رعشة او حرة فى الباترول

[بو حجل]

السلام عليكم

عندي مشكلة فى الباترول موديله 94 اذا وصلت سرعته من 100 الى 120 تقريبا يبداء يرعش وصوت حرة فى الخلف غيرت جنوط وغيرت كفرات مانفع ولا راحت الدبل حاط له فرارات

وش رايكم يالربع ابي اعرف وش علتة قبل لايحوسونه علي

[majed1111]

وعليكم السلام
هذي الرجه حاصله واغلبنا نشتكي منها في الباترول اذكر ا. في واحد من الشباب هنا قد تكلم عنها وقال انه عيب مصنعي ان ماخنتني الذاكراه ويقول في مخرطه في الصناعيه القديمه ضبطتها.

[SGL]

السلام عليكم

عندي مشكلة فى الباترول موديله 94 اذا وصلت سرعته من 100 الى 120 تقريبا يبداء يرعش وصوت حرة فى الخلف غيرت جنوط وغيرت كفرات مانفع ولا راحت الدبل حاط له فرارات

وش رايكم يالربع ابي اعرف وش علتة قبل لايحوسونه علي

وعليكم السلام ورحمة الله وبركاته
شوف المشكلة من عمود الدوران ممكن يكون صلبانه خربانه أو تحتاج تشحيم وتشحيم العمود ﻻكن قبل كل شي إنت رافع الموتر من الخلف بكعكات أو ياي أسترالي إذا إجابتك نعم فالسبب من الرفعه

[الوسم]

أول ما تبدأ بالتشحيم للصلبان اللي في العمود
وبعدين إذا ما نفع غيرها وإذا ما نفع فك العمود ورصصه عند المخرطه وإذا سويت كل هالأشياء ولا نفع
فك العمود والعرموطه وبعها على اللي يبيها بعيوبها وركب جديد

[ابوهاشم a]

شف لك واحد نفس الموتر وفك العمود وجرب قبل ماتخسر نفسك

[بو حجل]

وعليكم السلام
هذي الرجه حاصله واغلبنا نشتكي منها في الباترول اذكر ا. في واحد من الشباب هنا قد تكلم عنها وقال انه عيب مصنعي ان ماخنتني الذاكراه ويقول في مخرطه في الصناعيه القديمه ضبطتها.



العيب المصنعي فى اي قطعه علشااااااان افحصها ....؟

شاكر لك ردك واهتمامك

[بو حجل]

وعليكم السلام ورحمة الله وبركاته
شوف المشكلة من عمود الدوران ممكن يكون صلبانه خربانه أو تحتاج تشحيم وتشحيم العمود ﻻكن قبل كل شي إنت رافع الموتر من الخلف بكعكات أو ياي أسترالي إذا إجابتك نعم فالسبب من الرفعه


الموتر صالون ولا علية كعكات مركب يايات استرالية فقط واللي اعرفة ان الصالون غير الربع في مسألة العمود وغيرة مايتنزل ولا يضرهــ

[بو حجل]

أول ما تبدأ بالتشحيم للصلبان اللي في العمود
وبعدين إذا ما نفع غيرها وإذا ما نفع فك العمود ورصصه عند المخرطه وإذا سويت كل هالأشياء ولا نفع
فك العمود والعرموطه وبعها على اللي يبيها بعيوبها وركب جديد



الله يعافيك ردك ورد اخونا sgl متقاربه من بعض والضاهر انها تشحيم لأنه من اول كان عليه بوالين ونفس اليايات والمساعدات واسافر علية ولا قدر ( حر او رعش ) الا هاليومين

[بو حجل]

شف لك واحد نفس الموتر وفك العمود وجرب قبل ماتخسر نفسك


رد جميل ومقنع الله يعافيك


عاموووود الــ(4500) صالون يركب على الموديلات القديمة او لا....؟

[الاشهب 507]

إذا نفس المسامير
ونفس الطول
يركب براحه
أنا مركب عمود لكزز
على فور رنر 93 والوضع
طبيعي ولافيه اي مشاكل
الأشهب 507

[بو حجل]

من بعد ماشحمت خفت الرعشة او الحرة لكن لازالت موجووودة احترت منها

[عبدالله1401]

شف طال عمرك غير الربل حق التوازن الي يجي راكب بالدفرنس الخلفي يجي ربلتين يمين ويسار حجمهن صغير واذا صارت فيهن فضاوه بصيطه
يصير بالموتر أهتزاز على سرعة 90وطالع مهي رجه مثل الأهتزاز بس مزعج
أهم شي ان الربل الي تركبه أصلي أصلي لأن التجاري ماينفع وتأكد بعد التركيب أن العمود حق التوازن ثابت مافيه فضاوه مايتحرك
واذا فيه فضاوه خل المكانيكي يفك الربل ويلف شطرطون على مكان تركيب الربل على نفس العامود شي بصيط حتى اذا ركب الربل يثبت العامود مايتحرك
وشيك بعد على مسامير التوازن الخلفيه اذا خربانه غيرها حتى تروح الهزه وسلامتك وعلمنا وش يصير معاك

[بو حجل]

شف طال عمرك غير الربل حق التوازن الي يجي راكب بالدفرنس الخلفي يجي ربلتين يمين ويسار حجمهن صغير واذا صارت فيهن فضاوه بصيطه
يصير بالموتر أهتزاز على سرعة 90وطالع مهي رجه مثل الأهتزاز بس مزعج
أهم شي ان الربل الي تركبه أصلي أصلي لأن التجاري ماينفع وتأكد بعد التركيب أن العمود حق التوازن ثابت مافيه فضاوه مايتحرك
واذا فيه فضاوه خل المكانيكي يفك الربل ويلف شطرطون على مكان تركيب الربل على نفس العامود شي بصيط حتى اذا ركب الربل يثبت العامود مايتحرك
وشيك بعد على مسامير التوازن الخلفيه اذا خربانه غيرها حتى تروح الهزه وسلامتك وعلمنا وش يصير معاك


ربل التوازن مافحصصصصصتة ولا جا على بالي ولا المسامييررررر بعد

مشكور على التذكير وماقصررررت

[شاق النفد]

ان كانها بين 80 الى120
فهذي الرمانات اللي فوق الركب فك قواعدها وشل الوردات
واخرط القواعد نص ملي وصدقني بيضبط باذن الكريم سبحانه
لاني قد جربتها على شاص تيوتا وربع فتك جديد

[شاق النفد]

ولا تنسى ذب الوردات لاتركبها عقب الخرط

[بو حجل]

ان كانها بين 80 الى120
فهذي الرمانات اللي فوق الركب فك قواعدها وشل الوردات
واخرط القواعد نص ملي وصدقني بيضبط باذن الكريم سبحانه
لاني قد جربتها على شاص تيوتا وربع فتك جديد

الله يعافيك على النصيحة لكن الصوت او الحرة فى الخلف ليست فى الامام

[بو حجل]

الله لايهينكم على الردود مشكورين:

1_ وشلون اعرف ان صلبااان + العامود خربانة وش هي طرقة فحصها

2_ ومن منكم يعرف قيمتها تقريبا ..؟

3_ وهل صلبان الباترول وحدة او لكل موديل حجم ..؟

[عابد عبود]

علمنا وش صار معك ترى عندي ربع يشكي من نفس العله وماسويت فيه شي

[بو حجل]

علمنا وش صار معك ترى عندي ربع يشكي من نفس العله وماسويت فيه شي

ولله وانا أخوك الموتر خفت رعشتة او حرتة من بعد التشحيم افضل من أول

حركتة امس و اليوم اخذت عليه كم مشوار طويل فى الرياض كأني احس انه افضل بكثير اذا انا ما اتوهم ..:D

[عابد عبود]

كيف شحمت بالضبط تشحيم عادي اللي فالبنشر ولا في ورشه فك وتشحيم علمني خلني اسوي مثلك

[بو حجل]

كيف شحمت بالضبط تشحيم عادي اللي فالبنشر ولا في ورشه فك وتشحيم علمني خلني اسوي مثلك

من مشحمة البنشر او ورشة ماتفرق المهم فى الموضوع ان عمدانك يكون فيها مشاحم مركبة او راح تشتري لها وركبها

(10) حبات مشاحم تقريبا سعرها 15 ريال او 20 انا شاريها من ززمان ومخليها معي فى عدة الموتر

ولاتنسى تركب مشاحم لعامود التوازن الأمامي خل المشحماتي :p يشيك على موترك وجب له عدد المشاحم اللى محتاجها موترك :good:

نهاية السالفة تشحيم الموتر كامل مايتعدى (10) ريال أنا اشحم بــ(5) ريال للموتر كامل واحيان ما اعطية شي تروح بسواليف وتقديم خدمات لشخصة الأمين صاحب قديم لي

[عابد عبود]

مافهمت قصدك! يعني قطع الغيار فيه عندهم مشاحم للعمدان اذا اني ما حصلت فيها مشاحم من بلدها مثلا ؟؟! وضحلي لاهنت؟

[بو حجل]

مافهمت قصدك! يعني قطع الغيار فيه عندهم مشاحم للعمدان اذا اني ما حصلت فيها مشاحم من بلدها مثلا ؟؟! وضحلي لاهنت؟

اغلب السيارات تجي من الوكالة بدون مشاحم

صاحب السيارة يركب لها

عموما القطعه تحصلها عند محلات قطع الغيار او محلات العدد وادوات السيارات

خل البنشري يتأكد ان عمدانك فيها مشاحم أو لا

شف هالرابط بيفيييدك :
http://www.mekshat.com/vb/showthread.php?t=259095

[م س س]

شيك على شيال العامود اذا فيه شيال وكذلك شحم صلبان عامود الدبل وتاكد ان كان فيه مشحمة على العامود نفسه غير الي في الصليب وافحص وزنية صامولة البليون التي في الكارونة خلف الصليب .

[وليد 5]

شف طال عمرك فيه عامودين اللتوازن فوق الدفرنش الخلفي شيك على اربل

[SGL]

الله لايهينكم على الردود مشكورين:

1_ وشلون اعرف ان صلبااان + العامود خربانة وش هي طرقة فحصها

2_ ومن منكم يعرف قيمتها تقريبا ..؟

3_ وهل صلبان الباترول وحدة او لكل موديل حجم ..؟

ارفع الموتر وبشرط مايكون معشق ولا مرفوع البريك وتروح تحت الموتر وتهز العمود فوق تحت من عند الصليب إذا فيه فضاوه يبين معك وتقدر تسوي نفس الحركة من نص العمود وتهز عشان تعرف إذا العمود فيه فضاوه تعرف عمود الباترول وصلتين حاول تكبسه فل شحم ثقيل ﻷن العمود له مكان تشحيم وتأكد إن العمود راكب صح الوصله الكبيره في القير والوصله الصغيره في الدفرنس طبعآ يسمونها في الصناعية ذكر وأنثى :D

[بو حجل]

شيك على شيال العامود اذا فيه شيال وكذلك شحم صلبان عامود الدبل وتاكد ان كان فيه مشحمة على العامود نفسه غير الي في الصليب وافحص وزنية صامولة البليون التي في الكارونة خلف الصليب .

وشو شيال العامود اتمنى انك تشرحه لي او تحط صورتة..؟

صلبان العامود مشحمة والعامود كذلك

اسمها بليون ولا بنيون .. و وين موقعها داخل جرم الدفرنس ولا خارجية واذا امكن صورة ..؟

شكرا على توضيحك وتحمل اسئلتي

[بو حجل]

شف طال عمرك فيه عامودين اللتوازن فوق الدفرنش الخلفي شيك على اربل


كلام جميل وتوضيح مفيد ولا منة خسارة على محركات السياررررة

عافاك الله اخوي (وليد 5)

[بو حجل]

ارفع الموتر وبشرط مايكون معشق ولا مرفوع البريك وتروح تحت الموتر وتهز العمود فوق تحت من عند الصليب إذا فيه فضاوه يبين معك وتقدر تسوي نفس الحركة من نص العمود وتهز عشان تعرف إذا العمود فيه فضاوه تعرف عمود الباترول وصلتين حاول تكبسه فل شحم ثقيل ﻷن العمود له مكان تشحيم وتأكد إن العمود راكب صح الوصله الكبيره في القير والوصله الصغيره في الدفرنس طبعآ يسمونها في الصناعية ذكر وأنثى :D


استاذ: sgl اكن لك كل الأحترام والتقدير على جهودك ومبادراتك الجميلة فى المنتدى

شررررحك جميل مع سهولتة وتفصيلة الخفيف مع ذكر اهم النقاااط :good2:

سوف يتم تطبيق ماشرحتة فى اقرب فرصة

ولي رجعه دمتم فى حفظ الرحمن .....