترف لازم شوويت تعب ياحلوها اذا صار فيها اكشن ..
انا اذا شفت راع الجيب مضبط عزبه وشراع قالب حوض الشاص فندق على طول اعرفه ان ماهو راعي بر بس ضيقه ولا يدري وين يروح . لكن رح لاهل الصيد اللي نصف وقته بالبر يارجل ماتحصل معه بالحوض غير صندوق عزبه وفراشه ..

[alhinay]

استغرب والله من بعض الشباب . متعودين ع حياة المنازل وحياة الحضاره ويبي يطلع للبر ماتجي ياااخوان بر
ورحله وكل شي تبغاه ترف لازم شوويت تعب ياحلوها اذا صار فيها اكشن ..
انا اذا شفت راع الجيب مضبط عزبه وشراع قالب حوض الشاص فندق على طول اعرفه ان ماهو راعي بر بس ضيقه ولا يدري وين يروح . لكن رح لاهل الصيد اللي نصف وقته بالبر يارجل ماتحصل معه بالحوض غير صندوق عزبه وفراشه ..

لا فض فوك اخي

اتفق معاك 100%

في البر لازم شوية شغل وتعب لاجل تحس انك بالبر مو بالفندق

شب :f وسخن الماي وامورك طيبة

[خالد5566]

اخي صاحب تسخين الماء في البر

تقدر اترهم تاكي بقطر 70بشكل دائري او مستطيل الشكل ويكون مفتوح مع الو صط بحيث تخرج النار من اعلا ء ولا يزعجك الدخان وتفتح فتحيتين فتحة تعبية الماء والثانية لتنسيم البخار بحيث لا يتم عملية الا فجار لو سمح الله وتحط كراسي متحركة با حيث لا يا خذ حيز من المكان ودعوتك لي بضهر الغيب .:

وشكر ا

للجميع

[no fear 78]

السلام عليكم
بس اضن لحد الحين انه سخان الماء حق رفيق الدرب يعتبر حل عملي و سريع و خفيف الوزن و التفكيك وادائة طيب
حل كهربائي يحتاج الى كهربائ قوية للتسخين

[fasgh2002]

أخي الكريم انظر إلى هذا المنتج قد يناسبك
http://i.ebayimg.com/00/s/NTQ0WDU1NA==/z/IxAAAOSwDk5UJUGI/$_12.JPG

هذا هو الرابط (http://www.ebay.com/itm/12V-IN-CAR-HOT-WATER-HEATER-ELEMENT-KETTLE-ELECTRICS-TEA-BABY-BOTTLE-WARMER-/370593155404?pt=UK_Campervan_Caravan_Accessories&hash=item564912c94c)

[عزيز2007]

موجود سخان خاص بتانكي السيارة يباع عند المرباع للارحلات بغنيزة

[ابو ساره العنقري]

فيه طريقه اسويها

تعرف القربه الجلد الي تعبيها ماء حار تستخدم كماده؟

اعبيها ماء حار قبل انام وارميها عند رجليني بالفراش عزك الله

تدفي فراشي ورجليني والصبح اتوضي منها ماء دافي

[الرائد]

خذ معك ترمس الماء البرتقالي ، وقم بتعبئته ماء حار قبل تنام، والفجر توضاء منه ولا أروع

[قناص مزاجي]

شوف ونا اخوك لايوجد افضل من بريق كبير تحميه لين يغلي وترجعه لتانكي مره اخرى يجلس فتره والماء دافي

[اسدهم]

زبدة الطلعة للبر الاكشن
تحس بلذة الطلعة ولها ذكريات

[برق 8]

خذ معك ترمس الشاي الكبير وخصصه للماء قبل تنام حط فيه ماء ساخن واذا صحيت غسله منه وهذي الطريقه سهله جدا

[مشعل666]

السلام عليكم
الحل بسيط سخان ما يستهلك كهرب300 وط 30امبير وستيل ويفصل لاوصل للحراره المطلوبة حطه على درجه 32مئوي يعني دافيه
والاهم رخيص40ريال تقريبا ))سخان الاحواض حقت الاسماك

راح يدفي الخزان كامل بس لازم يبقى على طول شغل وطريقة الحساب 100 واط لكل مية لتر لانه مقاسات

http://m.ebay.com/itm/400753896485?cmd=VIDESC

[Obu-Nasser]

بالنسبة لتسخين الماء فيه طريقة طول عمرنا نسويها، اذا جينا نرقد نجيب براد ماء كبير ونعبيه ماء، ونحط الذراء فق النار ونحطه فوق الذراء عشان يمسكه وعشان يسخن، وندفن اراف الذراء لجل مايطير جمر من الهواء ويشب بعزبنا وبخيمتنا واذا اصبحنا لقينا الماء حار وغسلنا منها وزينا قهوتنا.