كثره التغريزات !!

[BoFlanQ]

السلام عليكم ورحمه الله وبركاته


عندي لاندكروزر 99 فيكسار دفع مستمر 8 سلندر



في طلعات البر مع الربع موتري تقريبا هو اكر واحد يغرز

ادري الموضوع شوي عبيط بس اهم شي نستفاد :)

هل المشكله مني ولا من الموتر

وكيف اتاكد من العكوس ووش هي العكوس لاني ماعرفتها

[1824]

اذا الكفرات كلها تدورفي الرمل السبب منك اذا لا في مشكلة في السيارة بالتوفيق لك

[ابوراكان تبوك]

اذا دخلت الطعوس نسم الكفرات كلها على عيار 20 وماتحتاج الدبل أصلا

[العطاوي a511]

الفكسار ثقيل كثير التغريز مكينته ضعيفه مقارنه بحجمه كل العالم تغرزبه كل شوي نسحبه

العيب بالموتر والسواقه لها دور تبعد عن الاماكن اللي محتمل يغرز فيها ولا تمرها الا وانت تمشي طبلونك

[صاروخ الغطغط]

اتوقع هواء الكفر معطيه لين غنا وتاوي للموتر
فكسار و8 سلندر مايغرز
حنا نطلع على اكسنت مع التغريز مانغرس نلين الكفر وتسلك وخفيفه

[ابو ايمن]

الحقيقة اشتهر الفكس آر في ثقله على الرمل وتغيرزاته سريعة

مع هذا خفف الهواء الى 20 او أقل

وشطارة السواقة لها دور

بالتوفيق والسلامة أخي

[BoFlanQ]

حقيقه ماكنت منسم التواير

بس بعد مانسم زان الوضع

بس برضو بعده ما احس ان السياره تمشيني عدل بالبر .. مثلا يوم ابي ارقى مكان مرتفع شوي .. ماوتصل للنهايه الا والموتر يروح عزمه

واضني يوم كنت مغرز وحطيت الدبل .. بعض التواير ماكانت تدور بعض الاحيان

[ابوراكان تبوك]

الفكسار ثقيل كثير التغريز مكينته ضعيفه مقارنه بحجمه كل العالم تغرزبه كل شوي نسحبه

العيب بالموتر والسواقه لها دور تبعد عن الاماكن اللي محتمل يغرز فيها ولا تمرها الا وانت تمشي طبلونك

بالعكس الجكسار وهو 6 سرندل بفضل الله امشي عليه اي محل وخصوصا لانسمته على 20 نادر استخدم الدبل والسياره تماتيك
عدا الطوس الطويله لابد تجور عليه وتشد من مسافه طويله مع الدبل الخفيف وعلى d2
الفكسار اكبر مكينه واقوى قير اكبر وتروس اكثر واذا كان تماتيك لابد من استخدام الترس d2 او اقل مع تنسيم الكفرات حتى يمشي
( سابقا كانت سيارتي للبر الجيب الربع مافرق عن الجكسار في الممشى الا في سرعه القومه والمراقي ومايدق عكس الجكسار لازم تداريه وتحدد ممشاك )

[هاوي بلادي]

السلام عليكم

نسم الهواء 20

4 تواير

ولاند ثقيل خاصه فيكسار

وانت تسوق في الرمال حول تلف طاره يمين ويسار

ورجلك على دعسه يمشي معك اسال مجرب ولاتسال طبيب

[BoFlanQ]

حلو .. ماقصرتو الله يجازكم الخير


وعندي استفسار بعد

الحين الموتر غرز .. اذا شبكت الدبل وشديت ع المكينه والسياره بدات تتحرك شوي

هل اكمل ؟ مايضر اذا تميت شاد ع المكينه


لانه مره غرزت وحاولت اطلع ف الدبل الخفيف و الدبل الثقيل ماطلعت

عقبها ولد العم ركب وداس بنزين وشد ع المكينه لين طلعت من التغريز


هو صح طلعها من التغريز بس قلبي عورني يوم شد ع المكينه ..

هل الشد ع المكينه يضر ولا عادي السياره تستحمل الشد وماتضر ؟
هل ابدا بالحفر ووضع الحجاره او الاغصان او رفع السياره بالجك ام تجربه الشد ع المكينه قبل ذلك؟

[ابوراكان تبوك]

حلو .. ماقصرتو الله يجازكم الخير


وعندي استفسار بعد

الحين الموتر غرز .. اذا شبكت الدبل وشديت ع المكينه والسياره بدات تتحرك شوي

هل اكمل ؟ مايضر اذا تميت شاد ع المكينه


لانه مره غرزت وحاولت اطلع ف الدبل الخفيف و الدبل الثقيل ماطلعت

عقبها ولد العم ركب وداس بنزين وشد ع المكينه لين طلعت من التغريز


هو صح طلعها من التغريز بس قلبي عورني يوم شد ع المكينه ..

هل الشد ع المكينه يضر ولا عادي السياره تستحمل الشد وماتضر ؟
هل ابدا بالحفر ووضع الحجاره او الاغصان او رفع السياره بالجك ام تجربه الشد ع المكينه قبل ذلك؟

وجهه نظري انه اكبر خطأ اذا غرزت تواصل قدام على طول
اذا ماتبي تزر الموتر
اذا غرز وهو بدون دبل ووقف
عشق الدبل الصغير
وارجع وراء على طول حدود 3-5 متر حتى تسوي له خط وتقل مقاومة السياره
وامشي قدام بسرعه متوسطه يطلع سلام سلام بدون مقاومه ولا جور ع الموتر

الدبل الثقيل يخليه يحفر ويحتر القير بسرعه يدمل كبدك وهو ماطلع ماتستخدمه الا اذا غرز بالدبل الصغير او عند السحب

[أبويوسف509]

وعليكم السلام ورحمة الله وبركاته
نصيحتي لك ولكل واحد يروح البر وأخص بكلامي هذا اللي عندهم سيارات غاليه وجديدة مثل الجيب اللكزس والدينالي واي سيارة جديده 4x4 او غيره .وللناس اللي خبرتهم قليله في البر .

أعطيك انا سوالفي في البر .
انا ياطويل العمر لي طلعات لهافمون بين فترة وفترة , وكل مره أطلع هافمون القا لي لاندكروزر , او جيب لكزس , او FG او الدينالي مغرزين والسيارات متعلقه بالرمل

وكان السبب لتغريزاتهم كلهم هو الهواْ ,يدخل البر وماينزل هواء.ويجيك التاهو حقي ال 2000 يتدلع في الرمل بهواه 18-20 او اقل احياناً ويسحبهم بالدبل الثقيل ويشيلهم شيل ماشاء الله تبارك الله . لاني مااجيهم الا متعلقين خلاص اهلكوا مواترهم.


تعرف وش فكرة اغلب الناس اللي عندهم دبل ومالهم بالبر , خلاص يفكر عنده دبل خلاص بياكل البر ولا يوقفه اكبر طعس . النظره هذي غلط . والنقاط التاليه باذكرها لك ولا تنساها أبد اذا ناوي على البر وفيه تطعيس ووناسة او ناوي تطلع لك طعس معين وتتكي فوق ع الطعس وكلامي هذا في فصل الصيف إجباري تطبقة ولا رايح تتعب وتتعب اللي معك وتتعب موترك وتكثر خرابات الدبل عليك . ترا كثر التغريز وتشغيل الدبل الثقيل يتعب الموتر ويسبب تهريبات ويعدم صوف الدبل.

* أنصحك بالتالي :
-اول شي طال عمرك لابد يكون عندك منفاخ هواء بالسياره ضروري ,أساسي.
-معيار الهواء اساسي للي مو متعود يقيس نظريا وبضربات اليد للكفر .
-قبل تدخل البر ان كان قدامك طعوس ورميل , لابد تنزيل الهواء من 18 الى 20
-تشغيل الدبل 4HI اذا كان ماهو مشبوك وكاله ,لان بعض السيارات يجيك الدبل شابك ع طول ويفصل على سرعه معينة .
-لاتفكر ابد تدخل البر بالذات صيفاً حتى لو نسمت الهواء 18-20 بدون دبل , تراه يريح المكينة ولا يتعبها.
-دايما اذا الطريق مستوي دعسة البنزين عاديه , لكن اذا قدامك طلعة لابد من زيادة الدعسه شوي ع حسب الطلعة اللي قدامك.
-دايما في البر لاتلف الطاره كامله دايما خذ اللفه طويله شوي اذا ناوي ترجع او تديور لمكان تعديته . لان لف الطاره كامله في الرميل يثقل السياره ويجبرها تغرز..
-اذا الله اراد وغرزت حتى وانت منسم للهواء ومشغل الدبل اعرف انك طحت في رباظة يعني رمله قويه. في الحالة هذي لا تتعب الموتر وتخليه يتعلق فتضطر تحتاج الى احد يسحبك اجباري, نسم هواء زياده قبل لايتعلق.
- السيارات اللي بدون دبل حمل ماطور هواء معاك وقبل تدخل الطعوس نزل هواء الموتر 10-12 وتدلع في البر .السيارات الصغيره يتركد عشان مايعدم وجهيه السياره وصداماتها,, هواء 10-12 اربع كفرات ويمتشى بالبر . بس اهم شي ماطوووور الهواء

وأعطيك طريقتي مااتوقع احد يطبقها الا ماشاء الله , تو اكتشتفتها ,

انسم لي كفرين بالتاهو من جنب واحد ,الجنب اليمين او اليسار وهذي اسويها عشان ماانسم الا كفرين فقط بدل تنسيم اربع كفرات.
تجي لجهة اليمين او اليسار وتنسم الكفرين الامامي والخلفي , ركز من جهه واحده امامي وخلفي والهواء 15 فقط .واتمشى كل مكان بهافمون واي طعس أتمشى فيه.والطريقة هذي تنفع في بداية التغريز قبل يتعلق الموتر ,نسم كفرين من جهة واحده امامي وخلفي هواء 15 وبإذن الله الموتر يقوم من مكانه.

طولت في كلامي بس حبيت يستفيد منه كثير من الناس , لان الشتاء جاي والناس اغلبها متوجهه للبر.

آسف ع الإطاله وأتمنى إني أفدتك أي سؤال حاضر وأنا أخوك.

[ابوراكان تبوك]

وعليكم السلام ورحمة الله وبركاته
نصيحتي لك ولكل واحد يروح البر وأخص بكلامي هذا اللي عندهم سيارات غاليه وجديدة مثل الجيب اللكزس والدينالي واي سيارة جديده 4x4 او غيره .وللناس اللي خبرتهم قليله في البر .

أعطيك انا سوالفي في البر .
انا ياطويل العمر لي طلعات لهافمون بين فترة وفترة , وكل مره أطلع هافمون القا لي لاندكروزر , او جيب لكزس , او FG او الدينالي مغرزين والسيارات متعلقه بالرمل

وكان السبب لتغريزاتهم كلهم هو الهواْ ,يدخل البر وماينزل هواء.ويجيك التاهو حقي ال 2000 يتدلع في الرمل بهواه 18-20 او اقل احياناً ويسحبهم بالدبل الثقيل ويشيلهم شيل ماشاء الله تبارك الله . لاني مااجيهم الا متعلقين خلاص اهلكوا مواترهم.


تعرف وش فكرة اغلب الناس اللي عندهم دبل ومالهم بالبر , خلاص يفكر عنده دبل خلاص بياكل البر ولا يوقفه اكبر طعس . النظره هذي غلط . والنقاط التاليه باذكرها لك ولا تنساها أبد اذا ناوي على البر وفيه تطعيس ووناسة او ناوي تطلع لك طعس معين وتتكي فوق ع الطعس وكلامي هذا في فصل الصيف إجباري تطبقة ولا رايح تتعب وتتعب اللي معك وتتعب موترك وتكثر خرابات الدبل عليك . ترا كثر التغريز وتشغيل الدبل الثقيل يتعب الموتر ويسبب تهريبات ويعدم صوف الدبل.

* أنصحك بالتالي :
-اول شي طال عمرك لابد يكون عندك منفاخ هواء بالسياره ضروري ,أساسي.
-معيار الهواء اساسي للي مو متعود يقيس نظريا وبضربات اليد للكفر .
-قبل تدخل البر ان كان قدامك طعوس ورميل , لابد تنزيل الهواء من 18 الى 20
-تشغيل الدبل 4HI اذا كان ماهو مشبوك وكاله ,لان بعض السيارات يجيك الدبل شابك ع طول ويفصل على سرعه معينة .
-لاتفكر ابد تدخل البر بالذات صيفاً حتى لو نسمت الهواء 18-20 بدون دبل , تراه يريح المكينة ولا يتعبها.
-دايما اذا الطريق مستوي دعسة البنزين عاديه , لكن اذا قدامك طلعة لابد من زيادة الدعسه شوي ع حسب الطلعة اللي قدامك.
-دايما في البر لاتلف الطاره كامله دايما خذ اللفه طويله شوي اذا ناوي ترجع او تديور لمكان تعديته . لان لف الطاره كامله في الرميل يثقل السياره ويجبرها تغرز..
-اذا الله اراد وغرزت حتى وانت منسم للهواء ومشغل الدبل اعرف انك طحت في رباظة يعني رمله قويه. في الحالة هذي لا تتعب الموتر وتخليه يتعلق فتضطر تحتاج الى احد يسحبك اجباري, نسم هواء زياده قبل لايتعلق.
- السيارات اللي بدون دبل حمل ماطور هواء معاك وقبل تدخل الطعوس نزل هواء الموتر 10-12 وتدلع في البر .السيارات الصغيره يتركد عشان مايعدم وجهيه السياره وصداماتها,, هواء 10-12 اربع كفرات ويمتشى بالبر . بس اهم شي ماطوووور الهواء

وأعطيك طريقتي مااتوقع احد يطبقها الا ماشاء الله , تو اكتشتفتها ,

انسم لي كفرين بالتاهو من جنب واحد ,الجنب اليمين او اليسار وهذي اسويها عشان ماانسم الا كفرين فقط بدل تنسيم اربع كفرات.
تجي لجهة اليمين او اليسار وتنسم الكفرين الامامي والخلفي , ركز من جهه واحده امامي وخلفي والهواء 15 فقط .واتمشى كل مكان بهافمون واي طعس أتمشى فيه.والطريقة هذي تنفع في بداية التغريز قبل يتعلق الموتر ,نسم كفرين من جهة واحده امامي وخلفي هواء 15 وبإذن الله الموتر يقوم من مكانه.

طولت في كلامي بس حبيت يستفيد منه كثير من الناس , لان الشتاء جاي والناس اغلبها متوجهه للبر.

آسف ع الإطاله وأتمنى إني أفدتك أي سؤال حاضر وأنا أخوك.

نصائح مهمه جداااااااااا:good2:

لكن هواء أقل من 18-20 يفتح التوبلس على طول وماينفع معه الماطور لازم هواء قوي زي ماطور البنشري
10-12 يصلح للكفرات اللستك مع الانتباه لعدم دعس الحجار حتى ولو كانت صغيره حتى مايقرص ولا بالهواء هذا ماعمره يوقف

[ابوفريحح]

ايام ام عزيز (الددسن) انسم التواير 10 والعب بالطعوس لعب والجيوب مغرزه

والنفود يبيله عرف مو اي واحد ينسم ويدخل

[أبويوسف509]

نصائح مهمه جداااااااااا:good2:

لكن هواء أقل من 18-20 يفتح التوبلس على طول وماينفع معه الماطور لازم هواء قوي زي ماطور البنشري
10-12 يصلح للكفرات اللستك مع الانتباه لعدم دعس الحجار حتى ولو كانت صغيره حتى مايقرص ولا بالهواء هذا ماعمره يوقف

حبيبي ابوراكان اشكرك ع المرور,

بإذن الله اذا ماراح يستعرض بالموتر بالعامية يفحط بالرميل ماراح يضره لكن ان كان ناوي يستعرض ماانصح ابد ينزل الهواء الآ 18 -20 ولا انصح بالاستعراض في الرمل .

[أبويوسف509]

ايام ام عزيز (الددسن) انسم التواير 10 والعب بالطعوس لعب والجيوب مغرزه




والنفود يبيله عرف مو اي واحد ينسم ويدخل



أم عزيز اذا غرزت 2 يدفونها . لكن اشهد انه موتر اذا نسمت له , يناقز بالرميل ماشاء الله عليه.

[ابو ساره العنقري]

الموتر انت علته

تقول ان ولد عمك يوم شد على المكينه عورك قلبك

ترا البر يحتاج تشد على موترك احيانا