ثقل في الجيب....؟؟؟

[برق الدماس]

السلام عليكم ورحمة الله وبركاته
اخواني لا هنتم .عندي مشكلة بالجيب 97. القير تماتيك بخاخ..الا وهي احياناً تشتغل. لمبة التشييك ويصير ثقل بالجيب ولا يقبل الدعس .واذا طفيت الموتر تروح ثم اذا شغلت ودعست بقوة ترجع وتظل حتى اطفي الموتر ان اشتغلت ثقل. وان طفت خف علماً ان الجيب نظيف والمكانيكية والكهربائية ما عرفوا له الي يقول منظم بخاخ والي يقول حساس.
فزعتكم لا هنتم. اقلقني خصوصاً اببيع الجيب ولا ودي يلحق ذمتي شي..ولكم تحياتي جميعاً.

[1824]

افحص كمبيوتر وجيب الاكواد وان شاء الله سهالات بالتوفيق لك

[برق الدماس]

اكثرهم يا غالي يقولون موديل الجيب قديم ما ينفع..ومرة فحصت عند محل افحص ..قال هذا حساس اسمه حساس الضرب ..ما فهمته وحسيت يخمن .

[ساري 111]

شيك على خرطوش الهواء اللي بين الفلتر والثلاجه اتوقع تبي تلقى فيه شق اوتنسيم

فكه من السياره وشيك عليه

[1824]

يقصد حساس الصرقعة يمكن تأكد نحتاج الاكواد عشان نتاكد بالذبط وان شاء الله خير

[بوفارس الجهني]

يالغالي انا عند جيب نفس الموديل وقير اتماتك وهذي الله العالم ان ماخاب ضني حساس حق الدعسه يجي تحت البخاخات تولع منه لمبة المكينه والسياره تثقل بالقومه لاكن ان عدى 80تحس السياره عزمها ازين شيك عليه ان شاءالله تحصل المشكله

[العنابي 616]

يقصد حساس الصرقعه

و الجيب القديم ينفحص و اللي قال لك ما ينفحص هذا ما عنده الجهاز اللي يناسب الجيب
عموما فحص الكمبيوتر أفضل شي بالنسبة لك

[ابوراكان تبوك]

يقصد حساس الصرقعه

و الجيب القديم ينفحص و اللي قال لك ما ينفحص هذا ما عنده الجهاز اللي يناسب الجيب
عموما فحص الكمبيوتر أفضل شي بالنسبة لك

صحيح

وموقع الحساس حوالين السيفون لكن تأكد من خرابه بفحص الكمبيوتر

[بوفارس الجهني]

الجيب 97مافيه فحص للكهرب فقط للمكينه لأنه لفيت على جميع فحص الكومبيوتر بالورش وقالولي مافيه اذا عندكم معلومه افيدونا وين يجي فحص الكهرب والحساسات واسفين ياصاحب الأعلان على هالمداخله

[ابوراكان تبوك]

الجيب 97مافيه فحص للكهرب فقط للمكينه لأنه لفيت على جميع فحص الكومبيوتر بالورش وقالولي مافيه اذا عندكم معلومه افيدونا وين يجي فحص الكهرب والحساسات واسفين ياصاحب الأعلان على هالمداخله

طالما فيه لمبة تشييك فأكيد فيه مشبك لفحص الكمبيوتر

موقع الفيش ابحث عنه تحت الدركسون شكله تقريبا مثل هذه الصورة
http://t1.gstatic.com/images?q=tbn:ANd9GcQtp4YG2_vAuKUB3z32s2tM_DrKATAas 95kkxFN2OdCRyRQPdh_CQ

http://i367.photobucket.com/albums/oo112/Arabian_2008/ScanGage%20II/IMG_0441.jpg

[نفود حلوان]

اقرب ماله مسكلته في يحب الهوا او حساس

[بوفارس الجهني]

جزاك الله خير يابو راكان ورحم الله والديك بشيك اليوم ان شاءالله ابتعبك معاي ياريت تشوف المشكله اللي عندي بالجيب نزلت موضوع عنه وتعطيني رأيك ومشورتك مشاكل بالدبل الخفيف معلق وهل لمبة الدبل الثقيل والخفيف واحد ولا تختلف والأي بي اس ماتشتغل لمبته وكشفت على الحساسات بالكفر حصلتها معدومه والدفلك ولمبة الدبل الثقيل تشتغل بعد محاولات مع انه الدبل الثقيل شغال مافيه مشاكل المعذره على الأطاله وسامحني ياراعي الأعلان كثرت اسئله بموضوعك

[برق الدماس]

الله يحفظكم اخواني وجزاكم الله عني خيراً ولا هنتم كلاً باسمه..ونعم.
الخرطوش الي يجي من الثلاجة للفلتر (القربة) حصلته فيه قطع .وطلبت واحد .وان شاء الله يطلع هو وارتاح من هالمشكلة ..وابتواصل معكم بالنتيجه إن شاء الله...

[العنابي 616]

إن شاء الله تنحل مشكلتك

موقع الفيش حق الكمبيوتر ان ما خاب ظني فهو في الكبوت من عند جهة الراكب

[-حرب الشمالي-]

مرحبا
مشكلتك بسيطة ان شاء الله

مافيه شئ اسمة جربكس (قير) تماتيك بخاخ

انت تقصد انه مايبدل الجربوكس (القير) يوم تقول السيارة ثقيلة؟؟

ومتى اخر مره غيرة فلتر الجربوكس ؟؟

[برق الدماس]

السلام عليكم ورحمة الله وبركاته
غيرت الخرطوش جديد وكالة ضبط الاشتغال لكن لمبة التشييك والثقل لا زالت .
تحس الجيب مكتوم ما يقبل الدعس .

اما فيش الفحص معروف مكانه .

[برق الدماس]

يقصد حساس الصرقعة يمكن تأكد نحتاج الاكواد عشان نتاكد بالذبط وان شاء الله خير

ما عرفت الاكواد وش تقصد بها يا غالي . ولك شكري.

[عاشق الهدد051]

بعد اذن اخوي ١٨٢٤
اذا فحصت كمبيوتر يطلع لك حرف انقليزي
و جنبه اربع ارقام هذا هو الكود و
اتوقع انه من حساسات الصرقعة
انت افحص الموتر و عطنا الاكواد
و ما يصير الا الخير