تقطيع الفورد

[رايد 1111111]

السلام عليكم ورحمة الله وبركاتة الفورد وش أسباب التقطيع فية رحت لكهربائي قال عندك كويلات وغير كويل واحد من عندة يعني الكويل مستعمل المهم خف التقطيع الشديد وبعد أيام رجع التقطيع مرة ثانية نفس أول والله غثني الفورد بذا التقطيع والورشات اللي يقولي كويلات واللي يقولي لازم فحص كمبيوتر واللي يقولي تنظيف بخاخات واللي يقولي تغيير بواجي وكلن يدلي بدلوة وكلن يتطبب على الموتر ويشخص على مزاجة المشكلة ماديتي مطفر ومحتاج أصلحة بأقل تكلفة ويكون التقطيع من خراب معين ماهوب كل واحد يتخرص اللي يعرف في تقطيع الفورد وسبب التقطيع والحل يرد علي والله محتار من ذالورشات ونصبهم وكذبهم ولايخفى عليكم وشكراً لكم الردود أنتظرها الآن

[الحربي 591]

اخوي ابغاك تمسك خط
و خلك ثابت السرعه على 40
وادعس لاخر شي لين ما توصل فوق ال110 شوف يطلع صوت طقطقه ولالا

[رايد 1111111]

اخوي ابغاك تمسك خط
و خلك ثابت السرعه على 40
وادعس لاخر شي لين ما توصل فوق ال110 شوف يطلع صوت طقطقه ولالا
طيب أخوي هل لهذا علاقة باالتقطيع أنا أبسوي اللي قلت علية

[رايد 1111111]

أنا أعرف أن أسباب التقطيع كثيرة منها صفاية البنزين,البواجي,الكويلات,البخاخات يبغالها تنظيف,ربما حساس قربة الهواء, ولكن إصلاح كل هاذة القطع مكلف علي أن أبغى سبب التقطيع الأكيد والأقرب عشان ماديتي للإصلاح لاتسمح

[رايد 1111111]

هو الخراب من أثنين ياكويلات يابواجي الكويل نادراً يخرب أما البواجي تتلف بسرعة ويملأها الكربون بسرعة أنا عشان ماديتي لاتسمح هل أغير بواجي وأتوكل على الله لأن الكويلات غالية وماهوب كل تقطيع من الكويلات

[الحربي 591]

اخوي انت جرب اللي قلته لك
ان طلع صوت طقطقه راح نحدد مشكله وهي البلف مقفل او واحد من التكايات مكسور
وهذا يسبب تفتفه شديده ..
اما بالنسبه للكويلات
صحيح نادر تخرب
لكن المشكله مو هنا المشكله ان خرب تفتفه خفيفه نوب تجي ونوب تروح او تجلس على طول لكن ما ياثر في العزم
و المكينه فقط اهتزاز

[1824]

وضح مشكلتك اكثر والحل يكون عندك ان شاء الله

[craino]

اسباب التقطيع كثيره مثل ما قلت
اذا انت من جده ارسلي رقمك نتواصل وافحص لك السياره بجهاز الشركه وبحول الله نوصل للخراب بالضبط
ما عندي ورشه والفحص مجاني مئه في المئه
وحياك الله

[رايد 1111111]

اسباب التقطيع كثيره مثل ما قلت
اذا انت من جده ارسلي رقمك نتواصل وافحص لك السياره بجهاز الشركه وبحول الله نوصل للخراب بالضبط
ما عندي ورشه والفحص مجاني مئه في المئه
وحياك الله

أنت وين وأنا وين ياكارينو أنا بعيد أنا فحصت كمبيوتر وطلع الخرابات البخاخ الخامس والكويل الخامس والبواجي غيرت البخاخ والكويل ولازالت المشكلة ماغيرت البواجي هل للبواجي سبب أكيد في التفتفة والتقطيع

[الحربي 591]

اخوي انا متاكد 70 % لو غيرته ماراح يصير شي
نفس مشكلتي طبق الاصل لكن انت غيره و رد عشان نتاكد
غير الخامس فقط واذا فكيته حاول تنزل صوره له لان اظن راح تلقى على الراس حق البوجي كربون وزيت متراكم

[1824]

أنت وين وأنا وين ياكارينو أنا بعيد أنا فحصت كمبيوتر وطلع الخرابات البخاخ الخامس والكويل الخامس والبواجي غيرت البخاخ والكويل ولازالت المشكلة ماغيرت البواجي هل للبواجي سبب أكيد في التفتفة والتقطيع

سميي رايد انا كتبت رد لك كامل وشافي ولاكن للاسف ما نزل في الموقع مدري ليه ولاكن ابكتبه لك مرة ثانية وان شاء الله الحل فيه

يالبى اذا الكمبيوتر طلعلك ان الكويل والبخاخ فيهم عطم في نفس السلندر مثل ما كتبت انت الخامس معناته ان العطل مكيانيكي وليس كهربائي يعني البخاخ والكويل ليس فيهم مشكلة عادتاً هنا الكمبيوتر يقصد ان العطل في ذلك السلندر الي فحصلك اساء قراءة البيانات الي طلعت له اما عندك بلف مقفل او معلق مثل ما قال خوينا وهذا احتمال كبير او ان ضغط السلندر منخفض ويحتاج تبديل شنبر او خرط سلندرات لان السيارة نادراً ما يخرب فيها كويل وبخاخ في نفس السلندر ونفس الوقت صعبة جداً وعلى طاري البواجي الكمبيوتر ما يقدر يقرأ حالة البواجي انها تحتاج تغير ام لا الي فحصلك كذاب اذا ماطلع البواجي وشافها بنفسه هذا كذاب واصلآ باين انه خرطي من خلاك تغير الكويل والبخاخ والحين يبيك تغير بواجي بعد وكلها على الفاضي اذا تبي تقلل التكلفة على نفسك وطلع في شغل ميكانيكي صعب البواجي لمن يطلعهم عشان يفك السلندر نظفهم ببخاخ اسي ديلكو ابو 10 ريال وانتهت السالفة ترجع جديدة بس اهم شيء لا تلمس راس البوجي او تلعب او انك تتطر تغيره بالتوفيق لك

[alotaiby05]

السلام عليكم
هل فعلن البلف ممكن يسكر انا دخت وانا ادور على سبب تقطيع سيارتي ولاكن بدون فايده
اخر شي تركتها قلت بمشي عليها لين توقف او يفتح الله واعرف وش المشكله مع الوقت
لاكن لما قال اخوي الحربي 591 ان البلف مسكر تذكرت لما فحصت كمبيوتر طلع السلندر الخامس لونه اصفر وباقي المكينه سلندراتها كويسه قالي الفني يمكن البلف مسكر لازم نفك المكينه !!!!!
ارجو الافاده اذا البلف مسكر كيف الطريقه