المساعد الشخصي الرقمي

مشاهدة النسخة كاملة : ارجوا الحل باسرع وقت للددسن


AL-H-A-R-B-I
27/10/2014, 11:08 PM
اسعد الله اوقاتكم بكل خير...
اخوي عنده ددسن 2005 بخاخ وفيها مشكلتين.

الاولى في القير اللي هي الخامس اذا عشقته
ما يفك الا اذا وقفت واطفي السيارة و بعض
الاحيان يفك من دون ما اطفيها.
والمشكله الثانيه اذا شغلتها الصباح او اذا كانت
السيارة بارده يالله تشتغل
تصير تقطع واذا دعست عليها بنزين تطفي
وماتشتغل تدق بس ماتشتغل واذا اخذت وقت
تشتغل او تشتغل بس فيها تقطيع ادبلها بنزين
وتصفي نظفت بخاخات ما ضبطت وشيكت على
طرمبه البزين شغاله .
ياليت اللي عنده حل يفيدنا والله يجزاك خير الجزاء.
نفود حلوان
27/10/2014, 11:56 PM
نضف فلتر الهوا
القير المشكلة بالترس الخامس
1824
28/10/2014, 02:48 AM
غير بواجي وفلتر هواء ونظف حساس الهواء والثروتل بدي بالتوفيق لك
م ح م د 17
28/10/2014, 03:51 AM
كانت عندي نفس المشكلة دامت لأسبوع وانحلت لحالها
كنت اشغلها وهي بارده تشتغل طبيعي 100%
اذا شغلتها وهي حاميه تطول .. تشتغل وتطفي
ددسن سوبر
mechanistic
28/10/2014, 04:32 PM
غير بواجي وفلتر هواء ونظف حساس الهواء والثروتل بدي بالتوفيق لك

والقير تاكد من اصلاح العصا
صاروخ الغطغط
28/10/2014, 05:07 PM
نظف صفاية البنزين
AL-H-A-R-B-I
28/10/2014, 05:57 PM
اشكركم على التفاعل
وانا غيرت الصفايه والبواجي مغيرها لها فتره وراح اتأكد من الفلتر والحساس
والقير قصدك الاصلاح اللي فوقة واللي تحت كلها مافيها تهريب واتوقع زين لان الاصلاح اذا فيه مشكله كل النمر ماتعشق
الاشهب 507
28/10/2014, 06:28 PM
أنا عندي افرطة
العصى توسعة الورة
إلى تمسكه وصلحته
كلفتني 25 ريال
لن انان إلى مغيره في البيت
وكنت اعني من نفس مشكلة
وانحلت بعد تغيير الروده إلى تمسك
عصئ القير ولا تخاف ترى
متحتاج تفك القير بس الديكور
إلى من حول العصى في الغماره
وتغير الورده وبس افحص يمكن
عندك يختلف فك االديكور وتأكد
بنفسك ارفع الجلده وتلقى جلده
سودى تمسك 4 مسامير من الزوايا
او عندك يمكن يختلف لين سيارتي غير
لكن فك وتاكد بنفسك من ان العصى في مكانها صح
بعض المرات تحتاج تفك مسكت القر
إلى في راس العصى وتضرب عليه
خفيف بشاكوش او زراديه خفيف بس
علشان تصقط مكانه صح
الأشهب 507
AL-H-A-R-B-I
28/10/2014, 11:29 PM
الله يجزاكم خير اخوي الاشهب
انا فكيت الربل وحصلت تيله او ورده متحركه عن مكانها مرتفعه فوق
ورجعتها مكانها بس ماضبط وهذي صوره لها
http://www.mekshat.com/pix/upload05/images253/mk234507_image.jpg
mechanistic
29/10/2014, 11:08 AM
اشترى لك اصلاح عصا وطلع العصا برى بتحصل قطعة بيضاء غيرها فقط
AL-H-A-R-B-I
30/10/2014, 10:44 AM
اشكركم الجميع على التفاعل
واسأل الله ان يحرم وجيهكم عن النار ويرزقكم من واسع رزقه
-حرب الشمالي-
30/10/2014, 10:52 AM
مرحبا

مشكلة الاولى : حاول تدبل كلتش وشوف يفصل معك ولا لا اذا فصل معناتة مشكلتك في الكلتش .
المشكلة الثانية : نظف فلتر البنزيم او غيرة.

والله يوفقك