كوت ( جاكيت )

[فهد الراشد]

السلام عليكم ورحمة الله وبركاته،،
اسعد الله مسائكم بكل خير يا اخوان، يمكن الموضوع بوه غرابه شوي، بس والله مضطر اعرضه عليكم الله يعافيكم،
يالربع عندي جاكيت طويل ( بالطو ) المهم هالجاكيت اهداه علي ابوي من مبطي، ودفي وزين وشكله قديم وجار عليه الزمن وانا اكرفه بكل شتاء، والله العظيم يالربع شريت انواع واشكال جاكيتات بس مثل هذا عجزت اتأقلم، حتى الجاكيت اللي بوه صوف طبيعي اللي نسميه ( الطفال ) والله عندي بس ما أرتاح بمثل هالجاكيت،
رحت لكل خياطين حايل ابي أغير البطانة اللي داخل قالوا مانقدر، ورحت للخياطين حقين العسكر وقالوا مانقدر، والله العظيم كل كل خياط جيته الله بالمعارض واللي بسوق الهنود واللي بالقشله واللي بسوق الكويتيين، حتى خياطين النساء جيتهم قالوا مانغيره بسبب انه ثقيل ومن هالاعذار،
اخواني تخبرون لي خياط يزين البطانه؟؟
تكفون افزعوا لي .

[Mohammed5d]

في الرياض في شارع الوزير او البطحاء خياطين يخيطون جاكيتات ودقل يمكن يزينونه

[Hagaanaf]

السلام عليكم ورحمة الله وبركاته،،
اسعد الله مسائكم بكل خير يا اخوان، يمكن الموضوع بوه غرابه شوي، بس والله مضطر اعرضه عليكم الله يعافيكم،
يالربع عندي جاكيت طويل ( بالطو ) المهم هالجاكيت اهداه علي ابوي من مبطي، ودفي وزين وشكله قديم وجار عليه الزمن وانا اكرفه بكل شتاء، والله العظيم يالربع شريت انواع واشكال جاكيتات بس مثل هذا عجزت اتأقلم، حتى الجاكيت اللي بوه صوف طبيعي اللي نسميه ( الطفال ) والله عندي بس ما أرتاح بمثل هالجاكيت،
رحت لكل خياطين حايل ابي أغير البطانة اللي داخل قالوا مانقدر، ورحت للخياطين حقين العسكر وقالوا مانقدر، والله العظيم كل كل خياط جيته الله بالمعارض واللي بسوق الهنود واللي بالقشله واللي بسوق الكويتيين، حتى خياطين النساء جيتهم قالوا مانغيره بسبب انه ثقيل ومن هالاعذار،
اخواني تخبرون لي خياط يزين البطانه؟؟
تكفون افزعوا لي .

يحفظك الله ويرعاك
وصلت الى خير
انحر سوق الزل وتحديداً الشارع الي يباع فيه ادوات الغاز ، وعلى يمينك ويسارك تاتلقى سوريين يفصلون لك الي تبي ، وبالطوك هذا تأكد انهم هم اهله وهم من سيعجبك شغلهم به
توكل على على الله وادع لي

[الحربي حاتم]

الله ييسر امرك

[ابن هازع]

كان عندك سفرة للأردن 00 عليك بعمان
شغل زين ورخيص 00 ويمكن تلقى مثله 00

[فهد الراشد]

الله يعافيكم كلكم ويستر عليكم

[فهد الراشد]

يحفظك الله ويرعاك
وصلت الى خير
انحر سوق الزل وتحديداً الشارع الي يباع فيه ادوات الغاز ، وعلى يمينك ويسارك تاتلقى سوريين يفصلون لك الي تبي ، وبالطوك هذا تأكد انهم هم اهله وهم من سيعجبك شغلهم به
توكل على على الله وادع لي

### وين اخوي هالشارع اللي تذكر؟؟؟

[فهد الراشد]

اخوي hagaanaf الله يعافيك رد علي،

[أبوطويله]

هو يوصف لك سوق الزل في الرياض

[الفريح1]

طال عمرك خذ طريق الملك فهد متجه جنوب

يجيك مخرج شارع "طارق بن زياد" اشارة في الخدمة اطلع معها يسار
الأشارة الأولى سيد .. الثانية سيده .. الثالثه تاخذ يسار هذا هو سوق الزل يصير اتجاهك شمال ومخرجه على شارع الثميري على الوزير (الملك فيصل)

*ملاحظه اتوقع تم تغير شارع طارق بن زياد الي طريق المدينة

بالتوفيق

[Hagaanaf]

اخوي hagaanaf الله يعافيك رد علي،

يحفظك الله ويرعاك
اسف على التأخير في الرد عليك
هذا الشارع الله يحفظك بالديره بالرياض وقريباً من المحكمه العامه الكبرى بالرياض ، وانا اعرف انه يسمى شارع الشيخ محمد بن ابراهيم رحمه الله وتحديداً هو محاذي لسوق الزل بالرياض وقريباً من نصب الساعه ويرتبط بشارع الثميري
عموماً عندما تصل الى هناك وتجعل المحكمه على يدك اليمين اسئل اي واحد عن سوق الزل وسوف يدلك عليه ، مع انه مايحتاج دلولى فهو اشهر من نار على علم
اسأل الله ان يسهل دربك ويدلك عليه