أمانجي عاالشاص ولا التريله.......الحل:هودج ،،هود ،،هج ،،ود........حله:ناصرالعلي

[هيل]

السلام عليكم ورحمة الله وبركاته
ومساكم الله بكل خير ومحبة وشوق
لغز جديد للتواصل معكم ومداعبه
الراعي العجراء
يالراعي العجراء نبي أنجيلك ألحين
أما نجي عاالشاص ولا التريله
أبي رجعه ألراعة الحسن والزين
ومشاور ألأخوان له مايبي له
ألولف كم قطع قلوب البعارين
والفيل والخرتيت وأيضا العجيله
أرجعله على السنه ومذهب هل الدين
ويصبح مثل يذكر منيفه وهيله
وأطيربه لجنيف ولندن وبرلين
شهر العسل ونزود أذا هي قليله
وياراعي العجراء تول البعارين
تستاهل العنزين ومعهن صخيله
ترسل تقاريره على مسج العناوين
منيفه دوة كم أحسن وسيله
ترسل تقاريرك عن الذود وكل شين
وين ربعو اليوم أهلي وأهيله
من بعدها تامر على الراس والعين
لك نقوه من الذود لوهي الدليله
وأبنشد هل الخيمه وأنتم ياألأثنين
والمنتدى كله ومن هو يجيله
وش اسم(قوم)من حروفه يبين
آخرحرف بشرط الرابع نزيله
وألأطراف به فر وأبعد عن العين
في جوفها حب وحنه جميله
مع فائق التقديروألأحترام
الهيل

[ذيب الفقارة]

وعليكم السلام ورحمة الله وبركاته

صح لسانك أخي الغالي

أبو عبد الله

ويستاهل راعي العجراء كل علم غانم

للسلام والإشادة ولي عودة بإذن الله

تحياتي

[ناصر العلي]

سلمت يالغالي

وصح لسانك

وغالي ومسند على غالي

محاولة عجلة

هودج

القوم قوم.....هود عليه السلام

هج....فر

ود...حب

[ابوذيبان]

الوف كم قطع قلوب البعارين ... والفيل والخرتيت وايضا العجيلة

هههههههههههههههههههههه

ياحول وش جاب العجيلة المسكينة مع ذا الجلوف...:p

ــــــــ

صح قلبك يابوعبدالله ملايييييييييييييييييييييييين

ويستاهل راعي الجزلات الطيب كله ..

ومعالي الدكتور . هجد الهودج بالبنج والمشرط ...... تبارك الله

بيض الله وجيهكم

0

[هيل]

وعليكم السلام ورحمة الله وبركاته
صح لسانك أخي الغالي
أبو عبد الله
ويستاهل راعي العجراء كل علم غانم
للسلام والإشادة ولي عودة بإذن الله
تحياتي

هلا والله وغلا ابوعدنان والسانك صاحي يالغالي
يابن الحلال انا ادحلس الراعي العجراء علشان أرد منيفه خالته والا هو ماينحرص عليه أذا صار عندنا أخاف على راسي من عجراه
تحياتي

[راعي العجراء]

وعليكم السلام ورحمة الله وبركاته
وصح السانك يابو عبدالله
هذا ردي طال عمرك على قصيدتك




يامرحبا بالهيل طلق الحجاجين = يامرحبا اعداد وبل المخيله
اهلا هلابك عد ورق البساتين = واعداد مانادى حليلٍ حليله
خطك وصلني والمساجد مقيمين = بوقت سعينا للصلاة الفضيله
وعقب الصلاة يوم نكفنا معدين = اخذت ابرق بالبيوت الجميله
يالهيل تبغى الشور والعمر ستين = لا يخدعنك ناسعات الجديله
منتب شباب تدبل السلك سلكين = تالي العمر يالهيل فيه الفشيله
الكبر مابه عيب والخلق دارين = لاشك مايقوى للحمول الثقيله
يومك شباب تواجه الذيب بالعين = واليوم عمرك مايزبن دخيله
وان كان لابد فاقسم الدار دارين = وسكن منيفه عند حصه وهيله

مع السلامه

[هيل]

سلمت يالغالي




وصح لسانك

وغالي ومسند على غالي

محاولة عجلة

هودج

القوم قوم.....هود عليه السلام

هج....فر

ود...حب




هلا والله وغلا ابوعلي والسانك صاحي يالغالي
يابن الحلال انا ادحلس الراعي العجراء علشان أرد منيفه خالته والا هو ماينحرص عليه أذا صار عندنا أخاف على راسي من عجراه
صح السانك ملاىيين نعم هودج صح السانك
وفيت وكفيت بالرمعه والتوضيح
قوم هود
هج فر
جوفها ود
وارجع واقول صح السانك يابوعلي
تحياتي

[عبدالمؤمن]

صح لسانك يالهيل
وصح لسان راعي العجراء
ماشاء الله مبدعين
وكفو كفو يابوعلي

[هيل]

الوف كم قطع قلوب البعارين ... والفيل والخرتيت وايضا العجيلة

هههههههههههههههههههههه

ياحول وش جاب العجيلة المسكينة مع ذا الجلوف...:p

ــــــــ

صح قلبك يابوعبدالله ملايييييييييييييييييييييييين

ويستاهل راعي الجزلات الطيب كله ..

ومعالي الدكتور . هجد الهودج بالبنج والمشرط ...... تبارك الله

بيض الله وجيهكم

0

هلا والله وغلا ابو منصور أستاذنا تسلم يالغالي
لا فيها منيفه دوة كم ومسج ولندن وبرلين وجنيف علشان ارصدة منيفه بسويسرا
وغيره عجيله وصخيله
تسلم على المرور يالغالي
تحياتي

[هيل]

صح لسانك يالهيل
وصح لسان راعي العجراء
ماشاء الله مبدعين
وكفو كفو يابوعلي

والسانك صاحي حبيبنا الغالي
بيض الله وجهك
تحياتي

[أبوعبدالرحمن99]

صح لسانك يا ابو عبدالله و صح لسانك يا ابن اخو منيفة راعي العجرا ابو جلمبو ،، والله يصلح الحال و يوفق الروس بالحلال ،،
اشتقنا لهذه المساجلات فهي ملح الخيمة ،،،
تحياتي .

[ذيب الفقارة]

كفوووووووووو كفووووووووووو كفووووووووووو

دكتورنا الغالي

د / ناصر العلي

الحل هو كما ذكرت :

هودج ..... هود ... هج ..... ود

وصح لسانك ملايين أخي الغالي

أبو عبد الله

تحياتي

[هيل]

وعليكم السلام ورحمة الله وبركاته
وصح السانك يابو عبدالله
هذا ردي طال عمرك على قصيدتك




يامرحبا بالهيل طلق الحجاجين = يامرحبا اعداد وبل المخيله
اهلا هلابك عد ورق البساتين = واعداد مانادى حليلٍ حليله
خطك وصلني والمساجد مقيمين = بوقت سعينا للصلاة الفضيله
وعقب الصلاة يوم نكفنا معدين = اخذت ابرق بالبيوت الجميله
يالهيل تبغى الشور والعمر ستين = لا يخدعنك ناسعات الجديله
منتب شباب تدبل السلك سلكين = تالي العمر يالهيل فيه الفشيله
الكبر مابه عيب والخلق دارين = لاشك مايقوى للحمول الثقيله
يومك شباب تواجه الذيب بالعين = واليوم عمرك مايزبن دخيله
وان كان لابد فاقسم الدار دارين = وسكن منيفه عند حصه وهيله[/POEM]
مع السلامه



ياراعي العجراء أنا عمري ألحين
عمرك على أثنين ولاهي قليله
ياما طرحتك أرض وكسرة ضلعين
وأنشق معه الثوب هو والفنيله
أذا غدى ليلك من الوجع ليلين
سيارة ألأسعاف افضل وسيله
تسلم ياراعي العجراء والله أبيض وجهك
رد وافي من وافي ياحلاء الخيمه بس أنت
تقول أني اسمع ألأذان يوم فتح الرياض
قبل ياخذ أبوي الوالده
مع فائق التقدير وألأحترام
تحياتي

[هيل]

كفوووووووووو كفووووووووووو كفووووووووووو

دكتورنا الغالي
د / ناصر العلي
الحل هو كما ذكرت :
هودج ..... هود ... هج ..... ود
وصح لسانك ملايين أخي الغالي
أبو عبد الله
تحياتي

تسلم حبيبي أبوعدنان على المداخلات الحلوه
وبصراحه مداخلاتك من اهم الدوافع لتجديد
بيض الله وجهك يالغالي
تحياتي

[ناصر العلي]

هلا والله وغلا ابوعلي والسانك صاحي يالغالي
يابن الحلال انا ادحلس الراعي العجراء علشان أرد منيفه خالته والا هو ماينحرص عليه أذا صار عندنا أخاف على راسي من عجراه
صح السانك ملاىيين نعم هودج صح السانك
وفيت وكفيت بالرمعه والتوضيح
قوم هود
هج فر
جوفها ود
وارجع واقول صح السانك يابوعلي
تحياتي






























































هلا بك أكثر ياأبوعبدالله

وصح كلك يالغالي

وبيض الله وجهك

وبصراحة أمتعتنا أنت والغالي راعي العجراء

الله لايحرمنا منكم

تحياتي

[ناصر العلي]

صح لسانك يالهيل
وصح لسان راعي العجراء
ماشاء الله مبدعين
وكفو كفو يابوعلي


حياك ربي ياعبدالمؤمن

وبيض الله وجهك

وكفوك الطيب يالغالي

تحياتي

[ناصر العلي]

كفوووووووووو كفووووووووووو كفووووووووووو

دكتورنا الغالي

د / ناصر العلي

الحل هو كما ذكرت :

هودج ..... هود ... هج ..... ود

وصح لسانك ملايين أخي الغالي

أبو عبد الله

تحياتي



حياك ربي ياأبوعدنان

وبيض الله وجهك

وكفوك الطيب يالغالي

تحياتي

[هيل]

صح لسانك يا ابو عبدالله و صح لسانك يا ابن اخو منيفة راعي العجرا ابو جلمبو ،، والله يصلح الحال و يوفق الروس بالحلال ،،
اشتقنا لهذه المساجلات فهي ملح الخيمة ،،،
تحياتي .

والسانك صاحي ابو عبدالرحمن
حبيبي ابو عبدالرحمن العذر والسموحه ترا أخيك تنقصه البهاسه أحيان ماأنتبه لرد السابق أنسى أتوقع الردود من ألأخير وتفوت على الأجابات السابقه
تحصلي كثيرمع ألأخوان وأقع بالأحراج يتوقعون أنه عن قسط وهي والله عن حسن نيه يالغالي
أكرر أسفي مره اخرى يالغالي
مع فائق التقدير وألأحترام
ألهيل

[أم نورة]

صح ل سانك أخوي الهيل..وعلا شانك..

والله يعطيك العافية على هذا اللغز الطيب..

ويستاهل الكفوو دكتورنا ناصر ماشاءالله عليه