رجه او هزه في كابرس 96 طقت راسي تكفون الحل

[عذب الخليج]

اسعد الله اوقاتكم بكل خير
الموضوع ياجماعه شريت كابرس صابونه 96 LTZ وانا من عشاق هالنوع من السيارات طبعا سويت له صيانه على جميع السوائل وغيرت بعض القطع الاستهلاكيه وكان فيه رجه او هزه من سرعة 30 الى سرعة 50 تقريبا او اكثر شوي المهم ياجماعه ركبت تقريبا 5 اعمدة دوران ما فيه فايده غيرت كرسي القير ما فيه فايده فكيت القير شكيت في العمود اللي في القير ان فيه مشكله برضه مافيه فايده شيكت على العكوس ممتازه ياجماعه المهندس اللي هي عنده يقول السياره هذي فيها جني :mad::eek: اخر شي خذيت كابرس زيه من عند واحد من الشباب وفكيت عمود الدوران وفكيت الكفرات وركبتها عندي ولا فيه فايده تكفون يارجال شوفو لي حل
وسلامتكم

[يالبى الهلا]

http://www.mekshat.com/vb/showthread.php?p=10287264
افحص البنيون يسبب رجة ممكن محلول. المسمار

[1824]

اذا شفتها كلها ومالقيت حل هذا سببها والله اعلم طنجرة القير حسب كلامك من وقت الرجة تسببها الطنجرة بعد 90 كذا تختفي اذا كذا والله اعلم يبيلك بس طنجرة قير وانتهت القضية والله اعلم بالتوفيق لك

[عذب الخليج]

مشكورين للي علق الموضوع واتمنى التفاعل من الخبرات تكفوووووون يارجال

[-حرب الشمالي-]

مرحبا
ااخوي خذ بالسيارة مشوار حق ثلث ساعة ووقف وشيك على الجنود ودور الحامي فيهن واذا
لقية فيهن جنط حامي اعتقد الرجه منه حاول تعرف ليش حمي يمكن رمان بلي او عكس

اعتقد مشكلتك عكس

[adil33]

اذا الرجه تشعر انها بسقف السيارة فراجع ورود عمود الكردان احتمال يحتاج وزن زين بزيادة وروداو نقصها
واذا الرجه من اي مكان غير سقف السيارة تاكد من الكفرات وما خلفها من هوبات وعكوس طبعا الخلفية
واذا الرجة في الدركسون فتاكد من عضلات السيارة الاماميه او تاكد من كراسي الماكينة وكلها مجرد عملية تشييك
موفق خير

[laurel_200L]

يمقن الكفر محبل !!

[عذب الخليج]

مشكورين جميعا

[عذب الخليج]

ولا زالت المشكله مستمره وانا وراها وراها والزمن طويل

[محب الشبه]

الله يسعدك 96 وش عاد ترتجي منها تطلبك الحل امزح معك الله يسهل امرك

[عذب الخليج]

مساء الخير الظاهر حصلت المشكله ابشركم وهي الان تحت الاصلاح وبطلعها بكره واتاكد واعطيكم العلم كي تعم الفائده انتظرو المفاجئه بكره

[ابو-محمد]

السلام عليكم ورحمة الله وبركاته

إن شاء الله تنحل مشكلتك

في انتظار المفاجأة

[متقاعد مبكر]

اذا ما لقيت حل حاول تفك الهوبات وتوديها المخرطه واذا صاحب المخرطه فاهم بيطلع لك الهوب الذي فيه المشكله وتغييره لانه احتمال وجود طعجه او التفاف بسيط قي احد الهوبات لن يتضح الا في المخرطه وبشرط تودبها لواحد فاهم تفبل مروري

[عذب الخليج]

وتبخرت كل الوعود من الميكانيكين في الورش ولا زالت المشكله قائمه مع الاسف

[سعيد الصبحي]

اتوقع الرجة بسبب الفلنجة اللي يركب عليها الدسك او الدرام مال البريك .. هكذا نسميها في عمان ما اعرف ايش تسموها عندكم فالسعودية .. بس هية اللي تمسك براغي الاطار .. او بيرنج واحد من الاطارات.. طريقة الفحص انك ترفع الاطار وتحاول تسحبه اذا حسيت انه يجي معك فهو البيرنج اما الفلنجة فالفحص بأنك تدور الاطار بيدك وتشوف حركته اذا فيها رجة.. يمكن بعد الرجة تجي من الأكسل مال الاطارات الخلفية والفحص يكون انك ترفع السيارة من الخلف وتخلي احد يسوقها وهية مرفوعة يعني يخليها في D ويدوس بترول خفيف جدًا وانته راقب التواير الاكسل العطلان تحصله يدور بصورة متقطعة .. إن شاء الله بتتوصل للمشكلة وبتحلها ببساطة

[عذب الخليج]

شكرا لكل من شارك في الموضوع وانا لم ايأس وانا وراها وراها والزمن طويل