المساعد الشخصي الرقمي

مشاهدة النسخة كاملة : يا اخون ابي اصطب يوكن خلفي 2012


قرقاص مع شاهي
28/10/2014, 10:54 PM
السلام عليكم ورحمة الله...
جتني دقشة خفية ورا الركن الايسر الخلفي وانكسر الاصطب ومحتاج اغيره هل آخذ من الوكالة ولا بيكون غالي واللي عنده راي طيب لايصر تكفون الله لايهينكم
واهم شي ما ابي التجاري اللي يفرق في اللون الموتر اخو الجديد وما مشا الا 30 الف او اقل
ابوعزام
28/10/2014, 11:13 PM
الحمد لله على السلامة اولا
انا سبق ان اخذت شمعة امامية من محلات متخصصة بالاصطبات والشمعات بالصناعية القديمة بالرياض .
ووصف المحلات اذا بغيته ...
مع شارع الامير سلمان جاي من الشرق بعد النفق مع اول اشارة يسار تعد شارع الجمعية وبعده مع اول شارع كبير رح يمين بعد مسافة يجيك تقاطع عدّه تجيط المحلات يسار على طول .
قرقاص مع شاهي
29/10/2014, 02:51 PM
مشكور اخوي ابوعزام الله يعافيك...
بس وش رايك في الاصطب ماتغير لونه ولا فرق معك عن الاصلي وكم سعره عندهم وفي الوكالة لاهنت
الحربي 591
29/10/2014, 04:36 PM
اخوي اذا ما تبي تتعب
اشتر اصلي وانساه
ريان2002
29/10/2014, 04:48 PM
ممكن تشتريه من قطع الغيار مو شرط الوكاله
وإذا شفت إن سعره غالي أطلب حق موديل ٢٠٠٧ وأكيد بيكون أرخص وأتوقع من ٢٠٠٧ إلى ٢٠١٤ نفس الأسطب
الشواوي
29/10/2014, 06:37 PM
اخذه من التشليح
ابوعزام
29/10/2014, 08:36 PM
اللي عندهم اصلي ...
لان شغلهم مثل التشليح بس متخصصين بالشمعات والاصطبات فقط .
قرقاص مع شاهي
30/10/2014, 12:09 PM
الله يبيض وجيهكم ومشكورين على التجاوب...
وياليت اذا احد يعرف ورشة في الرياض سمكره يصفطها لي واكون ممنون لكم جميعاوابعد الله عنكم كل مكروه