طقة ( نتعه , خبطه ) في السيارة

[القناص الشامي]

السلام عليكم

شباب سيارتي كيا سورينتو 2008 دبل عندي طقة ( نتعه ) أول ما أوقف السيارة و أول ماتمشي .. حتى وانا ماشي إذا هديت بقوة تطلع النتعه ... خايف تكون من القير

افيدونا الله يعطيكم العافية ايش الحل ؟؟؟؟

[A7MAD-STYLE]

نصيحتي

اولا ابدأ بتغيير زيت القير والفلتر ان كان فلترها يتغير وان كان الفلتر من النوع اللي ما يتغير الا عند التوضيب فغير الزيت الأصلي فقط بحسب النوع المذكور في كتلوج السيارة ، اذا ما حصلته في الوكاله بتحصل البديل نفس النوع سواء في وكالة هونداي أو مستوبيشي

اذا ما راحت المشكلة

افحص كمبيوتر عند ورشة متخصصة بالقيرات أو الوكالة وليس عند اي ورشة فحص
وجرب خله يسوي ريسيت لبرمجة القير او البدي فالف ( منظم أو مخ القير )

يمكن بعد الفحص يطلع مشكلة كهرباء وفيه احد الحساسات خربان أو البدي فالف ( منظم أو مخ القير )

والأفضل تمر أكثر من ورشة للقيرات وتشوف أغلبهم يجمعون على ايش بالضبط واستخير وتوكل على الله وصلح بعدها ، والأفضل تشترط على الورشة اذا ما نحلت المشكلة ما تحاسبهم اذا قدرت انت وشطارتك في التفاوض

[حسين2002]

وعليكم السلام
شيك على كراسي القير والمكينه

[القناص الشامي]

اليوم إن شاء الله اشيك عليها واعطيكم خبر ... ومشكورين على مشاركاتكم

[القناص الشامي]

الحمد لله طلعت المشكلة بسيطه ... شحمت عمود الدبل والصلبان وعمود الكردان ... والأمور ذهب ما شاء الله