اليوكن 2001 ينتع وانا امشي بالطريق وش العلة ياخوان

[الشواوي]

السلام عليكم
عندي يوكن 2001 سبق اني عرضت مشكلته بالمنتدى وكنت اعاني من نفضة اذا شغلته الصباح وعملت له تصفيه عند القرعاوي وكلف 800 ريال وقالو العلة من وجه الثلاجة وكهرب وضبط الموتر لكن فيه مشكلة مخوفتني وهي انه لما يعشق الموتر ويريح ينتع لثواني ثم تختفي ثم ترجع اذا طولت في المشور وهي كتمه كانه يبي يطفي ثم يفك ثم ترجع بعد مسافة وفيه ملاحظة هناك صوت لطرمبة البنزين مستمر هل المشكلة منها وانا خايف اسافر عليه اخاف يطفي علي بالطريق

[يالبى الهلا]

اللنتعة بعد المشوار الطويل او باللاصح صوت طقة بالقير
اما صوت الطرمبة اذا كان استخدام امريكي طبيعيي الصوت الانك تستخدم بنزين 91 والسيارة مصممة بنزين 95

[الشواوي]

الدعوى ماهي طقة الموتر يفز كذا مره فزة خفيفة ثم يرحع طبيعي والحالة الثانية يكتم كنه يبي يطفي ثم تنتهي الكتمة ويمشي طبيعي ويرحع مرة ثانية بعد مدة طويلة

[1824]

الوضف ما فهمته حاول تنزل فيديو او زيد في وصفك واذا علامة المكينة طالعة افحص كمبيوتر وجيب الاكواد وان شاء الله محلولة بالتوفيق لك

[سداااااح]

على مافهمت كانة عدم تجاوب السيارة بالدعسه
مية بالمية يعني ينزل عزمه عند الفزه خمسين بالمية لحظات وبعدها يفز

[الشواوي]

الاكواد
p0300
P1133
P1153
U1026

[الشواوي]

وهذا الكود خاص بالدبل
P1870

[1824]

شيك على تهريب هواء في الاهواز حقت المكينة تهريب في الثلاجة حقت المكينة دور تهريب شفط ومتاكد انك مالقيت مليون بالمية حط لك منظف بخاخات في التانكي منظفة مستوبيشي ممتاز وغير بواجي اصلية بس واذا ما ذبطت الامور تأكد من الكويلات انها سليمة وان شاء الله خير

بالنسبة للكود u1026 معناته الكمبيوتر يقول توجد مشكلة في التواصل معا كمبيوتر الدبل شيك على الاسلاك الواصله للدبل وحساساته وان شاء الله خير بالتوفيق لك

[1824]

وهذا الكود خاص بالدبل
P1870

لا والله هذا كود حق القير طول الله عمرك شيك على الزيت اذا ناقص او منتهي يحتاج تغير مع الفلتر هذا الكود يقول في انزلاق كبير في الكلتشات شيك على الزيت اول وغيرة مع الفلتر اذا منتهي اذا نفعت زين اذا ما نفعت الله يعين على التوظيب بالتوفيق لك

[الشواوي]

اسف ياخوان الكود P1870 خاص بالقير ماهو الدبل

[الشواوي]

انا غيرت وحه الثلاجة وعلى كلامهم انه كان سبب تفتفت الموتر وفعلا ضبط لكن المشكلة بالنتعة بعد مايريح الموتر والكتمه كانه يبي يطفي ثم يفتح ويرجع طبيعي ثم بعد مده ترجع مره ثانيه وهكذا

[1824]

شيك على تهريب هواء في الاهواز حقت المكينة تهريب في الثلاجة حقت المكينة دور تهريب شفط ومتاكد انك مالقيت مليون بالمية حط لك منظف بخاخات في التانكي منظفة مستوبيشي ممتاز وغير بواجي اصلية بس واذا ما ذبطت الامور تأكد من الكويلات انها سليمة وان شاء الله خير

بالنسبة للكود u1026 معناته الكمبيوتر يقول توجد مشكلة في التواصل معا كمبيوتر الدبل شيك على الاسلاك الواصله للدبل وحساساته وان شاء الله خير بالتوفيق لك


انا غيرت وحه الثلاجة وعلى كلامهم انه كان سبب تفتفت الموتر وفعلا ضبط لكن المشكلة بالنتعة بعد مايريح الموتر والكتمه كانه يبي يطفي ثم يفتح ويرجع طبيعي ثم بعد مده ترجع مره ثانيه وهكذا
سو الكلام الي كتبته كامل واذا خلصت تشيك غير زيت القير مع الفلتر يا يخبط يا يذبط استعمل زيت دكسرون 6 ضروري ذا النوع وان شاء الله الامل كبير معه بالتوفيق لك

[الشواوي]

اليوم مسيته مع خط لكن اكتشفت انه اذا احتر القير ينتع عند اي تبديل ثم اذا برد القير تختفي ويصبح التعشيق طبيعي مادري وش السبب

[cadillac911]

ركب مبرد قير كبير

[الشواوي]

وين القاه لو سمحت

[cadillac911]

والله يا اخوك ما اعرف وين بالضبط لكن وصف مشكلتك حق مبرد القير لكن عموما الاخوان ممكن يفيدونك وين ينباع لكني اعرف انه ممكن تلاقيه على النت

[الشواوي]

طيب وش اسمه بالانجليزي

[1824]

اليوم مسيته مع خط لكن اكتشفت انه اذا احتر القير ينتع عند اي تبديل ثم اذا برد القير تختفي ويصبح التعشيق طبيعي مادري وش السبب

معناته زيت القير منتهي ويحتاج تغير مع الفلتر بزيت دكسرون 6 اذا ما ذبط معناته والله اعلم طنجرة القير انتهت وقد تكون ضربت الكلتشات معها بسبب كثرة المشي عليه مع وجود المشكلة بالتوفيق لك

[الشواوي]

فحصت الزيت لقيت لونه زهري وغير محترق وكذلك لايوجد رايحة كلتشات لكن تنصح ابدل الزيت والفلتر

[1824]

فحصت الزيت لقيت لونه زهري وغير محترق وكذلك لايوجد رايحة كلتشات لكن تنصح ابدل الزيت والفلتر

اكيد انصح ولاكن اما تفلح او تكون السيارة نفسها او متحسنة شوي او حسب كلام بعض الناس انه القير يطلع الي في بطنة وعيوبه كلها وقد تصل الى التخبيط لاكن انا اشوفه املك الوحيد بعد الله سبحانه غيره مع الفلتر ولاكن اهم شيء الزيت بنوع دكسرون 6 DEXRON VI مهم جداً الزيت جبار جداً وقد ينعش القير حقك بعد الله بالتوفيق لك

[الشواوي]

ابشرك غيرت الزيت والفلتر واخذت الزيت الي قلت عليه لكن هل يبين الخلل في القير مباشرة او بعد مدة

[1824]

ابشرك غيرت الزيت والفلتر واخذت الزيت الي قلت عليه لكن هل يبين الخلل في القير مباشرة او بعد مدة

الله يبشرك بالخير ان شاء الله انه مافيه خلل لا تضغط عليه فتره 500 كيلو وشوف بعدها المشكلة مستمرة ام لا وان شاء الله خير بالتوفيق لك