أسعار الربيان في الحراج ؟!

[adelshehri]

السلام عليكم ورحمة الله وبركاته

أخواني كيف وضع الربيان وكم أسعار الكمية اللي تباع في الحراج وكم فيها كيلو ؟

وش أفضضل حراج ممكن نشتريها منه ؟ في الشرقية أو في الغربية


وهل يوجد أحد ممكن يوفرها ويرسل للرياض ؟


ولكم الشكر

[هواوي502]

هلا اخوي
امس وقبل امس كنت بحراج الدمام ابي ربيان
الاسعار طال عمرك كتالي
ربيان صغير بانه (( تجي تقريباً 35 الي 40 كيلو )) بــ 700
ربيان وسط بانه 900 الي 950
ربيان جامبو (( كبير )) 1300 الى 1400
ربيان اكسترا جامبو 1700 الى 1800 (( حبه كبيره جدا ))
وسلامتك
اخذت طال عمرك 2 بانه وسط وحده بــ900 والاخرى 930 وبصراحه شيء وطازج

وقبلها بيومين ترددت على حراج القطيف فيه ربيان ارخص بس وربي اللي ما له خبره يكل خازوق
لان الربيان اكثره مخلوط البنقاليه يشترون الربيان ويعرضونه كم يوم واذا طلعت ريحته شرو ربيان تقريبا بانه وخلطوها مع 2 بانه قديم ويدبسون فيها الزباين والشريطيه يعرفون ولا يزودون عليها

........... تحذير يا شباب لوجه الله تعالى .............
اللي ما يعرف الربيان والسمك زين ولا معه احد خبره لا يقرب الحراج وربي ثلاث ارباعه غش في غش حسبي الله ونعم الوكيل واكثر الشباب اللي يخذون من الحراج واهل خبره يعرفون الشيء هذا
ولو بغيت الفزعه تحت امرك ..

[adelshehri]

جزاك الله خير

وش أفضل طريقة للشراء المضمون أو طريقة غير الحراج ؟

أنا بصراحة ما أعرف أحد ....

[هواوي502]

ما تضيق الا بالردي اطلب عزك كم تبي بانه واين مكانك
ونوع الربيان اللي تبيه وسط او كبير وترى الكبير هذي اليومين شحيح واذا جاء يكون شوي غويلي
اذا انت تبي ربيان انتظر كم يوم لان الربيان الان والسمك بالمنطقه الشرقيه كامله مرتفع 25% بسبب محرم
يعني 9 و10 و11 يكون اكثر الصيادين السنه صائمين والشيعه متوقفين بسبب عاشور
ارسل طلبك ورقمك وانشاء الله ما اقصر معك

[adelshehri]

تسلم يالغالي الله يوفقك ماتقصر ...

بإذن الله بأتواصل معك قريب ... أنت وين موجود ؟

بالنسبة لي أنا في الرياض , هل فيه طريقة للتوصيل أو هل أقابلك في الشرقية مثلاً ....

ونفس السؤال على السمك , هل تنصح بشراء كمية من الحراج ؟

ولك الشكر

[هواوي502]

اسمع وانا اخوك ان جيت لشرقيه (( الدمام )) ابشر بعزك ولا لك اللي ادخلك الحراج وسوم لك باحسن الانوع
وان حبيت اشتريه لك وارسله للرياض هم تحت امرك ويشهد الله راح يجيك ربيان في ذمتي كنه مشترى لبيتي
عندي ولدي يشتغل عنكم بالرياض ينزل يوم الخميس الظهر لدمام كل اسبوع ويرجع يوم السبت تقريبا الساعه 11 الى 12 يكون بالرياض لو حبيت عبيت لك اللي تبي في فلين وكبيت عليه ثلج ويجيك زي ما شريته
ولو حبيت بعد يتنضف ترى تحت امرك

[adelshehri]

السلام عليكم

أخوي هوواي في الحقيقة أنك أحرجتني بأخلاقك وتعاونك وبإذن الله بأتواصل معك عالخاص قريب ...

ولك ألف شكر ...