الفزعه ياجماعه الخير عندي مشكله بالقير

[ابو عيد ا]

[/CENTER]السلا عليكم جميعاً
اول شيء اعجبت بالمنتدى كثير من حيث التفاعل والنفع من مواضيعه
طال عمركم شريت باترول 95 ربع قبل اسبوع ولما فحصته قيره مافيه شيء
ولما شريته ووقفته وشغلته امس ومشيت فيه لاحظت لما اعشق الثاني يقر وبعدها يدخل
وبعض المرات ما يقر بس مايدخل بسهوله
وقلت يمكن الزيت ناقص ووديته وشيكت على زيت القير ولا فيه تقص ولا شيء
وقاللي اليماني يمكن لانك موقفه 3 ايام ما طلع الزيت للقير
وجلست ادور عليه نص ساعه قلت يارب الزيت يطلع وتروح
وللأسف ماراح

وش رأيكم يا اخوان
تكفون لا تبخلون علي وبالذات الي صارت معه نفس المشكله

واذا الموتر يحتاج فك قير
وين الورشه الي شغلها مظبووط بالرياض

والعذر على الاطاله

[سفاري 95]

شغلتك بسيطه كان عندي نفس المشكله في باترول 95 بس لمن اعشق الخامس الصدق ما قمت بأصلاحه لانه ماكان يضر

لكن المشكله من هلال القير

ملاحظه::: وانت تعشق الثاني لاتحاول انك تشبك ع طول او تعشقه بالغصب خليك هادي عليه وراح تلاحظ انه يلقم الثاني بسهوله...

والله اعلم

[ابو عيد ا]

هلا وغلا اخوي سفاري

وانا اخوك الثاني ماهو زي الخامس
يعني بالنفود بتستخدمه كثيررر
والخوف هنا انه يضر القير

[MSAN]

هلالة التعشيقة الثانية داخل القير

بالتوفيق

[ابو عيد ا]

Msan هلا اخوي

مشكور

طيب هل الهلال هذا لو اخليه ولا اسوي فيه شيء يأثر على القير؟؟
وهل تنصحوني اخليه كذا ولا اصلحه ؟؟

[حمزةعبدالمطلب]

تاكد من الهلال لايكون مكسور
مشكلتك من الفحمة رمان اللي مشبوكة بالهلال وليست الكلتش والصحن
اذا هو بارد يعشق على طول ماعندك مشكلة
اذا ما هو يعشق على طول بتعطل في اي وقت

[ابوعبدالله172]

المشكله عندك من نحاسة الترس للنمره الثانيه وليست من الهلال حاول تستخدمه بهدوء وتتلاشى المشكله تدريجيا

[ابوعبدالله172]

كما انصحك بتغيير زيت القير الى زيت امريكي اصلي من اسي ديلكو

[ابوراكان تبوك]

المشكله عندك من نحاسة الترس للنمره الثانيه وليست من الهلال حاول تستخدمه بهدوء وتتلاشى المشكله تدريجيا
صحيح فتره وتتعود عليه اذا رفض يعشق رده للترس الرابع وانقله للترس الثاني يعشق على طول
وبخصوص الزيت افضل شيء اللي ذكره ابو عبدالله

[mechanistic]

شباب اذا في النحاسات شي كان صار يعشق الريوس مكان الواحد
او اي نمر اخرى
تاكد من كراسي الدفرنس الامامي او كراسي القير او المكينة واصلاح العصا

[ابو عيد ا]

كما انصحك بتغيير زيت القير الى زيت امريكي اصلي من اسي ديلكو


اغير زيت القيرر !!

[ابو عيد ا]

شباب اذا في النحاسات شي كان صار يعشق الريوس مكان الواحد
او اي نمر اخرى
تاكد من كراسي الدفرنس الامامي او كراسي القير او المكينة واصلاح العصا


عندي واحد من كراسي القير خربان
بس هل الكرسي يخلي النمره الثانيه يقرر ؟؟

[ماجد باترول]

المشكلة هذه عندي في باترول 93 لها اكثر من خمس سنين وماشي وما عليه اذا عاند معك القير فضيه وانت ضاغط كلتش وارجع عشقه يسلك معك بسهولة

[الوسم]

حل سريع وفعال ...
قررب المرتبه شوي
انتبه تغير زيت قير أو دفرنس أو دبل
شكل الموضوع بسسيييييط جدا لذلك لا تهوجس واجد