يامن لكم بالنت بصمات وختوم=خلوا لغيزٍي حق ضبفٍ يجي له.....الحل:داخل اللغز....حله:مسير

[ابو ماجد 2]

بسم الله الرحمن الرحيم

السلام عليكم ورحمة الله وبركاته

احد المستجدين على النت يلومني يقول جيبوا لنا خفيفات
ومعه حق فالمستجد وكلنا نبدا بالتدريج لغاية مانتفهم اللعبة


يامستجد النت لاتكثر اللوم=مالي ترى في رايد النت حيله
اوقد لكم لغز على الخف ماسوم=لكن يجي هامور يطفي فتيله
يامن لكم بالنت بصمات وختوم=خلوا لغيزٍي حق ضبفٍ يجي له
لامقصدي حقران لكن هي اسلوم=المستجد تطربه غطوه سهيله
بس بالممارس يصبح الغطو مفهوم= من بعدها يصبح حمول الثقيله
اللغز سيفٍ ماجهل علية القوم=سيفٍ وصوفه قل تلقى مثيله
كل سيف عقب الحرب تطلع به اثلوم=بس سيفنا طالع ثقوبه مهيله


مع تحيات ابو ماجد

منتديات مكشات . خيمة الالغاز

[صقر السديرات]

صح لسانك فارسنا ابو ماجد
انا من المستجدين اللي بتلوا مستجدين
سيف البرق
دمت بخير

[ابو ما بغى]

صح لسانك يافارس الالغاز
الليف
موفق

[ابو ماجد 2]

صح لسانك فارسنا ابو ماجد
انا من المستجدين اللي بتلوا مستجدين
سيف البرق
دمت بخير

صح بدنك يالغالي
انت ماشاء الله متجدد
الله يمتعك بالصحة والعافيه
مالك لوى يالغالي

[ابو ماجد 2]

صح لسانك يافارس الالغاز
الليف
موفق

هلا ومليون هلا
هلا بالقادم بقوه
رمعتك للغزين توحي بانك رماع متمكن
لكن مهما كان كل شخص ياخذ له وقت ثم يندمج اكثر فأكثر
حتى اللي لهم باع هنا متى ماانقطعوا وعادوا يبغالهم وقت ليدخلو الاجواء من جديد
مالك لوى يالغالي
وانتظر مرماعك القادم

[مسيرs]

يسعد مساك ياامام
سيف الله المسلول رضي الله عنه وقولته المشهوره

[أبوعبدالرحمن99]

صح لسانك يا ابو ماجد و يستاهلون الضيوف ،،،، و بحكم اني اذبح اللغز م̷ـــِْن اول رمعة ،، فاترك المجال للمستجدين ،،،
جاري التفكير ،،،
و سلامتكم ،،،

[عليق بري]

صح لسانك ايها الزعيم الياقوتي ..

الحين هدا سهل ! آه منك يا غدار يا متوحش :)

[ابو ماجد 2]

يسعد مساك ياامام
سيف الله المسلول رضي الله عنه وقولته المشهوره

هههههههههههههههههه
يابو معاذ انت من اللي لك بصمات وختوم
الله يزيدك من فضله
كفوووووووووووووووووووووووووو كفووووووووووووووووووووووووووووو كفوووووووووووووو
نعم
هو
سيف الله المسلول
خالد بن الوليد
ومقولته الشهيره ومنها

وما في بدني موضع شبر إلا وفيه ضربة (بسيف) او طعنة (برمح) او رمية (بسهم) , وها أنا أموت على فراشي , فلا نامت أعين الجبناء

[ابو ماجد 2]

صح لسانك يا ابو ماجد و يستاهلون الضيوف ،،،، و بحكم اني اذبح اللغز م̷ـــِْن اول رمعة ،، فاترك المجال للمستجدين ،،،
جاري التفكير ،،،
و سلامتكم ،،،

صح بدنك يابو عبدالرحمن
مرورك وتشريفك يالغالي يكحل اللغز ويرفع اسهمه ولولم ترمعه

[ابو اسامه 2]

وعليكم السلام

صح لسانك يا ابو ماجد

احسن تعليق تعليق عليق بري هههههههه

تحياتي لك

[ابو ماجد 2]

صح لسانك ايها الزعيم الياقوتي ..

الحين هدا سهل ! آه منك يا غدار يا متوحش :)

صح بدنك
ياخوي صار لي بالالغاز يمكن عشرين سنة ولي هنا اكثر من الفين لغز
لكن حكاية سهل وصعب عجزت آصل بضبطها والتحكم فيها الى نسبة ولو عشرين بالميه

[ابو ماجد 2]

وعليكم السلام

صح لسانك يا ابو ماجد

احسن تعليق تعليق عليق بري هههههههه

تحياتي لك



ههههههههههههههه
صح بدنك
يعني متفقين على اني متوحش
آآآآآآآه بس لو تشوفنن لتدركون اني بمنتهى الوداعه

[مسيرs]

صح بدنك
ياخوي صار لي بالالغاز يمكن عشرين سنة ولي هنا اكثر من الفين لغز
لكن حكاية سهل وصعب عجزت آصل بضبطها والتحكم فيها الى نسبة ولو عشرين بالميه


صدقت ياامام خلاصة خبير ومجرب
الذي يحكم على اللغز الرامع ليس الصانع

[ابو ماجد 2]

صدقت ياامام خلاصة خبير ومجرب
الذي يحكم على اللغز الرامع ليس الصانع

صدقت وحتى الرامع قد يراه هذا سهلا وقد يراه آخر بمنتهى الصعوبه حتى ولو كانوا بمستوى متقارب من حيث تفكيك الغطو

[ذيب الفقارة]

كفووووووووووو كفوووووووووو كفوووووووووو

أخي الغالي

أبو معاذ

الحل هو كما ذكرت :

سيف الله المسلول خالد بن الوليد

وصح لسانك ملايين فارسنا

أبو ماجد

تحياتي

[حمد؟؟]

صح لسانك يازعيم
ابيض وجه دايم
ماشاء الله
انا اشوف انك اكثر واحد يحرص على انتقاء الكلمه
ماشاء الله عليك .انتهى
لاكن ضبف هذا اللي مدري وش تبي
هههههههههههههههههههههههههه