هل يوجد حل لرجة الباترول

[برق الوسيطاء]

بسم الله الرحمن الرحيم
حيا الله الاعضاء جميعا
مشكلة الرجة الي تجي الباترول بعد فترات ليست طويلة من اصلاح المشكلة وهذي معروفة عند ملاك الباترول ولها عدة اسباب لكن الرجة الي تكون من الذراع ولازم يغير الذراع وهذا الي ابيه يناقش بهذا الموضوع هل الذراع له تصليح غير الكبس انا قال لي واحد ان فيه مسمار يشد بالذراع يكون مرتخي وتروح الرجة لكن مايعرف مكانه ارجو ابداء الاراء ممن جربو هذا الحل بأنفسهم

[adil33]

عليك بالجلد لها تاثير كبير على الباترول
وان كانك بالمدينة ابشر انا افحص لك كل جلد السيارة وابلغك وش تجيب جلد ولا تركب اصلي لانه يضعف ويتاثر مع اي تهريب زيت وباذن الله ما عاد تعرف شيئ اسمه رجه
وباذن الله اركبها كلها لك ومابي منك الا الدعاء
جلد المساعدات حتى لو المساعدات سليمه
جلد اعمدة السحب
مسامير التوازن الاربعه
جلد ذراع الدركسون
مساعد الدركسون

[برق الوسيطاء]

عليك بالجلد لها تاثير كبير على الباترول
وان كانك بالمدينة ابشر انا افحص لك كل جلد السيارة وابلغك وش تجيب جلد ولا تركب اصلي لانه يضعف ويتاثر مع اي تهريب زيت وباذن الله ما عاد تعرف شيئ اسمه رجه
وباذن الله اركبها كلها لك ومابي منك الا الدعاء
جلد المساعدات حتى لو المساعدات سليمه
جلد اعمدة السحب
مسامير التوازن الاربعه
جلد ذراع الدركسون
مساعد الدركسون
انا عارف ان الرجة لها عدة اسباب لكن انا ودي يكون النقاش حول مشكلة الذراع مثل ماذكرة انا بالموضوع وهل هو صحيح ان فيه مسمار يشد ويضبط وجزاك الله خير

[adil33]

لو تنحل المشكله بشدة مسمار كان الكل عنده باترول
المشكله في الباترول الجلد تلعب دور كبير في نعومته وهدوءه
اخوك ما ترك جلده الا وغيرها والحمدلله بدات عضلاته تهدأ كثير وتشعر انك فعلا ماسك دركسون

[احمد النزهه]

عندي لك الحل فيه وردات واربع مسامير تحت الركبه الدفرنس الامامي
فيه الرمان بللي فك المسامير بدون وردات يعني ركب المسامير بدون ورده
وتروح الرجه واذا ماراحت ركب مساعد دركسون اضافي بالقصيم امريكي تويلف بالذراع
وبالتوفيق

[الحميضاني]

السلام عليكم
اخوي ممكن نوضح نوع الرجه اللي بسيارتك هل هي بالدركسون اول بالبدي او السياره كل ما فيها يرج حدد نوع الرجه اللي عندك على شان نقدر ناصل لحلول وشكرااا

[ابومشاري حمد]

السلام عليكم ورحمة الله
كنت بنزل موضوع عن المشكلة الرجه سبقني اخي برق الوسيطاء الله يعطيه العافيه
طبعا الرجه بالدركسون
دوختني الرجه كل ورشه يعطيني علم
غيرت مساعد الدركسون والجلد
وجلد ذراع الدركسون
ورصصت ارضي
والرجه مثل ماهي
الرجه على سرعة من 80الى 100
يااخ عادل انا من المدينه اتمنى انك تفيدني

[برق الوسيطاء]

ياجماعة الخير انا بموضوعي ذكرت ان الرجة له عدة اسباب ومن ظمن الاسباب الذراع الي ودي يكون الكلام عنه وهل يصلح الذراع او فقط يغير وكلامي واضح هو عن الذراع

[محمد ابودانه]

السلام عليكم ورحمه الله وبركاته
والله اني اعاني من الرجه هاذي عندي باترول ٩١ مغير له ذراع ومساعد دركسونزونفس الحكايه ورصصت كفرات تجي على سرعه ١٠٠

[الحميضاني]

طيب يمكن المشكله من الجنوط ترى القرش الهلل اكثره تجاري وكان لسيارتي ويسبب رجه خفيفه وغيرته. لاصلي وراحت الرجه

[هاوي بلادي]

بدلت مساعد دركسون

ووزن ذراع ماراحت !

وغيرت جنوط

يفضل فحص عند مركز سهم او العضيب

هذا لو ماحصلت المشكله الى الان

[ALBDRANE]

السلام عليكم يمكنك الدخول على الرابط في التوقيع وشكرلًاً