يامن يجيب العلم موجز وتقرير .. يجيب لي علمً صحيحنً وثابت

[الشقررردي]

السلام عليكم ورحمة الله وبركاته

اسعدالله اوقاتكم يالغالين

طيري يالربع صابه البرص الله المستعان
الله لايوريكم في طيوركم مكروه

هذي صورته عشان تبان لكم الصوره

http://store2.up-00.com/2014-10/1414220616271.jpg

المرض ذا وش عوارضه ووش علاجه

وهل يتغير فالطير شي في نظره او غيره

في انتظار ردودكم يالاجواد واتمنى ان الي عنده خبر يعلمني لاهنتم

اتمنى من مشرف القسم يصغر الصوره لاهاان

[THE SNIPER H]

الله يشفيه
اعتقد لا يؤثر عليه في شيئ
وهذا والله اعلم يجي للطير من نقص الفيتامينات وعدم تشميس الطير
ولم اسمع بعلاج له
يفيدوك من اعلم مني

[الشقررردي]

جزاك الله خير يالامير

في انتظاركم يالطحاطيح لاتبخلون بردودكم

[علامك]

هلا ومرحبا

هل تقصد بالبرص اللون الابيض الذى فى الريش ؟
وهل الطير مريض ؟

[الشقررردي]

مرحبابك
ايه اقصد لون الريش الابيض

لا الطير صحته زينه ومطيره زين ولا فيه اي خلاف البلا الوحيد فيه اللون الابيض الي تشوفه

[ااالوااافي]

]لله يشفي طيرك
خلل في جهاز المناعه
http://www.albdoo.com/vb/t23074.html

[الشقررردي]

جزاك الله خير

[علامك]

شف اخوى الشقردى
دام الطير صحته زينه ولا عليه خلاف مجرد ظهور اللون الابيض فى بعض الريش
هاذا ناتج عن تركيبه الابوين او الاجداد حيث ان احدهم يحمل جين معين فى تركيبه الريش وهو ابيض
وقد سحب عليه هاذا الطير
الذى اعرفه ان البرص يصيب الجلد وليس الريش
تحياتى لك

[الشقررردي]

لا يا علامك البرص يصيب الريش بعد مثل ماهو يصيب الجلد
ولا له اي دخل في القرابه ظهور الريش الابيض

على العموم لاهنت ياخوي على ممرورك ابيض وجه

[سيف.الحماد]

اخوي تاكد من مخالب الطير اذ تغير لون المخلب الي الأبيض اولا الأحمر يكون في برص والعياذ بالله
وان شاء الله أكون أفدتك

[صقار قديم]

السلام عليكم و رحمة الله و بركاتة

سيتحول الطير الى اللون الأبيض الخالص خلال السنوات القادمة ، هذا جين وراثي وليس مرض و لا يؤثر على الطير سلبا ً

مع التحية و التقدير

[jamal111]

احتمال ان الطير مع تبديل الريش في كل موسم راح يصير لونه ابيض واهل الخبرة يفيدونك عساك وعساهم وشيبانك وشيبانهم الجنة