عزم السيارة !

[mohammed_i9]

السلام عليكم ورحمة الله وبركاته


أخواني قبل فترة من الشهور كان عزم سيارتي قوي ومعجبني ، لكن صار اضعف من قبل ولاحضت هالشيء ويفرق عن قبل بشكل كبير

سيارتي هايلكس مديل 2011 قير عادي ماشية 275 الف

سويت لها تصفيه مكينة وغيرت التالي :

فلتر هواء مكينة ، بواجي ، تنظيف الثروتل + البخاخات ب بخاخ اسيدلكو ، و وضعت منظف البنزين

واحس مافرقت معي بشيء هيا هيا ، غير القطعه عند تقويم السياره اختفت ، وعزمها ممتاز صراحه بس ماهو مثل قبل كان اقوى :(

ما الحل ؟

+ هل تنظيف الثلاجة يفرق بالعزم ؟ (لأن ماقربت لها من شريت السياره)
وهل تغيير الكويلات يفرق بالعزم ؟

وهل هناك اشياء تنظف او تغير لتقوية وتجديد العزم ؟

[1824]

عمر المحرك قدم وتنزل القدرة الحصانية مع الزمن بشيء بسيط حتى يتعطل المحرك نهائية انت الي تقدر عليه وخلاص بافي بس حساس الهواء نظفة واذا ما تغير شيء خلاص هذا حق المكينة حالياً او الكلتش حقك قاعد يضعف بالتوفيق لك

[4200]

افحص الدزق والفحمه والكلتش يسبب ضعف عزم

[mohammed_i9]

عمر المحرك قدم وتنزل القدرة الحصانية مع الزمن بشيء بسيط حتى يتعطل المحرك نهائية انت الي تقدر عليه وخلاص بافي بس حساس الهواء نظفة واذا ما تغير شيء خلاص هذا حق المكينة حالياً او الكلتش حقك قاعد يضعف بالتوفيق لك

الكلتش جديد رياضي كمان

[mohammed_i9]

افحص الدزق والفحمه والكلتش يسبب ضعف عزم

شوف انا غيرت الكلتش بكلتش رياضي ، بس الفحمة حقة الكلتش خليتها ماغيرتها نفس حقت الوكاله

[متقاعد مبكر]

وزنية سير التيمن لها دور كبير مع مرور الوقت يتمدد وتخرب الوزنيه

[mohammed_i9]

وزنية سير التيمن لها دور كبير مع مرور الوقت يتمدد وتخرب الوزنيه

معليش اخوي وشهو سير التيمن ، واين اوزنه ، مكاني الرياض جنوبها ، وكم التكلفه التقريبيه ب ضنك

[mohammed_i9]

ويا اخوان عزم السيارة زي 2014 و 13 و 12

بس قبل كانت اقوى من كذا بشكل ملحوظ جدا ، فما السبب

[SGL]

ممكن إنت مغير مقاس الكفرات إلى مقاس أكبر
وممكن يكون كلتش المروحة مجيم ( مصلب )
وممكن يكون الشكمان فيه سدد في أحد الدبات ﻻكن يكون معها إرتفاع حرارة إذا منسده
وممكن يكون طرمبة البنزين ضعيفه

[4200]

ممكن إنت مغير مقاس الكفرات إلى مقاس أكبر
وممكن يكون كلتش المروحة مجيم ( مصلب )
وممكن يكون الشكمان فيه سدد في أحد الدبات ﻻكن يكون معها إرتفاع حرارة إذا منسده
وممكن يكون طرمبة البنزين ضعيفه

:good::good::good: ماشاء الله عليك

[Taiif SS]

قبل ماتغير وتخسر نفسك افضل شي حتى تعرف عزمه روح خط فاضي << مالي صلاح لو صار لك شي لاسمح الله هههه

وصور تسارعه من 0 الين 100 وشوف في كم ثانيه يوصلها

انا شفت مقاطع في اليوتوب هايلوكس 2012 غمارتن قير عادي يوصلها تقريبا 10 او 11 ثانيه

بعدين انت ماشاءالله كارف السياره 2011 ماشي 275 احسها كثير

--
ملاحظه انا قريت قبل فتره التسارع من 0 يضر المكينه اذا كثر تسوي تسارع لها

[almo3jl]

شيك على الكلتش اتوقع والله اعلم منه

اذا قومت الموتر بواحد مع بانزين خفيف الي يحركها مو تدعس لها تجيك اول مايمشي رجه هذا كلتش او مرات تلاحظ دغره بالغير بواحد او ثنين يعني مرات تكون ماشي وحصلت مطب وهديت جيب تبدل الغيار لواحد او ثنين وماقبل وبس تدبله ثاني مره يعشق. والموتر مايجيب طبلونه

هذي كلها اسباب ضعف الكلتش والضعف يكون بالصحن متآكل والفحمات تسبب صوت بالقير

وبالاخير شكلك ماشي على زيت القير بدون تغيير اذا كنت تمشي غالبا ١٦٠ وأكثر تغير الزيت كل ٥٠ الف كيلو واذا انزل يعني ماتسرع فوق ١٦٠ كل ٦٠الى ٨٠الف

[ابوراكان تبوك]

275 الف وموديل السياره قريب ماشاء الله

معروف المواتر لاصار الكلتش جديد والمكينه مسوي لها تصفيه كامله عزم يطرررررب

ومع الوقت يضعف الكلتش

ماهو شرط ان الكلتش رياضي لكن كم مشى عليه الموتر
احيانا في تغريزه وحده يضعف الكلتش او من طريقة الاستخدام

اكثر من موتر مطلعه على يدي وكاله وبعد 50الف كيلو الاحظ ان العزم تغير قليلا بسبب الكلتش لانه قطعه استهلاكيه وهو اصلا كل دعم العزم عليه