هنا يوجد حل حذفه الستوقر

[الصيد ولعه]

صباح الخير ابشركم الستوقر الي معي اخيرا تعدلت الحذفه بفضل الله ثم فضل محل القنيعير الي بعنيزه

[فهد.الرشيدي]

الله يبشرك بالجنه وش كان السبب الحذف وكم كلف التصليح

[ستيفنزالقصيم]

ممكن تعلمنا كيف كان الحذف وين يروح الحلبي

[شمالي و الهوا غربي]

هل هو عيب مصنعي او شد مسامير??

[محمد ابن عيد]

الحمدلله
الستوقـر عز الله انها بندق
لكن مشكلتها الحذفه
و نحمدالله انها انحلت

[الصيد ولعه]

ابشرو بنزل صور للنتايج

[الصيد ولعه]

http://i.imgur.com/SuN0rej.jpg

[سوبربانلي]

وش طلعت المشكله طيب

[الصيد ولعه]

المشكله شد بلد فيها حذفه يسار شاريها جديده انا

[سوبربانلي]

يعني عدلت الخاتم او الماصوره

[هيوماكس]

حسب ماقريته من ردود ومشاركات قديمة لبعض الأعضاء
(إن الحذفة تكون مخصصة للطيار )
بمعنى إن الشركة صممت شوازن ذات اصدارات خاصة بالطيار يعني مايحتاج تسبق للطير

[شمالي و الهوا غربي]

حسب ماقريته من ردود ومشاركات قديمة لبعض الأعضاء
(إن الحذفة تكون مخصصة للطيار )
بمعنى إن الشركة صممت شوازن ذات اصدارات خاصة بالطيار يعني مايحتاج تسبق للطير
تبريرات غير منطقيه طيب واذا جا الطير علئ اليمين
او نست الشركة ان فيه طائر يجي علئ اليمين واليسار????

[الصيد ولعه]

ههههههههههههههههههههههههه

[هيوماكس]

تبريرات غير منطقيه طيب واذا جا الطير علئ اليمين
او نست الشركة ان فيه طائر يجي علئ اليمين واليسار????

في الحالة هذي سلمك الله راجع الشركة واسألها ;)
أنا مجرد ناقل للكلام يمكن صح او خطأ :good2:

[المتلولس]

لا من غير المعقول ان الشركه تخليها يسار للطيار فالطيور ماتجي من جهة اليسار فقط لكن من الموكد انه عيب مصنعي

[الصيد ولعه]

افضل شي تكون الرميه عدال عشان الرامي يتحكم في رميه الطير اذا جا من يمين او يسار او رايح او جاي الحذفه تخرب رميك

[ستيفنزالقصيم]

اغلب امهات خمس يحذغن يسار.. والسر في جعبة الي صنعها ...لكن اتوقع انه مفصودة لكي يكون صيد الطيار سهل لانهن هم يعتمدون على الطيار اكثر من الواقع ...لعلهم يرمون طيار في هجرت الطير ويكون متراسهم قادم من يمينهم لكي يسهل صيده طيار ...

[ستيفنزالقصيم]

لكن يارعيه ماخبرت مثله

[قناص الأشهب]

يا الصيد ولعه
جاوبنا وش التعديل الي سووه بالسلاح
يعني التعديل حصل على اي جزء
حاول تنفع أخوياك

[سوبربانلي]

ياراع الستوقر جبت الموضوع وقلت المشكله انحلت

وش سوى القنيعير عدل الماصوره العقب فككه


طال الموضوع وانت الى الان ماقلت حل المشكله وشو خل اللي اللي بعيد


على الاقل يعرف الحل ويصلحه بنفسه

[الصيد ولعه]

معليش على التاخير الحل طالت اعماركم عنده مكبس حديد حط الماصوره وسط المكبس وثبتها ثم قام يسحبها ب اتجاهه ورحت جربتها وطلعت ١٠٠ ب ال ١٠٠

[الصيد ولعه]

المكبس هاذا حديدتين متقابلات يضغط الماصوره عليها عشان تثبتها وبعدين يحاول يعوجها يجرها يمه بس بحتراف وبوزنيه وعلى هداوه مرتين كذا ثم قال فالك الصيد

[الصيد ولعه]

وفالكم الشحم

[الصيد ولعه]

اتمنا انكم استفتم

[سوبربانلي]

جزاك الله

وماقصرت

[واثق الطيار]

والموقع مايختلف رميه بعد العوجه

[الصيد ولعه]

ابد مايختلف الى تو ماضبط

[Obu-Nasser]

هنا لايوجد حل بقدر ما يوجد دعاية مجانية لمحل صيانة اسلحة!!.

[الصيد ولعه]

لا ولله لانيب اعرفه ولا شي بس ابي الي عنده مشكله مثلي يصلحها لاكن الرازق فالسما والحاسد فالارض

[9oo9]

لا ولله لانيب اعرفه ولا شي بس ابي الي عنده مشكله مثلي يصلحها لاكن الرازق فالسما والحاسد فالارض

صدقت والله يبارك لك فيها وفالك الصيد إن شاء الله

[الصيد ولعه]

ياهلابك يالامير