لغز جديد : مشــــــــــــاركة أولى...............الحل:الوتساب...حله:abdulaziz.ne t

[aboriyadh]

انشدك عن رجال من جملة رجــال = متفوقً على الجميع بمســافة
له مجلسً يجمع به الناس بالحال = واللي يجيه بطوع ماهو مخافة
لا شب ضوه يزهم ويشرح البال =واحيان لا نادى بصوته تـعافه



مع التحية

[معزب النشاما3]

صح لسانك اخوي ابورياض عندي رمع احسبها وصلت لكن بقووول اللفت الاصنصيل

[أبوعبدالرحمن99]

بعد التحية وابل الودّ همـال = من واجب التقدير قبل الضيافة
الله يحيي راعي اللغز بالحال =وحيّ القصيد و حيّ فكره وقافه
لو بعدها التفكير في رمعته طال = سجّل حضور اللي بمكشات شافه !!!

[ذيب الفقارة]

تسلم أخي الغالي

رمعة معزب النشاما طيبة

تحياتي

[عطري]

و عليكم السلام و رحمة الله و بركاته

صح لسانك يا أبا رياض ، و هلا بك مليون.

إن كان هذا اللغز أول مشاركة لك ، فهي بادرة خير بإذن الله.

و رمعة المصعد يقول الذيب أبو عدنان إنها زينة.

[aboriyadh]

حياكم الله جميعا
أخوي

الاجابة مالك لوا

[aboriyadh]

اسير النور
صح لسانك وعلا شانك وسلم بنانك

[قوافي ( أم نهار )]

السلام عليكم ورحمة الله وبركاته
حياك الله بخيمة الالغاز
صح لسانك لغز طيب حفظك الله
تحياتي وتقديري واحترامي

[صقر السديرات]

ياهلا وغلا بأبو رياض
الله يحييك ببن ربعك وأخوانك
صح لسانك على هالجزل
والله يسوق الرمعة
دمت بخير

[أم نورة]

صح لسانك أخوي أبورياض وعلا شانك

والله يعطيك العافية على هذا اللغز الطيب..

وإن شاءالله هذه المشاركة الأولى تتبعها مشاركات..

وشرايك ب التلفريك

[حمد؟؟]

يامرحبا فيك اخوي
وصح لسانك ماشاء الله
والرمعه
نقول
ملعب الجوهره المشع
والضوء الاناره
والصوت يمكن تقصدبه
المكرفون المزعج دخل الاعب كذا وخرج رقم كذا

[aboriyadh]

هلا بالجميع
صحت ابدانكم
و هذا بعض ما عندكم
وهذي بداية واللغز الثاني بالفرن هههه

الرمعات جميعها اخطت الهدف ولكن راح تصيبه قريب

تحياتي

[عدم الانحياز]

صح لسانك ابو رياض وحياك مولاك
لعله التلفزيون
ودمت طيباً سالما

[aboriyadh]

حياك
ماهو التلفزيون

[حمد؟؟]

طيب مايصير القطار

[عطري]

رمعة أخينا حمد زينة



و طرا لي المطار .

[أم نورة]

ايه والله رمعة أخوي حمد جدا طيبة..

وفعلا القطار له صوت مزعج..

كلي تأييد لرمعة أخوي الحمد وبانتظار ختمك أخوي ابورياض

[ناصر العلي]

سلمت ياأبورياض

وصح لسانك

ويش قولك بـ

الجوال

[aboriyadh]

ما زال اللغز
اخوي ناصر قريب منه

[أبوعبدالرحمن99]

محاولة من جديد و لو انها حول الضلع ، و لكن لا يمنع من المحاولة ،،
جهاز النداء الآلي .

[أبوعبدالرحمن99]

او جهاز الاتصال اللاسلكي (الكينود).

[aboriyadh]

تسلم أخوي
الحل مالك لوا
بعيد شوي

[ناصر العلي]

طيب ياأبورياض

مايصير

برنامج البالتوك

[aboriyadh]

ناصر أنت اقرب واحد
الرمعه الثالثة أكيده بحول الله

[الريم.]

قد يكون برنامج الماسنجر

أو صفحة الاتصال بالانترت التي تضيء عند نجاح الاتصال

[aboriyadh]

ما زال حر طليق الى هذه اللحظه

[abdulaziz.net]

يمكن الواتس اب والقروبات اللي فيه


وصح لسانك ملايين

[aboriyadh]

سلمت يا عبد العزيز

هو الوتساب
الضو ضو التنبيه بالرسايل والصوت تنبيه الجرس
اللي عنهم قروبات كثير يحطونه (كتم صوت المجموعة ) عن الازعاج
هههه

بيض الله وجهك






انشدك عن رجال من جملة رجــال = متفوقً على الجميع بمســافة
له مجلسً يجمع به الناس بالحال = واللي يجيه بطوع ماهو مخافة
لا شب ضوه يزهم ويشرح البال =واحيان لا نادى بصوته تـعافه

[قوافي ( أم نهار )]

ماشاء الله

صح لسانك ابو رياض

وكفو كفو اخي الفاضل عبد العزيز نت

حفظكما الله

تحياتي وتقديري واحترامي

[ذيب الفقارة]

كفووووووووووو كفووووووووووو كفوووووووووووووو

أخي الغالي

عبد العزيز نت

الحل هو كما ذكرت :

الواتساب

وصح لسانك ملايين أخي الغالي

أبو رياض

تحياتي