خبراء الاجهزه والريش حقت الطيور يفيدونا لاهنتم

[بدوي نمبر ون]

السلام عليكم
مساكم الله بالخير
يالربع افيدوني عن جهاز ( ولد لايف )
وعن افضل ريشه انا ماعرف بهن
الرجال يقولي عنده ام قرص وارتي وام درام
وبلشنا
افيدونا بساع لاهنتم

[القصير111]

عليكم السلام ورحمة الله وبركاته
الجهاز هذا من أفضل اﻷجهزة
عندي نفس الجهاز ممتاز جدا

أما بالنسبة للريشة خذ آر تي برميل وأبعد عن القرص

[وزاري]

القـــرص لاتقربه


الريشه""" خذ الريشه الجديده لها شهر نازله بالسوق أم ثلاث أنوار وهي برميل وصلت معي 13 كم الى 14 كم بأرض متساوي


...بأرض غير متساوي عروق نفود او أوماشابه يدق 5 الى 6 كم

أخضر "" بطاريه ممتازة تدق 13 كم

برتقالى "" نصف المسافه تزيد وتنقص


أحمــر" الوضع يابو شنب خطر مايدق الا شئ بسيط


اذا حصل لك جهاز فرنسي يدبل الريشه مرتين ....خذه ولاتشاور لكن مشكلته ان مثل سالفه الكلاش المذهب نادر ماتحصله...وهذا المقطع فيديو




........................

تم حذ ف الرابط

(هزاع)

[وزاري]

ماعليش غلط الرابط .......سامحونا وهذا الرابط

http://www.youtube.com/watch?v=0pV8s8Unbi0&index=23&list=UU9-BA61CA8hAdtoq8UIQqlQ

[بدوي نمبر ون]

بيض الله وجيهكم وتم تحويل المبلغ للسويبع بالقصيم والباقي على الله
اخذنا
جهاز ولد لايف ابو ١٦ ريشه
واخذنا
ام درام ار تي رقم ٣
وعلى الله التوكل
وماقصرتو وبيض الله وجيكم جميع

[أبو فااارس]

ازين ماسويت مبروك

[بدوي نمبر ون]

الله يبارك بعمرك
وابشركم طرحنا حبارا
بليا جهاز وريشه
اللهم لك الحمد