مشكلة طرمبة الزيت مع كل تغيير زيت في الجمس حيرت المهندسين .... أين خبراء مكشات

[lami]

السلام عليكم
الله يعطيكم ألف عافيه عطوني حل سريع و نافع لا هنتم

شريت سيارة افالانش شيفرولية امريكي موديل 2007 ماشي 300 الف كيلو كان فيه صوت صباب خفيفه طقطقة و ضغط الزيت اوكي بالنص .... قالوا اغسل المكينة علشان ينظف مجرى الزيت و يمكن يروح الصوت .. غسلت المكينة بزيت الغسيل جالون بلاستيك أصفر و غيرت زيت 10-30 Ac Delco و مباشرة نزل ضغط الزيت الى الربع

غيرت الربلة حقت الطرمبة اصلية مع زيت و سيفون و الحمد لله الضغط في النص
بعد 6000 كيلو ممشى غيرت زيت مع سيفون كاسترول و نزل الضغط الى الربع
قلنا يمكن الطرمبة تعبانه و متوسعة غيرت طرمبة اصلية من با عاصم ضغط عالي مع ربلة .. مشى الحال
بعد ممشى 5500 كيلو تم تغيير الزيت بدون سيفون و للمرة الثالثة نزل ضغط الزيت الى الربع

انهبلت يا جماعة خصوصا اني متعقد من الامريكي في جمس 2000 غيرت له 3 طرمبات زيت

عموما الآن الموتر اذا كان بارد بداية التشغيل فوق النص و بعد ممشى قليل اذا واقف يصير بالنص و إذا سخن مع الوقوف ينزل الى الربع.

يعني الحساس ما عنده مشكلة

السؤال ايش علاقة تغيير الزيت بنزول الضغط بشكل مباشر و ليس تدريجي؟؟؟؟

مشكلة كبيرة و محيرة و مكلفة

بصراحة طرمبة الزيت في الجمس من موديل 2000 و فوق مشكلة كبرى لم تحل و لا نعلم سبب هذا التجاهل من قبل شركة GM

عطوني حل دقيق و فعال يا اخوان
جد تعبت و مليت من الموتر و صرت افكر اني ما اغير زيت و اكتفي بزيادته كل ما نقص طالما مافيه حل او شنهو رايكم؟؟؟

عذرا على الإطالة و في القلب أكثر

انتظر حلولكم و ردودكم الله لا يحرمنا منكم

[الحربي 591]

اخوي هو اساسا على الربع هنا مافيه مشكله
لكن اذا كان أقل من الربع هنا فيه مشكله
وفي الغالب اذا نزل عن الربع او طاح من الحساس حق الزيت

[الحربي 591]

ونسيت اقولك اهم شي تحط نفس اللزوجه في الزيت

[lami]

شكرا مليون اخي الحربي على سرعة ردك و تفاعلك

اليوم رحت لمهندس في مركز خدمة Ac Delco و قال اذا عند الربع و ماطلعت لك رسالة تحذيرية ما عندك مشكلة و لكن اذا نزل اسمع صوت طقطقة يزيد و هذا واضح بسبب قلة تدفق الزيت و احتمال كبير يسوي مشاكل

لا زالت الحيرة
ما سبب نزول الضغط مع كل تغيير للزيت و المفترض العكس
لو المشكلة كهربائية كان شكينا في الحساس و لكن المشكلة ميكانيكية و يفترض يكون حلها سهل و واضح

لا زلت انتظر حلول بارك الله فيكم

[الحربي 591]

مادام تسمع اصوات
قبل ما اقول لك انها من الطرمبه غير الزيت وحط نفس اللزوجه اللي مكتوبه على غطاء الزيت
ان ما راحت الله يعوضك
نظف كارتير الزيت وغير الطرمبه ووجه الكارتير ومواصير الزيت اللي تودي عل المكينه
..
وقريت تقول من 2000 في الجمس ما حلو مشكله الطرمبه
انا اقول حط نفس اللزوجه وسيفون اصلي
وابشر بطرمبه لك وللزمن
لكن حط غير اللزوجه الموصى فيها وسيفون من عند البنشري حتى لو قال اصلي كذذاااااب
وابشر بخراب الطرمبه وبخراب التكايات والاصوات

[الحربي 591]

وصوت الطقطقه صوت البلوف والتكايات الزيت ما يطلع لها بسرعه
اذا اهملتها راحت عليك تكايات 3الاف راح تدفع فوق 5الاف بالراحه اذا اهملت العطل

[adil33]

اعمل فحص زين بالكمبيوتر والصباح بدري قبل تحمي السيارة افتح غطاء الزيت وشوف يطلع بخار منه ام لا
الله اعلم عندك مشكلة في السبايك انها مصنوعه لسيارة خاصه بالمناطق الباردة ولما تواجه الحرارة عندنا تتاثر معها السيارة

[1824]

اذا ضغط فوق الربع فالضغط طبيعي وخصوصا اذا ما طلع لك تحذير مافي مشكلة في الطرمبة ومتعلقاتها وتغيرك لها كان بلا فائدة الطرمبة مافيها شيء والطقطقة مو منها غير زيت بترومين A1 مع سيفون اصلي من الوكالةوشوف الصوت يروح ولالا اذا ما راح شيك على التكايات هي الي تطلع الصوت وترى تطول على ما تخرب في الجمس حتى لو فيها طقطقة تجلس يمكن سنين معك يالله تخرب بالتوفيق لك

[cadillac911]

يا اخ 1824 وش نوع الزين ثقيل ولا خفيف لجمس 2000


اذكر الله تكسب حسنة

[الحربي 591]

يا اخ 1824 وش نوع الزين ثقيل ولا خفيف لجمس 2000


اذكر الله تكسب حسنة

معليش بس انا ملقوف شوي:D

نوع الزيت نفس اللي مكتوب على الغطاء حق الزيت..:)اتمنا اني افدتك بلقافتي:D

[1824]

معلومة بسيطة مافي ولا سيارة في العالم كله تاخذ زيت 20W50 من مصنعة او ان الكتلوج او الصانعة ينصح فيه ويعتبر من اسواء العيارات في الزيوت للمحركات عشان كذا تلاحظونة ارخص شيء في السوق هذا العيار بالتوفيق للجميع

[cadillac911]

معليش بس انا ملقوف شوي:D



نوع الزيت نفس اللي مكتوب على الغطاء حق الزيت..:)اتمنا اني افدتك بلقافتي:D


المشكلة انه ماهو مكتوب شي


اذكر الله تكسب حسنة

[ابويزيد 22]

ان شاء الله تحصل المشكله

[abumohammad7]

الله يهديك ليه تشتري امريكي مستعمل ..دائما نقرأ ونسمع الناس يتشكون منها بسبب المواصفات او الامر الاخر المهم وهو ان المستعمل الامريكي سيارات مستهلكه وملعوب فيها الا القليل.

بخصوص المشكله فهي طبيعيه اذا على الربع ولا يوجد اصوات ولا تحذيرات
جرب زيت فورد موتركرافت 5w30 وانتظر عليه فتره, 6 علب مع السيفون
الله يعطيك خيرها ويكفيك شرها

[الحربي 591]

المشكلة انه ماهو مكتوب شي


اذكر الله تكسب حسنة


اجل في الكاتلوج مكتوب اذا ما عندك
او 5W30

[1824]

الله يهديك ليه تشتري امريكي مستعمل ..دائما نقرأ ونسمع الناس يتشكون منها بسبب المواصفات او الامر الاخر المهم وهو ان المستعمل الامريكي سيارات مستهلكه وملعوب فيها الا القليل.

بخصوص المشكله فهي طبيعيه اذا على الربع ولا يوجد اصوات ولا تحذيرات
جرب زيت فورد موتركرافت 5w30 وانتظر عليه فتره, 6 علب مع السيفون
الله يعطيك خيرها ويكفيك شرها

انتبه ليس 6 علب 5.7 لتر مع السيفون 6 علب الا ربع الزيادة هذه سوف تسبب فقع صوف المحرك لك وتقوم بلوم السيارة بعدها وانت المخطىء هنا بالتوفيق لك

[الوقيدي]

اكثرالناس يعتقد ان دوره الزيت تبدأ من طرمبه الزيت وتصب فوق البلوف مباشره وهذا خطأ فدورالزيت تتحرك في فجوات داخل السلندر تعطي عمود الكرنك زيت من الاعلى وعمود التيمن الجانبي للموديلات القديمه وتكتمل بالطلوع فوق الرأس . قد تكون مجاري الزيت شبه مغلقه .

[lami]

شكرا لكم جزيلا على هذا التفاعل الرائع و النصائح الأخوية الله لا يحرمنا منكم جميعا

لي عودة مفصلة و رد على الجميع في أقرب فرصة

ننتظر ردود اخرى

لكم خالص التحايا

[abumohammad7]

انتبه ليس 6 علب 5.7 لتر مع السيفون 6 علب الا ربع الزيادة هذه سوف تسبب فقع صوف المحرك لك وتقوم بلوم السيارة بعدها وانت المخطىء هنا بالتوفيق لك

موتر كرافت العلبه بالكوارتز وليس باللتر , الكوارتز اقل من اللتر عشان كذه عبي 6 علب كامله مع الفلتر وكتلوج السياره يقول 6 علب بالكوارت او 5.7 باللتر

شكرا على التنبيه

[lami]

أعيد و اكرر ما سبب تكرار المشكلة فقط مع كل تغيير الزيت سواء مع سيفون او بدون ؟؟؟
غالبا السبب انه فيه تنسيم في الربلة و لكن ما سبب تكرار التنسيم ايضا؟
فإن ما تم ذكره من اسباب سواء سبايك او تكايات ما علاقتها بتغيير الزيت و هو نفس الزيت السابق ( كاسترول )
هل البلف المقابل للطرمبة ممكن سبب المشكلة؟

كثير جدا من الناس عندهم سيارات وارد امريكا و ماشيه امورهم تمام
عموما أغلب السيارات اللي من الوكالة ضغط الزيت يكون بين النصف و الربع للموديلات 2007 و ما فوق في غالب الأحيان و هذا امر غريب .. مشكلة الطرمبة منتشرة سواءا السيارة امريكية او خليجية ... نادرا ما تسمع بمشكلة طرمبة الزيت للسيارات الأخرى ..

الزيت المستخدم كاسترول ولو السبب من الزيت لكان كل سيارات التوكيلات و الجميع تعطلت عندهم الطرمبة لإنهم يستعملون كاسترول.

لا زال الأمر محير

غدا ان شاء الله اذا الله وفقنا سوف ادخل السيارة عند ميكانيكي سعودي جيد و بيحاول يتعرف على المشكلة و بيغير البلف و الربلة و بينظف الشخال و ان شاء الله خير
و سوف اوافيكم بكل جديد

دمتم بود

[1824]

مالك لو من عامل 2011 جاء امر من جي ام باستعمال زيت اس ديلكو في الوكالة فقط وموبيل 1 لسيارات جمس وشفر فقط وضغط الزيت يكون فوق الربع بشيط بسيط معناتها هنا الطرمبة مافيها شيء وزيوت كاسترول من اسواء الزيوت في السوق بالتوفيق لك

[جمس _ 2002]

كيف مافيه ووكالة هونداي تحط زيت سوبر شل 20w50 على سياراتها ؟؟؟ من وين تجيب هالمعلومات

[عميد آسيا]

كيف مافيه ووكالة هونداي تحط زيت سوبر شل 20w50 على سياراتها ؟؟؟ من وين تجيب هالمعلومات

ما خرب مكاين و طرمبات زيت سياراتنا إلا زيت 50-20

نصيحة لوجه الله أبعد عنه و خليك على الكتالوج

و هذا موضوع للزيوت و أفضلها و فيه بعض التجارب لـ 50-20 و التحويل لـ 30-10

http://www.mekshat.com/vb/showthread.php?t=652519

[1824]

كيف مافيه ووكالة هونداي تحط زيت سوبر شل 20w50 على سياراتها ؟؟؟ من وين تجيب هالمعلومات

ياقلبي انت وش فلسفة هونداي وش دخل هونداي في جي ام انا قلت جي ام ما جبت طاري الخوري عشان اتفلسف فيه انا بالتوفيق لك

[lami]

مرحبا مليون بالجميع من جديد

تم تأجيل الصيانة إلى الاسبوع القادم

السؤال يا اخوان هل تعتقدون لو تم تغيير الزيت الى بترومين A1
5-30 كما هو مكتوب على غطاء الزيت سيكون هنالك تأثير إيجابي على طرمبة الزيت او لا؟
رأيكم يهمني و يفيدني كثيرا

تحياتي لكم

[1824]

مرحبا مليون بالجميع من جديد

تم تأجيل الصيانة إلى الاسبوع القادم

السؤال يا اخوان هل تعتقدون لو تم تغيير الزيت الى بترومين A1
5-30 كما هو مكتوب على غطاء الزيت سيكون هنالك تأثير إيجابي على طرمبة الزيت او لا؟
رأيكم يهمني و يفيدني كثيرا

تحياتي لكم

جرب منت خسران اذا ماذبطت الزيت مو رايح محل خلهم ينزلونه ويرجعونه بعد التصليح بالتوفيق لك

[عميد آسيا]

خذ زيت ACDelco 5w-30 الجديد الأصفر عند بالبيد العلبة بـ 20 ريال شفت مواصفاته و طلع أحسن من بترومين A1 يتحمل أكثر منه و كمان أحسن في السعر لإن A1 بتلقاه عند البناشر 35-55 ريال عاد السعر يختلف من بنشر لثاني و نسيت اعلمك كمان معتمد من ديكسوس نفس الاعتماد اللي مع A1
و ودي أعدل على موضوع الزيوت و أضيفه لكن ما أدري اتواصل مع من

[الحربي 591]

مرحبا مليون بالجميع من جديد

تم تأجيل الصيانة إلى الاسبوع القادم

السؤال يا اخوان هل تعتقدون لو تم تغيير الزيت الى بترومين A1
5-30 كما هو مكتوب على غطاء الزيت سيكون هنالك تأثير إيجابي على طرمبة الزيت او لا؟
رأيكم يهمني و يفيدني كثيرا

تحياتي لكم

هذا هو اللي المفروض تحطه
وماراح يصير شي لكن اتنبه كثره تغيير الزوجه تخرب الطرمبه وتسد الواصير

[lami]

شكرا شكرا شكرا لكم جميعا
نصائحكم و تعليقاتكم جدا مفيدة

استفدت منكم الكثير

بخصوص الزيت اتذكر مره غيرت زيت الموتر السابق جمس بيكب موديل 2000 غيرت زيت المكينة بنوعية للأسف سيئة جدا و من ثم نزل ضغط الزيت للربع و من ثم غيرت الزيت لنوعية أفضل و تعدل ضغط الطرمبة

لذا في أقرب فرصة سوف اعمل بنصيحتك بالتغيير الى زيت 5-30

تحياتي للجميع

يسعدني تواصلكم و المزيد من النقاش حول هذه المشكلة المزعجة لل GM

[abo yusef]

احتمال امرين عندك
اما فلتر الحساس محمل وسخ ولازم تفك الثلاجه
او تغير وتفحص عمود الكرنك مع السبايك

[حسين السبيعي]

تايوتا تستعمل زيت تايوتا 20/50 العلبه الحديد في اكثر سيارتها

[lami]

تم فك الكارتير و تم تنظيف الكارتير و الشخال و تغيير البلف اللي عند الطرمبه
و تم تغيير الربلة أصلية
و تم تركيب زيت Ac Delco 5-30 و لم أحصل على نتيجة ايجابية تذكر بحيث أن الموتر بعد الممشى مع الوقوف المؤشر عند الربع و اسمع صوت طقطقة
الميكانيكي سعودي فاهم و مشتغل كثير

أكثر من كذا وش اسوي؟

عموما طالما ما تطلع لي رسالة تحذير ما راح اسوي شي
جنني الموتر

[عضى]

adil33 adil33 غير متواجد حالياً
مكشاتي متقدم

تاريخ التسجيل: Aug 2008
المشاركات: 689
المواضيع: 21
adil33 is on a distinguished road
رد: مشكلة طرمبة الزيت مع كل تغيير زيت في الجمس حيرت المهندسين .... أين خبراء مكشات
اعمل فحص زين بالكمبيوتر والصباح بدري قبل تحمي السيارة افتح غطاء الزيت وشوف يطلع بخار منه ام لا
الله اعلم عندك مشكلة في السبايك انها مصنوعه لسيارة خاصه بالمناطق الباردة ولما تواجه الحرارة عندنا تتاثر معها السيارة

[عضى]

الله يفرج همومك والمسلمين