الارتمس التركية

[مجري الهايب]

السلام عليكم ورحمة الله وبركاته

ياجماعة استفسار بسيط لاهل التجربة والخبرة

عندي الارتمس التركية

الشوزن رميها طرب ماشاء الله سوق وحرارة وتبديل وخفة وزن لكن !!

بعض الملاحظات لاحظتها اللي عنده خبر يفزع !!

1-الطيار تطرحه باذن الله لكن الواقع صويب واحيان يروح سالم !! واظن من الحذفة يسار شبر تقريبا
2- الفشق اللي نحاسته قصيرة مثل الايلي احيان تلك فيه !!
3-انا شريتها مستخدمة جاني معها تشك رقم 1 فقط ! لونه اسود واشتريت تشك رقم 2 لونه نيكل ! لاحظت الحذفة انتهت بتشك رقم 2 او خفت بنسبة 80٪ تقريبا !!
الان هل للحذفه تعديل بالطايف !!وكيف يعدلونها وكم تكلفة التعديل !! وهل للتشك علاقة بالحذفة !!
هل تحتاج للتنظيف بستمرار او من فترة لفترة !!
وماهو السبب اللي يخلي الشوزن تلك بالفشق ابو نحاسه قصيرة !!
ااااسف ع الاطاله والله لايهينكم ويبارك فيكم !

[FJ3230]

عليك بتنظيفها وتزييتها والارتمس ماتلك من الفشق ابو نحاسة صغيرة فكها ونظفها
وزيتها وتأكد انك طبقتها زين
والحذفة فيه دفعات من الارتمس يكون فيها حذفة يسار وحلها تعديل الخاتم
وتقدر تتأكد اذا الماصورة مايلة عن طريق الجسر الي بأعلى الماصورة
هل هو متطابق مع الجرم او فيه ميلان عنه ولا تحتاج لتنظيف باستمرار
لانها ليست غازية ونظامها نفس البنلي بالضبط
بالنسبة للشوك اساساً لونه اسود النيكل ماعمري سمعت جاء للارتمس

[اليوسف2012]

اخوي مشكلة اللكة في الارتمس تكون بسبب الناتوش ماهو حاد بشكل جيد لذلك تجدها ماتحذف الفارغ واحيانا تجده في بيت النار
يحتاج انك تفك الناتوش وتجيب مبرد حديد صغير وتحده الين يصير حاد
بالتوفيق

[مجري الهايب]

عليك بتنظيفها وتزييتها والارتمس ماتلك من الفشق ابو نحاسة صغيرة فكها ونظفها
وزيتها وتأكد انك طبقتها زين
والحذفة فيه دفعات من الارتمس يكون فيها حذفة يسار وحلها تعديل الخاتم
وتقدر تتأكد اذا الماصورة مايلة عن طريق الجسر الي بأعلى الماصورة
هل هو متطابق مع الجرم او فيه ميلان عنه ولا تحتاج لتنظيف باستمرار
لانها ليست غازية ونظامها نفس البنلي بالضبط
بالنسبة للشوك اساساً لونه اسود النيكل ماعمري سمعت جاء للارتمس



بالنسبة للتنظيف نظفتها ولاحظت اللكة ماتجي الا اذا رميت فشق نحاسته قصيرة فقط؟؟
مع انها ماهي دائما !!
اما الحذفة نعم لاحظت الجسر على الماصورة فيه ميله بسيطه جدا اذا ركبته على الجرم لكن حاولت ولارضى يركب الا كذا ! هل لو عدلت الماصورة ضروري يشيلون الجسر !! او تتعدل والجسر موجود!
التشك النيكل اظنه للستوقر 2000
والله لايهينك ع الرد ويجزاك الجنة

[مجري الهايب]

اخوي مشكلة اللكة في الارتمس تكون بسبب الناتوش ماهو حاد بشكل جيد لذلك تجدها ماتحذف الفارغ واحيانا تجده في بيت النار
يحتاج انك تفك الناتوش وتجيب مبرد حديد صغير وتحده الين يصير حاد
بالتوفيق

اليوسف لاهنت انا لاحظت ماتجي اللكة الا بالفشق اللي نحاستة قصيرة !!
لكن بسوي اللي قلت والله يجزاك الجنة

[FJ3230]

بالنسبة للتنظيف نظفتها ولاحظت اللكة ماتجي الا اذا رميت فشق نحاسته قصيرة فقط؟؟
مع انها ماهي دائما !!
اما الحذفة نعم لاحظت الجسر على الماصورة فيه ميله بسيطه جدا اذا ركبته على الجرم لكن حاولت ولارضى يركب الا كذا ! هل لو عدلت الماصورة ضروري يشيلون الجسر !! او تتعدل والجسر موجود!
التشك النيكل اظنه للستوقر 2000
والله لايهينك ع الرد ويجزاك الجنة

على حسب علمي تشكات الستوقر ماتركب عالارتمس
وبالنسبة لتعديل الماصورة مالهم شغل بالجسر
التعديل يكون بالخاتم الحلقة الدائرية اسفل الماصورة الي تركب بالمخزن

[FJ3230]

للمعلومة بس ياخوي
الارتمس واغلب شوازن ام خمس
تلك مع فشق ابو غزال في غالب الاوقات ليس لخلل فيها
لانه طوله يختلف عن الفشق الاخر

[شمالي و الهوا غربي]

وش اسم الفشق الي تلك فيه??

[مجري الهايب]

لاهنتوووو ع الردود الوافيه

الاخ شمالي الفشق ايلي ٦/٣٦
اللي عليه صورة الثعلب الفشق كفوووو وطيب بالحيل لكن اللكة فيه

[bbaass]

لاهنتوووو ع الردود الوافيه

الاخ شمالي الفشق ايلي 6/36
اللي عليه صورة الثعلب الفشق كفوووو وطيب بالحيل لكن اللكة فيه

انا تلك بفشق ايلي 36 / 7.5

واولمبيا 32 / 7.5

نضفتها وفكيت الزناد وزيتها وتقول زانت شوي

احيانا تلك واحيانا لا

[الحربي .]

السلام عليكم

36/6
يارجال معاي ارتمس وشرايكم بفشق ايلي ابو ثعلب هل هو مثل الكاكا بالسوق والحراره

[سوبربانلي]

اذا الصفره مكتوب عليها ايلي يعني الاصلي فهو سوق ونظافه وحار

اذا مادخل فيه غش

واللي يجي صفرته عليها نجوم ابعد عنه

[الحربي .]

الله يجزاك خير
معروض علي هو والكاكا وقلت بشاور اهل الخبر لان ناس تقول ايلي افضل والله اعلم
وكم وصل سعر الدسته ايلي

[سوبربانلي]

الكاكا راح زمانه مافيه الا الوصخ الحين

اما السعر الوقت هذا ماعندي علم لانه يختلف من منطقه لمنطقه

[الحربي .]

ماقصرت اخوي سوبر