رايكم بنيسان أكستيرا ..؟

[dhoomi]

السلام عليكم

اخوكم مقبل على شراء اكستيرا ان شاء الله
ولكن الناس ماتخليك بحالك :D !!
اللي يقول لايقربك ..يقربع وقطع غياره وخرابه كثير!!
قلت هالشي ماتخلى منه اي سياره بالعالم...وعلى حسب علمي سيارات نيسان اعتماديه وجوده
واغلب اللي يخرب معهم راعين تعديل وتزويد بالسياره ..
لأني اشوف مقاطع كثيره له مقاومات ومن هالأمور والاغلب يحكم من هالشي

واللي يبي يستخدم ويمشي بركاده يبي يسلك معه أي موتر....واعتقد الكل يوافقني بالنقطه ذي.!

واللي يقول ممتاز اغلبهم ينقلون كلام من مجربين مب من تجربه شخصيه..وهالشي محير


الزبده للي مجربين...شرايكم بالموتر كعموم!!
قطع الغيار
الخرابات
الاستخدام طريق..وبر !!
اعتماديته !!
الوكيل !!

اي معلومه ياجماعة الخير تراها مهمه عندي...وياليت ماحد يذكرلي مواتر أخرى غيره

والله يعافيكم

[awn050]

يبيله ركاده وعزمه يغرك تتهور لاكن حط في بالك موتر البر لا يخلو من الطلبات

[اسبيدر مان]

هو مشكلته شكله ان كان الموتر معجبك فتوكل على الله
نعم الخوي
لكن من ناحية قطع الغيار ماافيدك لان نيسان حاليا اموره مكركبه شوي بالسعوديه

[السليطين]

الموتر عزمة جبار ... وقوة تحمل .. وصبر ... وقطع غيار معقولة جدا .. وصرفية بنزين رائعه ... والوكيل ماعمري جربتة ولا افيدك ..

[موادع 1]

من اسلوبك معك من المعرفه مايكفي
ما شاء الله
طرح متزن وعقلاني
استشر ثم استخر
والله يدلك لما ينفعك

حقيقة اعجبني الطرح
ولست مجرب لها ولكن اشوف
من سيارات الزملاء ان بابه الخلفي
ضيق شوي
هذا مالدي

[المميـز]

:

ماجربته شخصيا لكن انتشاره يدل على نجاحه
واذا بتاخذه جديد وتحافظ عليه ان شاء الله يعيش معك
الهونداي والكيا كثير يسبون فيها لكن اللي يحافظ عليها تعيش معه
وعليك بالاستخاره والله يكتب لك اللي فيه الخير

:

[dhoomi]

يبيله ركاده وعزمه يغرك تتهور لاكن حط في بالك موتر البر لا يخلو من الطلبات

شاكر مرورك ..واكيد السياره يبيجها يوم وتبدأ تطلب لاهنت


هو مشكلته شكله ان كان الموتر معجبك فتوكل على الله
نعم الخوي
لكن من ناحية قطع الغيار ماافيدك لان نيسان حاليا اموره مكركبه شوي بالسعوديه

الشكل اشوفه مناسب ومايعيبه شي صراحه ...واشوفه افضل شكلاً من منافسه الأفجي
والله الوكيل فعلا هو الأزمه الحقيقيه على مايبدو ....!


الموتر عزمة جبار ... وقوة تحمل .. وصبر ... وقطع غيار معقولة جدا .. وصرفية بنزين رائعه ... والوكيل ماعمري جربتة ولا افيدك ..

الله يعافيك ... هذا المطلوب :good2:
شاكر مرورك



من اسلوبك معك من المعرفه مايكفي
ما شاء الله
طرح متزن وعقلاني
استشر ثم استخر
والله يدلك لما ينفعك

حقيقة اعجبني الطرح
ولست مجرب لها ولكن اشوف
من سيارات الزملاء ان بابه الخلفي
ضيق شوي
هذا مالدي

شرفني مرورك أخي موادع ، وشاكر لك هالأطراء الجميل كجمال روحك
الضيق بالمواتر هذي معك حق...لأن طبيعة السيارات هذي off-road مصممه للطرق الوعره والرمال وإن شاء الله ماتكون مشكله
ومايمنع نحطه بالحسبان ..لاهنت يابعدي.



:

ماجربته شخصيا لكن انتشاره يدل على نجاحه
واذا بتاخذه جديد وتحافظ عليه ان شاء الله يعيش معك
الهونداي والكيا كثير يسبون فيها لكن اللي يحافظ عليها تعيش معه
وعليك بالاستخاره والله يكتب لك اللي فيه الخير

:



كلامك صحيح :good:
والأساس هو الاستخدام بكل شي
لاهنت


==

لازلت بأنتظار المجربين

[hekloz]

ياخي انت بتشتري تتمتع فيها ولا ناوي تبيعها ? توكل ع الله واشتري الي يعجبك وعموما ماراح تطلب ورش وتبهذلك الى بعد 5 سنين ان الله احياك ، واذا مره مره طفشت بعد 5 سنوات بيعها واشتري جديده وهكذا هذا نظامي من زمااااااان

[سعود27]

موتر طيب وخفيف ونشيط وقوي وصلابه وديكوره عملي جدا وهذا رايي من تجربه وقطع الاستهلاكيه سعره معقول جدا

[عاشق مطر]

موتر صبور وحق كرف وصرفيه بنزين ممتازه مافيه جيب زيه وقوت عزم
وسعر رخيص مره مره فرق بينه وبين منافسيه

[عقووول]

والله انا ماجربته

بس معا واحد من اخوياي وكل يوم وهو معنا يعني جمعات بيننا

وسالته عنه من كلامه الموتر صبور وكده كد غير طبيعي السيارة موديل 2010

وماشيه 250 الف كم والحمدلله الموتر محركاته باقي جديدة

معا العلم زيت القير عمره ماغيرة

زيت المكينة بعدخمس شهور او سته يغيره

ومن يوم ما طلعه عمره مادخله للصيانه حقت الوكاله

هو متعود على الدداسن وعلشان كذا مو مقتنع بالصيانات

انا مالي مصلحه امدحلك الموتر بس والله مجرد منصح لاخوي

واهم شي صلاة الاستخارة

[dhoomi]

ياخي انت بتشتري تتمتع فيها ولا ناوي تبيعها ? توكل ع الله واشتري الي يعجبك وعموما ماراح تطلب ورش وتبهذلك الى بعد 5 سنين ان الله احياك ، واذا مره مره طفشت بعد 5 سنوات بيعها واشتري جديده وهكذا هذا نظامي من زمااااااان

وراك تهوش طيب ؟ :p
كلا الأمرين استخدام وبعدها أكيد بيع إذا الله عطانا ومد بأعمارنا على خير وطاعه
والسؤال عن السياره شي بديهي ومب معقول تشري سياره ماتدري وشي من لحيه ;)
لكن من بوادر هالموضوع يبدو اننا طحنا بموتر عليه العلم
لاهنت


موتر طيب وخفيف ونشيط وقوي وصلابه وديكوره عملي جدا وهذا رايي من تجربه وقطع الاستهلاكيه سعره معقول جدا

الله يجزاك خير على هالأفاده الطيبه
واشوف من ذكرك وذكر الأخوان ان قطع الغيار متوفر واسعار مناسبه
وهالشي طيب ويشجع
لاهنت يابعدي


موتر صبور وحق كرف وصرفيه بنزين ممتازه مافيه جيب زيه وقوت عزم
وسعر رخيص مره مره فرق بينه وبين منافسيه

سعره حقيقه هو اللي شجعني عليه وهالشي ايجابي ضد منافسه
لاهنت اخي عاشق


والله انا ماجربته

بس معا واحد من اخوياي وكل يوم وهو معنا يعني جمعات بيننا

وسالته عنه من كلامه الموتر صبور وكده كد غير طبيعي السيارة موديل 2010

وماشيه 250 الف كم والحمدلله الموتر محركاته باقي جديدة

معا العلم زيت القير عمره ماغيرة

زيت المكينة بعدخمس شهور او سته يغيره

ومن يوم ما طلعه عمره مادخله للصيانه حقت الوكاله

هو متعود على الدداسن وعلشان كذا مو مقتنع بالصيانات

انا مالي مصلحه امدحلك الموتر بس والله مجرد منصح لاخوي

واهم شي صلاة الاستخارة


هذا اللي انا ابيه موتر مافتح كبوته من خراب ويقروشك ويغثك :good2:
جزيل الشكر لك يا عقووول

الله العالم اني جزمت عليه ان شاااء الله ...وعسى الله يسهل وييسر


الله يعطيكم العافيه جميعا ياخوان عاجز عن شكركم...ماقصرتوا

[A s K a D]

السلام عليكم
هذي وصايي الاربع كانك صملت
كل 5 الاف زيت مكينة
كل 10 الاف تشحيم كانك راعي جلد
كل 40 الف زيت قير
كل 60 الف زيت دفرنس


وموتر لك وللزمن

[جني صغير]

السلام عليكم
هذي وصايي الاربع كانك صملت
كل 5 الاف زيت مكينة
كل 10 الاف تشحيم كانك راعي جلد
كل 40 الف زيت قير
كل 60 الف زيت دفرنس


وموتر لك وللزمن

اخوي تراء مهب شرط كل السيارات تغير زيت القير

والشي الثاني زيت الدفرنس ما يغير أبد

تزود عليه صح اما تغيره بيطق عليك الدفرنس

ومحد يغير زيت القير والدفرنس الا بالسنين القريبة

اما اول دداسن وهايلوكسات والسيارات القديمة محد يفكر يغير الزيت القير والدفرنس

بس البعض يغيرها حرص زيادة او تقدر تقول وسوسه على الموتر

لان الزيت القير والدفرنس فيه ماده تمنع التآكل والاصوات
بس لما تغير تروح المادة

[كومبو]

اخوي تراء مهب شرط كل السيارات تغير زيت القير

والشي الثاني زيت الدفرنس ما يغير أبد

تزود عليه صح اما تغيره بيطق عليك الدفرنس

ومحد يغير زيت القير والدفرنس الا بالسنين القريبة

اما اول دداسن وهايلوكسات والسيارات القديمة محد يفكر يغير الزيت القير والدفرنس

بس البعض يغيرها حرص زيادة او تقدر تقول وسوسه على الموتر

لان الزيت القير والدفرنس فيه ماده تمنع التآكل والاصوات
بس لما تغير تروح المادة

جميع سيارات تويوتا لكزس ديهاتسو
يتم تغيير زيت الدفرنس كل 40.000 كلم
يتم تغيير زيت القير على 80.000 كلم لأول مرة
وبعدها كل 40.000 كلم تتغير

[A s K a D]

اخوي تراء مهب شرط كل السيارات تغير زيت القير

والشي الثاني زيت الدفرنس ما يغير أبد

تزود عليه صح اما تغيره بيطق عليك الدفرنس

ومحد يغير زيت القير والدفرنس الا بالسنين القريبة

اما اول دداسن وهايلوكسات والسيارات القديمة محد يفكر يغير الزيت القير والدفرنس

بس البعض يغيرها حرص زيادة او تقدر تقول وسوسه على الموتر

لان الزيت القير والدفرنس فيه ماده تمنع التآكل والاصوات
بس لما تغير تروح المادة

1-هالكلام ماجبته من راسي
2-انا املك اكستيرا وربعي اكستيرات ولله الحمد جدول الصيانة حافظة من ظهر قلب :D
في جدول الصيانة مكتوب هالكلام و منتب صاير افهم من شونق لي الي صنع السيارة

والاكستيرا معروف انه يون و يطق دفرنسة بسرعه والسبب عدم تغير زيت الدفرنس ;)

[---ابو يوسف-]

كان معي واحد الموتر ممتاز بالقوة والصرفيه والصبر بس يعيبه ضيق من داخل ومطبه زي الهايلوكس تقريبا
اذ ماتهتم بالراحه مره والضيق الداخلي توكل علي الله

[---ابو يوسف-]

وبالنسبه لي الدفرنس مايضره ولايخربه الا الجلد والمقاومات واعتقد كل سياره مشتركه بالموضع هاذ

[majed1111]

من وجهة نظري ولا انا اعلم من اخواني ان الموتر كويس بس مشكلته الحجم

[مسير عليكم]

انا معي اكستيرا ٢٠١١ افرود ماشي الحين ١٥٠ والحمد لله ماشفت منه اي مشاكل تغث بحكم اني راعي خرد ومتعود على المشاكل
انا راعي خطوط وطلعاتي للبر خفيفه وسواقتي راكده
الوكيل للاسف كلهم فاشلين الحمراني والعيسى
الشي الجميل ان الموتر له بدائل وشباب الاكستيرا ماجلسو ودورو
فلتر الهواء وكاله ١٢٠ ويركب حق دوج ٨٠
البواجي ٣٦٠ ورح البابطين تاخذها ٢٠٠ وفيها
الزيت حق القير ٨٠الى ١٠٠ الف ويركبون حق الكزس لعدم توفر الوكاله
المشكله الي عثتني الدفرنس هرب زيت رحت ادور زيت وكاله مالقيت والوكيل يركب كاسترول ورحت برا وخذت زيت
(ليكو مولي ) وسلكون تويوتا لان ماله وجه والعيسى ماعنده سلكون
الموتر اعتبره تحفه من تحف نيسان وسياره ماشوف فيها حسوفه سعره طيب وعزمه طرب وصرفيه بنزين حلوه عيبه مطبه لانه سست
واذا تبي شي عنه راسلني خاص

[الذئب الاليف]

وعليكم السلام ورحمة الله وبركاته



اذا عندك عائلة مايصلح لانه صغير

اما طفلين او ثلاثة ممتاز بر وخط



خفيف نفس وحسب كلام الاخوان الي شاورتهم قالو موتر كرف



معي له 3 شهور ما افيدك عن قطع الغيار لان الموتر جديد



انت الان استشرت



والاهم الاستخارة



الله يوفقنا وياك

[abd190]

اخي الكريم مافيه زي التجربة تحدد الافضلية انت بنفسك
خاصة بمسألة الراحة والسعة جرب واحكم بنفسك

اما الشي المتفق عليه بالنسبة للسيارة ومن تجربتي فهو خفته وعزمه الرائع ولو انه احيان يورطك تحس انك بتجيب اللي قدامك
يعني السيارة اندفاعية
الشي الثاني اللي اعجبني ارتفاعه ومستوى الرؤية وانت تسوق شي رائع صراحه

[عايض الاحمدي]

يعطيك العافيه

[dhoomi]

بارك الله فيكم ياخواني ... حقيقه ماتوقعت اني احصل مثل هالردود الطيبه والمشجعه
وفعلا ماخاب من أستشار

جزاكم الله خير

[مشلخ الذيب]

قطعه الاستهلاكية متوفرة
وارخص من قطع تويوتا قد تصل الى نصف السعر (اصلي)

وقليل التجاري
سعر الصدام الامامي والشبك غالي ولا يتوفر تجاري فإنتبه


الدفرنس في النفود نسم ولا عليك خوف ابدا
لأن وصلوا اصحاب الاكستيرا الا سبب المشكلة هو ان الموتر يرافس من ورى بسبة عدم التنسيماو اي شي يسبب المرافس

والمرتبة الخلفية وسيعة بس يعيبها وقت الركوب لأن الكفر الخلفي متقدم شوي


الصرفية طيبة جدا ديرة وخط

الراحة لابأس بها اريح من الفورشنر والافجي

اي سؤال انا حاضر

[f999]

اشر ولاتردد موتر ماعليه كلام نشاط وخفيف نفس معي 2013 اخذه اصفار قبل ست شهور ولاشفت الا كل خير ولله الحمد

[المنيعي1]

عزالله نشيط بالحيل ومريح
بس عيبه شكله بايخ

[أبو قريب]

له سنه وزود معي الحمد لله موديل 2010 ماشفت منه الا كل خير

الحمد لله سافرت عليه وكاشت عليه بس الحمد استخدامي له كسيارة لي موب تقل سيارة أجار

ماغيرت الا فحمات ومساعدات قدام وورا ركبت جبريل وفلتر هواء أشياء خفيفة قير توماتيك وقريب أبغير زيت القير أن شاء الله

هذي تجربتي ورايي يصلح عزابي ولا متزوج موب مثل الافجي شبابي بحت بسبب بابه الي ورا وسعره الاكستيرا مقارنة بالافجي

[ابو يزيد 1]

سياارة غاايه في المتعة و القوة النسيان على العموم قطعة غالية شوي بس وانا اخوك يعتمد على عدد الاسرة لان يعيبة عدم الوسع

[x-terra]

شباب عندي دواسات الي تجي على النص فل اكستيرا
القماس استخدمتها فترة بسيطة
الى ان شريت الربل اللي تجي على الفل
و الصور على الوتس اب 0505868532
السعر 250