الربع فزعتكم

[ابو محمد 2006]

السلام عليكم ورحمة الله وبركاته
يالربع معي في اكس ار 2001
قير عادي وعندي مشكلتين
اﻻولى الموتر اول قومته عزمه ثقيل
الى ان يصل الضغط ثﻻثه وبعدها يخف
ويضبط.
والثانيه عندي طقه في الكفر اﻻيسر قدام
صوتها خفيف تطلع مع المطبات وفيه حذفه
عند مسكة البريك يسار.

[يالبى الهلا]

المشكلة الاولي من الدفع الرباعي اذا وصل 60الي 80 يفصل الرباعي
وحلها فصل الدفع الرباعي وجعلة دفع خلفي فقط وافصل من الدفع الرباعي بكثير
المشكلة الثانية. عندك ربلات اللي فوق المساعد تحتاج الي استبدال او مرتخية تحتاج شد
المشكلة الثالثة حذفية الموتر من الفرامل شيك علي الباكم او قسام الفرامل

[ابو محمد 2006]

الله يجزاك خير
وبيض الله وجهك

[LiLiiibcJI]

ثقل الموتر ياغالي الله أعلم
نظف الثروتل واستخدم بنزين 95
بالنسبة للطقة أسبابها كثير ولكن تأكد من الأقمشة الأمامية وحالة الهوبات

[حمزةعبدالمطلب]

ثقل الموتر كان فيه من اول يعني انت توك شاريه ولا تغير عليك الموتر
الطقه تاكد من
مسمار التوازن
جلد كراسي للدفرنس الامامي
تاكد من الجوازات ارفع الموتر بالعفريته وحرك الكفر بيدك يمين ويسار طلع لك الصوت تحقق من فين الصوت
ما طلع معك خذ مفتاح العجل وضعة تحت الكفر وحرك للاعلى وللاسفل بقوة

[ابوراكان تبوك]

الطقه افحص الجويزه على طول + الذراع الداخلي

[ابو محمد 2006]

الله يجزاكم خير
الله يبيض وجيكم
الله ﻻيهينكم

[ابو محمد 2006]

بطلع بكره ان شاء الله للرياض
وين تنصحوني افحص واشتغل

[ابو محمد 2006]

اخوي حمزه الموتر له حوالي سنه
معي ومن شريته وهو ثقيل
واحس زادت هاليومين
مع ان استخدامي له قليل

[ابوراكان تبوك]

بالنسبه للثقل تأكد ان الهوز الواصل من علبة فلتر الهواء الى الثروتل مافيه اي تنسيم

[ابو محمد 2006]

الله يبيض وجيهكن يالربع
عز الله ماقصرتوا
جزاكم الله خير

[الوسم]

طيب أخوي محمد .. وش صار معك ؟؟؟

[ابو محمد 2006]

ياهلا
والله انشلغت هاليومين
ان شاء الله الاسبوع القادم بروح للرياض
واشوف الصناعيه