مشاهدة النسخة كاملة : صعوبة تشغيل مكائن 200 ياماها
اسبعاوي
24/10/2014, 06:46 PM
عندي ماكينتين 200x200 ياماها تو ستروك
لما بشغلهم بيشتغلوا بدون مشاكل بس لما بطفيهم ما بيشتغلوا بسهولة
شو الحل ام هذا شي طبيعي؟
م/عبدالله
25/10/2014, 12:08 AM
طبيعي يأخذ محرك 200 وقت في التشغيل
لان فيه 6 كربريتر كل واحد مستقل ووصول الوقود
خصوصا بعد توقف طويل يحتاج تحضير وقفل للخانق
مع رفع ذراع التسارع لتقديم الشراره ويعمل
في ظل وجودد بطارية جيده لانه يحتاج الى سرعة دوران
انا اقول طالما يشتغل ومنتظم معك بلاش نلعب فيه
تأكد من قفل الخانق وقدم الشرارة برفع ذراع الوقود
الموجود في الريموت وامورك طيبه ان شاء الله
اسبعاوي
25/10/2014, 12:27 PM
الله يجزاك الخير ما عم تقصر معانا ابدا
مشكور يالغالي
اسبعاوي
25/10/2014, 09:59 PM
طيب سؤال مرتبط بنفس الموضوع
هل من الافضل اني اطفي المكاين اذا كنت راح ابقى بنفس المكان نص ساعة
او اني اخليها تعمل؟
وهل في مشكلة اذا خليت المكاين شغالة طول الرحلة؟
محبوب جده
26/10/2014, 01:03 AM
اذا خليتها شغاله طول الرحله يبغالك محطه تسحبها وراك ومره وحده نعبي من عندك :D
اخوي مكائن الميتين اكثر من شخص يشتكي من هذي المشكله
ويوم اروح أشوفها تشتغل معاي على طول طبعا مثل ما قال
لك المهندس عبدالله سته كربريترات تاخذ وقت في التشغيل
عندك حلين لها الاول انك ترفع دعسه الكربريتر بس راح تضر الجربكس
والثاني انك تشغل اول مره لمده ثلاثه او اربع ثواني وتوقف التشغيل مع سحب الخانق
وكرر المحاوله الي بعدها مع وقت اطول ان شاء الله تشتغل معاك بالكثير ثالث سلف
ووتلقى الصداع راح منك من الادمان على ريحة التوستروك :D
سحب الخانق هو حل مشكلتك مع دفع المفتاح وقت التشغيل
قاموس البحر
02/03/2015, 09:11 AM
سبعاوي عندك مشكله بعيارات الهواء ملوت الكاربتيرات مفتوحين كثير يدخل هواء اكثر من الوقود وعيارهم سهل تشوف براغي على جنب الكاربريتر تحته سبرنق ال 200 فيها سته ثلاثه على كل جنب تسكر على البرغي وتفتحه لفتين فقط شكرا
الوحش79
23/06/2015, 06:46 AM
عندي ٢٠٠ ولافيهن مشاكل ولله الحمد حتى بالتشغيل بس اذا لهمزفتره طويله واقفات مانزلتزلحر تحتاج شوية حركه بسيطه
واغلب المشاكل تكون من وزن الهواء و القازقيت مال الكابريتر
AL3OOD
29/06/2015, 06:03 AM
السلام عليكم ورحمة الله وبركاتة
اخي الغالي بما ان هاذي اول مشاركة لي
حبيت انقل لك تجربتي مع مكينة 200 ياماها
كان عندي نفس المشكلة لكن سبحان الله بالصدفة انتهت هالمشكلة
حصلت الكيابل من والى البطارية تعبانة ومتجرحة فاشتريت كيبل خاص من شركة ياماها بحدود 36 دينار كويتي والكيابل الاخرى اشتريت كيابل لحام مقاس 75 mm ولحمت روس الاصابع بالكيابل عند محلات الرديتر والحمدلله انتهت مشكلتي تماما
صوت المكينة صار احسن
عزمها صار اقوى
التشغيل سريع جدا ما شاء الله يعني اترك الطراد شهرين كامله وارجع اشغله من اول دقة سلف يشتغل
الانارة صارت ابداع
نفسياً صرت مرتاح جدا والحمدلله
تحياتي
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir