استفسار بخصوص مكائن الكهرباء

[ABO MOHAMED ALTMEME]

السلام عليكم

مساكم الله بالخير اخواني الافاضل

لدي استفسار بخصوص مكائن الكهرب وعن افضل ما تنصحوني به

علما بإني ابحث عن قوة 15الى 20 كيلوا

يتوفر في السوق انواع عديدة منها الردئ ومنها الممتاز

علما ان كل محل يمدح سلعته وفي الاخير تتعبك الاعطال والخرابات المستمرة والمكلفة

فارجوا ممن جرب وله خبرة او يعرف اماكن لبيع مكائن ممتازة لك ولزمن ( وبسعر جيد )
ان يفيدنا سلمكم الله

وشكرا لكم

[تاهو2007]

حسب معلوماتي الأفضل ماكينه دوتس الألمانيه تبريد هواء وليس ماء .. ولكن اهم شيء ركز على الوكيل وتوفر قطع المكينه وأسعار القطع والصيانه

بالنسبة لي .. دويتس الألمانيه - لينستر الأنجليزيه - باركينز الأنجليزيه

طبعا كلها ديزل ... واذا تبي بنزين عليك بالهوندا

أتمنى أكون افدتك

[هارون97]

خابر لك مكينة شبة جديدة اشتغلت فترة بسيطة جدا صاحبي هو من اول من صب زيته الان جاهم كهرب

[ABO MOHAMED ALTMEME]

حسب معلوماتي الأفضل ماكينه دوتس الألمانيه تبريد هواء وليس ماء .. ولكن اهم شيء ركز على الوكيل وتوفر قطع المكينه وأسعار القطع والصيانه

بالنسبة لي .. دويتس الألمانيه - لينستر الأنجليزيه - باركينز الأنجليزيه

طبعا كلها ديزل ... واذا تبي بنزين عليك بالهوندا

أتمنى أكون افدتك


تسلم اخوي تاهو

لاكن وكيل دويتس وباركينز وين احصلهم

شكرا لك

[الصيرمي]

عندك مكينة ( دينيو ) طيبه من واقع تجربه وكيلها الحمراني
18 كيلو تجي مكينة ينمار سعرها 33500
25 كيلو تجي مكينة كوبوتا 43500
طبعا كلها ياباني وكاتمة صوت وديزل وطيبة بالحيل شف اهل غرف السحب كلها دينيو

[ABO MOHAMED ALTMEME]

عندك مكينة ( دينيو ) طيبه من واقع تجربه وكيلها الحمراني
18 كيلو تجي مكينة ينمار سعرها 33500
25 كيلو تجي مكينة كوبوتا 43500
طبعا كلها ياباني وكاتمة صوت وديزل وطيبة بالحيل شف اهل غرف السحب كلها دينيو

بيض الله وجهك اخوي الصيرمي

لاكن اسعارهن غالية
حصلت مكينة لستر انجليزية 20 ب23 الف ريال وصاحب المحل يشرط انها انجليزية

لاكن قال شخص اخر ان اسعار مكاين لستر تصل الى 40 الف ريال
والي غير هذا السعر يقول ليست انجليزية اصلية في الحقيقة ما ادري من الي معه العلم الاكيد

[الصيرمي]

كلا يمدح سلعته يابو محمد وانا احترت قبلك و اخر شي صملت على الياباني نصحني فيها مهندس مكاين وشفتها مع اهل الغرف يكرفونها وشغالة

[ابووائل 811]

شف أبومحمد اهم شي وش تبي تشغله عليه اذا هي مكيفات وسخانات من ناحيتي البركينز من شركة كتربلر هي افضل شي قطع غيار رخيصه وتوزيع الكهرب خاصتن اذا صار فيها كمبيوتر سهل وسلامتك

[تركي1127]

ياشباب احد يعرف لي مهندس للمكاين الكهرباء

او مكانيكي جيد ولا هو حرامي
يرسل لي ع الخاص

[تاهو2007]

اخوي أبو محمد ..

اذا المكينه اللي 20 ك لينستر انجليزيه ..خذها وانت مغمض ... نصيحه لاتآخذ المستعمل الا من ثقه

فيه آليات الصحراء ممتازين بس مدري تلاقي عندهم والا لا ؟ هالوقت عليها طلب المكاين خصوصا المقاسات اللي ذكرت

وفعلا قد تصل الي 40 او اكثر بعد حسب الجوده وكم كيلو تشغل

لاتآخذ اكثر من حاجات واحسب كم بتشغل عليها من كشاف - لمبه - مكيف الخ

الأهم اذا شريت جديد لازم يكون عليها ضمان اقل شيء سنه او عدد ساعات تتفق مع البائع عليه

وفقك الله