قدر ظغط تيفال ب 500 ريال وماني مرتاح له باخذ رايكم

[ok72]

السلام عليكم ،، اليوم وجدت عرض على قدر ظغط تيفال في احد الاسواق ولفت انتباهي سعره وصناعته لاحظت عليها بعض الكلمات الايرانيه فقلت استشيركم قبل لا اشتريه وصورت لكم الكرتون حقه



http://s27.postimg.org/8za49ef0z/IMG_20141025_WA0000.jpg


http://s27.postimg.org/8wq8mkbdf/IMG_20141025_WA0001.jpg


http://s27.postimg.org/uo90d9h8z/IMG_20141025_WA0002.jpg


http://s27.postimg.org/3zco1g9eb/IMG_20141025_WA0003.jpg


http://s27.postimg.org/sv63oxw2b/IMG_20141025_WA0004.jpg


http://s27.postimg.org/jpxqv2snn/IMG_20141025_WA0005.jpg

http://s27.postimg.org/l699d7vkj/IMG_20141025_WA0006.jpg


http://s27.postimg.org/72de4tocz/IMG_20141025_WA0007.jpg

[خالد الخطير]

هذا قدر ضغط تيفال صناعة فرنسية

لكن فعلاً الكتابه الي كانها بالعربي مو عربي

بس ماني عارف اي لغة بالظبط

وهو يعتبر مقاس ٨ لتر

عموماً سعره غالي بالاضافة انه غريب فعلاً كتابته

لكن بشارع السباله بالرياض موجود

٨ لتر = ٤٥٠ ريال
١٠ لتر = ٥٠٠ ريال

لذلك خذ الي تعرفه افضل من الي تشك فيه بالاضافه الى ان الي عندنا ارخص منه بفارق ٥٠ ريال

والله الموفق لما فيه الخير لك

[م.سعيد]

اللي باين من الصورة انه تيفال صناعة فرنسية...يعني اصلي
الكتابة اللي تحت العربي هي فارسية ( ايرانية )

[Mohammed5d]

الكتابه هي تعليمات وشرح مواصفات
لانه يباع في السوق الايرانيه والاوربيه والعربيه نفس النسخه
حتى الكاتلوج المرفق بعدة لغات
وهالشي موجود في القدور وحتى لو شريت ماكينة حلاقة من شركة براون بتشوف هالشي
انا شريت قلاية تيفال بدون زيت وفيها نفس الشي لاتخاف

[ok72]

هذا قدر ضغط تيفال صناعة فرنسية

لكن فعلاً الكتابه الي كانها بالعربي مو عربي

بس ماني عارف اي لغة بالظبط

وهو يعتبر مقاس 8 لتر

عموماً سعره غالي بالاضافة انه غريب فعلاً كتابته

لكن بشارع السباله بالرياض موجود

8 لتر = 450 ريال
10 لتر = 500 ريال

لذلك خذ الي تعرفه افضل من الي تشك فيه بالاضافه الى ان الي عندنا ارخص منه بفارق 50 ريال

والله الموفق لما فيه الخير لك

صحيح كلامك اخي الفاضل اغلب الناس تتعاجز عن المشاوير البعيده وتكتفي بالقرب بحجه يا ولد ما فرقت على 50 ريال

[ok72]

بعد ما اخذت ارائكم واستفدت منكم وسويت بحث في قوقل عن الوكيل الي بالكويت ورحت له وتفاجات بان سعره اقل من المعارض كلها ويفرق السعر عنكم حوالي 50 ريال وعموما معروفه اسعاركم دائماً اقل من الخليج حتى معدات البر مثل السنيدي وغيره .. الله لا يهينكم على كل معلومه نصحتوني فيها

[خالد الخطير]

اليوم مريت السباله

و فيه يماني قال يارجال القدر هذا اماراتي

قلت يالحبيب هذا فرنسي

قال فرنسي لكن مصنعهم بالامارات !!

فالسؤال للجميع هل معلومته صحيحه !!

مع اني الي اعرفه انه فرنسي ومصنوع بفرنسا

فالي عنده علم يفتينا باليقين !!

[المغترب9]

ان كانك تبي لك قدر اصلي خذ سب فرنسي لكن جديد قليل بتحصل مستعمل في حراج بن قاسم لان التيفال بلف الامان من داخل الغطاء بلاستيك

[خالد الخطير]

ان كانك تبي لك قدر اصلي خذ سب فرنسي لكن جديد قليل بتحصل مستعمل في حراج بن قاسم لان التيفال بلف الامان من داخل الغطاء بلاستيك

للتصحيح ليس بلاستيك بل ربل (مطاط)

وهو يتحمل اقصى درجات الحراره

[الرحال2222]

الامارات الصين الجديدة
اخذت حافظة قوت صناعه اماراتيه وشتان بينها وبين القديم
لو مكانك و تاكدت انه اماراتي ما اخذتة ولا 50 ريال لا يلدغ المومن من جحر مرتين

[اصيل نجد]

ياطويل العمر بالنسبه للسعر فيه ازياده خمسين ريال زي ماقالوا الجماعه بس اللي مستغربه وضع دعايه تسويقيه مع القدر واللي اعرفه دائما مايجي معه شي لاانه ماهو بحاجه دعايه لكن شف في معارض ثانيه اذا نفس الشي يجي معه دعايه تسويقه وتقبل الفرق بالسعر فالله يوفقك ويكفيك شره .

[هاني7979]

اخي الكريم
بالنسبة للقدر انا شايفه قبل يومين 10لتر بسعر 445 لدى الدخيل للأواني المنزلية ببريده الفرع الجديد خلف الحسون سنتر
فرنسي اصلي محفور بالقدر من تحت

[مكشاتي مدني]

عزيزي القدر تيفال هو نفسة سب بس اشترتة شركة تيفال وبعدين فرنسي اصلي ومحفور من تحت صنع فرنسا وهو قوي جدا ومتين ووكيلة العيسائي في الرياض مخرج 6 طريق ابو بكر الصديق رضي الله عنه وعندي مقاس 4 لتر شارية من السبالة ب 420 ريال من محل بالسبالة اسمة بن شيهون ولة 3 سنوات زي الحلاوة والقاعدة الي تحت قوية جدا وتوزع الحرارة بالتساوي لاتخاف ابدا ابعد انت عن السيف الصيني وانت بخير

[majed1111]

افادك الاخ مكشاتي مدني ولست اعلم منه لكن من وجهة نظري اشوف وبحكم ان جربت الاثنين كلهم نفس النتيجه صحيح التيفال اجود واسهل في التنظيف بس احس ان السيف عملي اكثر وقطعة تلقاه بكل مكان والفرق بالسعر واضح

وبالتوفيق