تكفون وترا تكفون تهز الرجاجيل

[قرقاص مع شاهي]

مسيكم بالخير يا اخواني. ..
اذا احد يخبر لي ورشة في الرياض ومجربه عندي يوكن 2012 فيه دقشة في الرفف الخلفي والاصطب يبيله تغيير اكون شاكر لكم

[majed1111]

وعليكم السلام ورحمة الله وبركاته
مسيت بالرضا والعافية

في ورشه الوفا في الصناعية القديمة شغلهم مضبوط بس اسعارهم غاليه بس انتبه انتبه انتبه ترا في اكثر من ورشة مقلدين الاسم عشان يوهمون الي مايعرف الورشه الاصليه انهم هم عشان كذا تنشد قبل لاتروح وبيفدونك الشباب هنا بموقع الاصليه وانشد ربعك كمان للتاكد

[1824]

يالبى الحين تبي تغير الاصطب بس ولا تبي تصلح الصدمة الاصطب تغيره سهل اجيبلك فيديو تغيره في البيت يارجال بالتوفيق لك

[نفود حلوان]

ماودك تسمكر اذا القشه بصيطه عدلها وغير اسطب
اي سمكره تضر الموتر
واذا ربل صدام ماهنا مشكلة. .

[ك و ح]

فيه ورشة الشباب الفنية تعديل بدون رش وفيه مصري يقال له أبو عبدالله تعديل بدون رش قريب مكانه من الشباب الفنية وأنا شفت او بالأصح إني عدلت عندهم وشغلهم فوق المنتاز

[قرقاص مع شاهي]

الله يعافيكم يالربع ومشكورين على المشاركة...
بس السالفة دقشة والاصطب مكسور والصدام الخلفي زاويته مطعوجة وداخله جوا
وكان ودي ارفق صوره لكم بس ماعرفت ارفع الصوره
شكلها لازم ورشة خصوصا الرفرف الخلفي يبيله سمكره بسيطه لازم
وياليت احسن ورشة مع وصفها لاهنتوا

[ابو تولين]

شوف ورشة كارماستر في الصناعية القديمة ولهم فديوهات على اليوتيوب

[قرقاص مع شاهي]

اشكرك اخوي ابو لين ولا يهون باقي الاعظاء

[راعي المعرض]

افضل ورشه تعديل بالسعوديه والخليج العربي ههه
ورشة أبو فهد بعنيزه يجونها من الكويت