مشكلة عندي في كربون السياره لاندكروزر

[عـــــزام]

ياخوان ذبحني الكربون السياره


مع العلم اني منظف ثلاجة السياره

وحطيت شرب مع البنزين للبخاخات

وغيرت بواجي وأسلاك بواجي

وفكيت دبات ال تلوث

وش الحل مع الكربون

السياره جي اكس 2007

[عـــــزام]

لرررررررررفع

[SGL]

في ناس فكت دبات التلوث وبتلشت في الكربون ممكن يكون السبب منها ﻷنك فاكها وممكن يكون من شي آخر ﻷن الكربون له أسباب آخرى يفيدونك فيها الرجال إن شاء الله متخصصين في نوعية موترك

[عـــــزام]

لاندكروزر جي اكس

2007

[ابوراكان تبوك]

فيه تنسيم مع الباب الخلفي أو احد الجلود الموجوده في صدر البودي واخطر وحده يحصل منها التنسيم جلده مواسير الثلاجه الداخله للغماره ( أي تهريب فيه وجهه الكزوز يجيك الكربون مع فتحات المكيف )
او جلده عصى الدبل ( فك الديكور اللي حوالين القير يطلع بسرعه مكبوس كبس وتفقد الجلد )
عموما السبب الرئيسي يالباب الخلفي ينسم او الشكمان فيه تهريبات وخصوصاً او وصله معروفه دايم تخرب بسبب الحراره شغل السياره وهي بارده وتحسس بيديك وصلات الشكمان عن التهريب تقدر بنفسك تحدد الخلل وتروح تصلحه مباشره لان المشكلة بسيطة مشكلة تهريب هواء

دبة التلوث مالها علاقه بادخال الكربون داخل السياره ضررها على اللي برا ، مؤقتا اغلق الهواء الداخل للسياره اذا راحت الرائحه الكريهه معناه السبب تهريب حوالين الكزوز
واذا ماراحت التهريب يامن جلدة القير او الباب الخلفي

اعذرني كلامي غير مرتب لاني اكتب بالجوال

[عـــــزام]

لا الكربون يطلع من الشكمان

مافيه مشكله دخل لجيت أوقف السياره وأنزل اشم ريحة كربون قويه تفقع العين

[mechanistic]

عندك احد البخاخات يكب زيادة
او احد من البواجي ماشغالة بالشكل المطلوب

[ابوعبدالله172]

اخي الكريم مصدر الكربون حسب وصفك من جلد البلوف تهرب زيت بسيط على خانة الاحتراق

[ابوعبدالله172]

اخي الغالي مصدر الكربون من جلد البلوف تهرب زيت على خانة البستم

[عـــــزام]

يعطيك العافية

هل هي مضرة للسياره

[يالبى الهلا]

عندك احد البخاخات يكب زيادة
او احد من البواجي ماشغالة بالشكل المطلوب

نفس الكلام الخللل من البخاخات او من نظام الوقود والاحتراق غير كامل.
تاكد من الكويلااااات

[قناص الوعول]

السبب ازالة دبة التلوث

[ابو تولين]

صحيح كلام اخوي قناص الوعول المشكلة عندك من دبة التلوث اللي ازلتها لأنه نفس المشكلة عند خويي بعد ازال دبة التلوث طلعت عنده ريحة الكربون وبنفس وصفك للمشكلة....

[اسدهم]

شيك ع بلف التبخير الي عندك ممكن منة كان عندي ف الفورد تدخل علي الكربون وغيرتة وخف شي واجد

[رحال2100]

السبب انك شايل دبه التلوث وطبيعي اذا جيت عند الشكمان تشم ريحه كربون رجع دبات التلوث