يوجد دقه احس انها بالقير او البدي في الفتك مع البريك افزعو لي يااصحاب الفتك

[ابوفرح3217]

السلام عليكم
ماشاركت بالمنتدى الا من شان فزعتكم يارجال بالمشكله الللي عندي واكيد انها مرت عليكم يااصحاب الفتكات
معاي نيسان فتك 2008
احس بدقه في الخلف واحيانا بالامام كانها تدف القير او كان البدي له طق زي ماتقول ربل خربان او شي
لكن دقه قويه مره تحس ان القير والسياره كلها تحرك من تحتك وبالاخص عندما امسك بريك عند اشاره اوكنت جاي من مشوار طويل اذا مسكت بريك وقفت السياره تطلع الدقه ذي
رحت لكذا ورشه وتخبرون بدا مسلسل التغير اللي من دون فايده
غيرت ربلات الشدادات الامامي والخلفي كلهن بمبلغ وقدره
غيرت ربلات مسامير التوازن الخلفيه
ومااافي فايد وش المشكله يارجال
احيان اقول انها في ربلات البدي شي مع ان الموتر نضيييف جدا وماجاه كد ابد
او دلوني على ورشه بالكويت او بالحفر او بالرياض تحللي المشكله ذي
وفيه واحد قالي فيه قطعه تجي نهاية العمود وتشبك مع الدفرنس
هذي يبغالها تشحيم او تغير
الوكاااد اني بلشت وان من النوع االلي مااحب اسمع او احس بالسيااره اي شي
والسلام عليكم
تكفوون دبروني بهالمعلومه لاني لاحضتها على فتكات كثيره

[فتك08]

تشحيم العمدان الكردان و الدبل فقط لا اقل و لا اكثر و ماتكلف10ريال
و هذي طبيعية بالفتك و تجي عند الوقوف او بداية الحركة
تقريبا كل 4-6شهور تحتاج تشحيم

[ابوفرح3217]

هلابك يعطيك العافيه
انا اشحم السياره مع كل غيار زيت واحس ان الدقه موجوده
طيب مالها تغير او شي يحل المشكله نهاي
والتشحيم اقوله شحم عمد الكردان والا هم عارفين التشحيم

[موادع 1]

مره صارت معي
ورحت اغير مسمار التوازن الخلفي
وبالصدفه اكتشف الفلبيني وحده من صواميل كرسي القير طايحه وركب من عنده صاموله وراح الصوت

تاكد من مسامير القير لا تكون طايحه ولا مرتخيه

[فتك08]

اذا انك شحمت ولا فيه فايدة
فمثل ماقال اخونا شيك على كراسي القير لاتكون مكسورة او احدها مكسور
او ناقص منهن مسمار او اكثر و شيك حتى على كراسي المكينة و شيك على شيال
القير الموصل بين طرفي الشاص
و لاتنسى تشيك على الصلبان لايكون بها فضاوة او شي